ਇਰਾਕ, 13 ਮਾਰਚ 2022 – ਇਰਾਕ ਦੇ ਬਾਹਰੋਂ ਛੱਡੀਆਂ ਗਈਆਂ ਇੱਕ ਦਰਜਨ ਬੈਲਿਸਟਿਕ ਮਿਜ਼ਾਈਲਾਂ ਨੇ ਐਤਵਾਰ ਨੂੰ ਦੇਸ਼ ਦੀ ਉੱਤਰੀ ਕੁਰਦ ਖੇਤਰੀ ਰਾਜਧਾਨੀ ਏਰਬਿਲ ਉੱਤੇ ਹਮਲਾ ਕੀਤਾ, ਕੁਰਦਿਸ਼ ਅਧਿਕਾਰੀਆਂ ਨੇ ਕਿਹਾ ਕਿ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਹੈ।
ਇਰਾਕ ਵਿੱਚ ਅਮਰੀਕੀ ਦੂਤਾਵਾਸ ਕੈਂਪਸ ਵੱਲ ਕਈ ਰਾਕੇਟ ਦਾਗੇ ਗਏ ਹਨ। ਰਾਕੇਟ ਦਾਗੇ ਜਾਣ ਤੋਂ ਬਾਅਦ ਦੂਤਘਰ ਦੇ ਪਰਿਸਰ ‘ਚ ਅੱਗ ਲੱਗ ਗਈ ਹੈ। ਪੂਰਬੀ ਯੂਰਪੀ ਮੀਡੀਆ NEXTA ਦੇ ਅਨੁਸਾਰ, Erbil ‘ਤੇ ਮਿਜ਼ਾਈਲ ਹਮਲਾ ਈਰਾਨੀ ਖੇਤਰ ਤੋਂ ਆਇਆ ਸੀ। ਇਰਾਕੀ ਸੁਰੱਖਿਆ ਬਲਾਂ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਸ਼ਨੀਵਾਰ ਦੇਰ ਰਾਤ ਹੋਏ ਇਸ ਹਮਲੇ ਵਿੱਚ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਤੁਰੰਤ ਰਿਪੋਰਟ ਨਹੀਂ ਹੈ ਅਤੇ ਖੇਤਰ ਵਿੱਚ ਭਾਰੀ ਨੁਕਸਾਨ ਹੋਇਆ ਹੈ।
ਕੁਝ ਈਰਾਨੀ ਨਿਊਜ਼ ਏਜੰਸੀਆਂ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਇਰਾਕ ਦੇ ਏਰਬਿਲ ਸਥਿਤ ਅਮਰੀਕੀ ਕੌਂਸਲਖਾਨੇ ‘ਤੇ ਲੰਬੀ ਦੂਰੀ ਦੀਆਂ ਛੇ ਬੈਲਿਸਟਿਕ ਮਿਜ਼ਾਈਲਾਂ ਦਾਗੀਆਂ ਗਈਆਂ ਸਨ। ਸ਼ੁਰੂਆਤੀ ਰਿਪੋਰਟਾਂ ਦੇ ਅਨੁਸਾਰ, ਛੇ ਫਤਿਹ-110 ਮਿਜ਼ਾਈਲਾਂ ਨੂੰ ਸ਼ਾਇਦ ਤਬਰੀਜ਼ ਈਰਾਨ ਦੇ ਖਾਸਾਬਾਦ ਬੇਸ ਤੋਂ ਇਰਬਿਲ ਦੀ ਦਿਸ਼ਾ ਵਿੱਚ ਲਾਂਚ ਕੀਤਾ ਗਿਆ ਸੀ। ਦੂਜੇ ਪਾਸੇ ਅਮਰੀਕੀ ਫੌਜ ਨੇ ਹਮਲੇ ‘ਤੇ ਤੁਰੰਤ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ।
ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਮਿਜ਼ਾਈਲਾਂ ਕਿਸ ਨੇ ਚਲਾਈਆਂ। ਈਰਾਨ ਨੇ ਪਿਛਲੇ ਹਫਤੇ ਸੀਰੀਆ ਵਿੱਚ ਇੱਕ ਕਥਿਤ ਇਜ਼ਰਾਈਲੀ ਹਵਾਈ ਹਮਲੇ ਵਿੱਚ ਇਸਲਾਮਿਕ ਰੈਵੋਲਿਊਸ਼ਨਰੀ ਗਾਰਡ ਕੋਰ (IRGC) ਦੇ ਦੋ ਅਧਿਕਾਰੀਆਂ ਦੀ ਮੌਤ ਲਈ ਹਾਲ ਹੀ ਦੇ ਦਿਨਾਂ ਵਿੱਚ ਬਦਲਾ ਲੈਣ ਦੀ ਧਮਕੀ ਦਿੱਤੀ ਹੈ।
