ਖੰਨਾ, 30 ਮਾਰਚ 2022 – ਕੇਂਦਰੀ ਜਾਂਚ ਏਜੰਸੀ ਐਨ.ਆਈ.ਏ. ਨੇ ਅੱਜ ਸਵੇਰੇ ਖੰਨਾ ‘ਚ ਛਾਪਾ ਮਾਰਿਆ। ਇਹ ਛਾਪਾ ਲੁਧਿਆਣਾ ਬੰਬ ਧਮਾਕੇ ਦੇ ਮਾਮਲੇ ਦੇ ਕਥਿਤ ਮੁੱਖ ਦੋਸ਼ੀ ਗਗਨਦੀਪ ਸਿੰਘ ਦੇ ਗੁਰੂ ਤੇਗ ਬਹਾਦਰ ਨਗਰ ਸਥਿਤ ਪੁਰਾਣੇ ਘਰ ‘ਤੇ ਮਾਰਿਆ ਗਿਆ ਹੈ।
ਜਾਣਕਾਰੀ ਦੇ ਅਨੁਸਾਰ ਲੁਧਿਆਣਾ ਬੰਬ ਧਮਾਕੇ ਦੇ ਮਾਮਲੇ ਦਾ ਕਥਿਤ ਮੁੱਖ ਦੋਸ਼ੀ ਗਗਨਦੀਪ ਪ੍ਰੋਫਸਰ ਕਲੋਨੀ ਵਿਚ ਨਵੇਂ ਮਕਾਨ ਵਿਚ ਸ਼ਿਫਟ ਹੋਣ ਤੋਂ ਪਹਿਲਾਂ ਪਰਿਵਾਰ ਦੇ ਨਾਲ ਇਸ ਮਕਾਨ ਵਿਚ ਰਹਿੰਦਾ ਸੀ। ਇਸ ਤੋਂ ਬਾਅਦ ਕੁੱਝ ਸਾਲਾਂ ਤੋਂ ਇਹ ਮਕਾਨ ਬੰਦ ਸੀ। ਐਨ ਆਈ ਏ ਟੀਮ ਵਲੋਂ ਖੰਨਾ ਵਿਚ ਛਾਪੇਮਾਰੀ ਕਰਨਾ ਬੰਬ ਬਲਾਸਟ ਮਾਮਲੇ ਵਿਚ ਕੋਈ ਸੁਰਾਗ ਮਿਲਣ ਦਾ ਇਸ਼ਾਰਾ ਕਰ ਰਹੀ ਹੈ। ਯਾਦ ਰਹੇ ਕਿ ਗਗਨਦੀਪ ਸਿੰਘ ਦੀ ਬੰਬ ਬਲਾਸਟ ਦੌਰਾਨ ਮੌਤ ਹੋ ਗਈ ਸੀ।
