ਪਟਿਆਲਾ, 17 ਫਰਵਰੀ 2022 – ਲੰਮੇ ਅਰਸੇ ਤੱਕ ਪੰਜਾਬ ਦੀ ਸਿਆਸਤ ਦਾ ਧੁਰਾ ਰਹੇ ਕਾਂਗਰਸ ਪਾਰਟੀ ਛੱਡ ਕੇ ਕੈਪਟਨ ਅਮਰਿੰਦਰ ਸਿੰਘ 80 ਸਾਲ ਦੀ ਉਮਰ ਵਿੱਚ ਇੱਕ ਵਾਰ ਫਿਰ ਆਪਣਾ ਸਿਆਸੀ ਵਜੂਦ ਸਾਬਤ ਕਰਨ ਲਈ ਕਵਾਇਦ ਦਿਖਾ ਰਹੇ ਹਨ। ਬਦਲੇ ਹਾਲਾਤ ਦਾ ਅੰਦਾਜ਼ਾ ਇਸ ਤੱਥ ਤੋਂ ਵੀ ਪਤਾ ਲੱਗ ਸਕਦਾ ਹੈ ਕਿ ਕੈਪਟਨ ਅਮਰਿੰਦਰ ਨੇ ਅੱਜ ਤੱਕ ਕਿਸੇ ਵੀ ਛੋਟੀ ਚੋਣ ਰੈਲੀ ਨਹੀਂ ਕੀਤੀ ਸੀ ਪਰ ਇਸ ਵਾਰ ਉਹਨਾਂ ਨੂੰ ਨੁਕੜ ਸਭਾਵਾਂ ਵਿੱਚ ਜਾਣਾ ਪੈ ਰਿਹਾ ਹੈ।
ਕਾਂਗਰਸ ਤੋਂ ਵੱਖ ਹੋਣ ਦੇ ਬਾਅਦ ਕੈਪਟਨ ਪਹਿਲੀ ਵਾਰ ‘ਪੰਜਾਬ ਲੋਕ ਕਾਂਗਰਸ’ ਪਾਰਟੀ ਦੇ ਬੈਨਰ ਹੇਠ ਪਟਿਆਲਾ ਅਰਬਨ ਸੀਟ ਤੋਂ ਚੋਣ ਮੈਦਾਨ ‘ਚ ਉਤਰੇ ਹਨ। ਕਾਂਗਰਸ ਵਿੱਚ ਰਹਿ ਕੇ ਪੂਰੇ ਪੰਜਾਬ ‘ਚ ਚੋਣ ਪ੍ਰਚਾਰ ਕਰਨ ਵਾਲੇ ਕੈਪਟਨ ਇਸ ਵਾਰ ਪੂਰਾ ਫੋਕਸ ਆਪਣੇ ਚੋਣ ਹਲਕੇ ਤੇ ਕਰ ਰਹੇ ਹਨ। ਉਹ ਇਸ ਵਾਰ ਚੋਣ ਪ੍ਰਚਾਰ ਦੇ ਦੌਰਾਨ ਪੰਜਾਬ ‘ਚ ਇਕਾ-ਦੁੱਕਾ ਜਗ੍ਹਾ ‘ਤੇ ਵੀ ਵੱਡੀਆਂ ਰੈਲੀਆਂ ‘ਚ ਆਪਣੇ ਸਹਿਯੋਗੀ ਭਾਜਪਾ ਅਤੇ ਅਕਾਲੀ ਦਲ (ਸੰਯੁਕਤ) ਦੇ ਮੰਚ ‘ਤੇ ਹੀ ਦਿਖਾਈ ਦਿੱਤੇ।
ਪਟਿਆਲਾ ਅਰਬਨ ਸੀਟਾਂ ‘ਤੇ ਕੈਪਟਨ ਦੇ ਵਿਰੁੱਧ ਕੋਈ ਵੀ ਵਿਰੋਧੀ ਲਹਿਰ ਭਲੇ ਨਹੀਂ ਹੁੰਦੀ ਪਰ ਫਿਰ ਵੀ ਲੋਕ ਨਾਰਾਜ਼ ਹਨ। ਇਸ ਵਾਰ ਕੋਹਲੀ ਨੂੰ ‘ਆਪ’ ਨੇ ਮੈਦਾਨ ‘ਚ ਉਤਾਰਿਆ ਹੈ। ਪਟਿਆਲਾ ਦੇ ਸਾਬਕਾ ਮੇਅਰ ਅਜੀਤਪਾਲ ਸਿੰਘ ਕੋਹਲੀ ਕੈਪਟਨ ਨੂੰ ਕੜੀ ਟੱਕਰ ਦੇ ਰਹੇ ਹਨ। ਕੋਹਲੀ ਪਰਿਵਾਰ ਦਾ ਪਟਿਆਲਾ ਵਿੱਚ ਚੰਗਾ ਰਸੂਖ ਹੈ ਅਤੇ 2000 ਤੋਂ 2500 ਪਰਿਵਾਰ ਕੋਹਲੀ ਪਰਿਵਾਰ ਦੇ ਹੱਕ ‘ਚ ਬੋਲ ਰਹੇ ਹਨ।
ਕੈਪਟਨ ਲਈ ਇਸ ਵਾਰ ਹਲਾਤ ਕਿੰਨੇ ਮੁਸ਼ਕਲ ਹਨ, ਅੰਦਾਜ਼ਾ ਇਸ ਗੱਲ ਤੋਂ ਵੀ ਲਗਾਇਆ ਜਾ ਸਕਦਾ ਹੈ ਕਿ ਉਨ੍ਹਾਂ ਦੇ ਲਈ ਭਾਜਪਾ ਨੇਤਾ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਵੀ ਪ੍ਰਚਾਰ ਕਰ ਰਹੇ ਹਨ। ਪਟਿਆਲਾ ਅਰਬਨ ਸੀਟਾਂ ‘ਤੇ ਤਬਦੀਲੀ ਦੀ ਗੱਲ ਕਰਨ ਵਾਲੇ ਵੀ ਲੋਕ ਹਨ, ਉਨ੍ਹਾਂ ਦੀ ਗਿਣਤੀ ਨਿਰਣਾਇਕ ਹੈ ਜਾਂ ਨਹੀਂ, ਇਹ ਪਤਾ ਤਾਂ ਵੋਟਾਂ ਵਾਲੇ ਦਿਨ ਹੀ ਚਲੇਗਾ। ਫਿਲਹਾਲ ਇਸ ਸੀਟਾਂ ‘ਤੇ ਬਦਲਾਅ ਦੇ ਸੰਕੇਤ ਕੈਪਟਨ ਲਈ ਚੰਗੇ ਸੰਕੇਤ ਨਹੀਂ ਮੰਨ ਸਕਦੇ ਹਨ।
