ਲੁਧਿਆਣਾ, 10 ਸਤੰਬਰ 2022 – ਲੁਧਿਆਣਾ ਦੇ ਲਾਡੋਵਾਲ ਟੋਲ ਪਲਾਜ਼ਾ ਨਜ਼ਦੀਕ ਖੁਸ਼ੀਆਂ ਨਾਲ ਸ਼ਗਨ ਪਾਉਣ ਜਾ ਰਹੇ ਪਰਿਵਾਰ ਨਾਲ ਭਿਆਨਕ ਹਾਦਸਾ ਵਾਪਰਿਆ ਗਿਆ। ਪਰਿਵਾਰ ਦੀ ਕਾਰ ਫਲਾਈਓਵਰ ਤੋਂ ਪਲਟ ਗਈ, ਜਿਸ ਕਾਰਨ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਪਰਵਾਰਕ ਮੈਂਬਰ ਨੇ ਦੱਸਿਆ ਕਿ ਉਹ ਦੋ ਗੱਡੀਆਂ ਵਿਚ ਸ਼ਗਨ ਪਾਉਣ ਜਾ ਰਹੇ ਸਨ ਉਹਨਾਂ ਦੀ ਗੱਡੀ ਪੁੱਲ ਦੇ ਨੀਚੇ ਦੀ ਨਿੱਕਲੀ ਜਦ ਕਿ ਦੂਸਰੀ ਗੱਡੀ ਫਲਾਈਓਵਰ ਦੇ ਉਪਰੋਂ ਜਾ ਰਹੀ ਸੀ ਅਚਾਨਕ ਐਕਸੀਡੈਂਟ ਹੋਣ ਕਾਰਨ ਗੱਡੀ ਕਈ ਪਲਟੀਆਂ ਖਾ ਗਈ ਅਤੇ ਪਰਵਾਰ ਦੇ 3 ਜੀਆਂ ਦੀ ਮੌਤ ਹੋ ਗਈ। ਸਿਰਫ ਇੱਕ ਪਰਿਵਾਰਕ ਮੈਂਬਰ ਹੀ ਉਸ ਗੱਡੀ ਵਿੱਚੋ ਬਚਿਆ। ਉਸ ਗੱਡੀ ਵਿਚ ਚਾਰ ਲੋਕ ਸਵਾਰ ਸਨ।
