ਬਿਹਾਰ, 8 ਅਕਤੂਬਰ 2022 – ਬਿਹਾਰ ਦੇ ਪੱਛਮੀ ਚੰਪਾਰਨ ‘ਚ ਸਥਿਤ ਬਗਾਹਾ ‘ਚ ਸ਼ਨੀਵਾਰ ਨੂੰ ਇਕ ਆਦਮਖੋਰ ਬਾਘ ਮਾਰ ਦਿੱਤਾ ਗਿਆ। ਜਾਣਕਾਰੀ ਮੁਤਾਬਕ ਬਾਘ ਨੇ 6 ਮਹੀਨਿਆਂ ‘ਚ 8 ਲੋਕਾਂ ‘ਤੇ ਹਮਲਾ ਕੀਤਾ ਸੀ। ਇਸ ਹਮਲੇ ਵਿੱਚ 7 ਲੋਕਾਂ ਦੀ ਜਾਨ ਵੀ ਗਈ ਸੀ। ਜਦਕਿ ਇਕ ਵਿਅਕਤੀ ਜ਼ਿੰਦਗੀ ਭਰ ਲਈ ਅਪਾਹਿਜ ਹੋ ਗਿਆ ਹੈ। ਬਾਘ ਨੇ ਪਿਛਲੇ ਦੋ ਦਿਨਾਂ ‘ਚ ਦੋ ਲੋਕਾਂ ‘ਤੇ ਹਮਲਾ ਕੀਤਾ ਸੀ।
ਬਾਘ ਦੀ 26 ਦਿਨਾਂ ਤੋਂ ਭਾਲ ਕੀਤੀ ਜਾ ਰਹੀ ਸੀ। ਸ਼ਨੀਵਾਰ ਨੂੰ ਉਸ ਨੂੰ ਗੋਵਰਧਨ ਥਾਣਾ ਖੇਤਰ ਦੇ ਬਲੂਆ ਪਿੰਡ ਦੇ ਖੇਤ ‘ਚ ਘੇਰ ਲਿਆ ਗਿਆ। ਇਸ ਤੋਂ ਬਾਅਦ ਸ਼ੂਟਰਾਂ ਨੇ ਉਸ ਨੂੰ 4 ਗੋਲੀਆਂ ਮਾਰ ਦਿੱਤੀਆਂ। ਟੀਮ 3 ਪਾਸਿਓਂ ਮੈਦਾਨ ‘ਚ ਦਾਖਲ ਹੋਈ। ਵਾਲਮੀਕਿ ਟਾਈਗਰ ਰਿਜ਼ਰਵ (VTR) ਦੇ ਇਸ ਟਾਈਗਰ ਨੇ ਸ਼ਨੀਵਾਰ ਨੂੰ ਮਾਂ-ਪੁੱਤ ਨੂੰ ਵੀ ਮਾਰ ਦਿੱਤਾ ਸੀ। ਪਿਛਲੇ 3 ਦਿਨਾਂ ‘ਚ ਬਾਘ ਦੇ ਇਸ ਹਮਲੇ ‘ਚ 4 ਲੋਕਾਂ ਦੀ ਮੌਤ ਹੋ ਗਈ ਹੈ।
ਬਾਘ ਦੇ ਪੈਰਾਂ ਦੀ ਨਿਸ਼ਾਨਦੇਹੀ ਤੋਂ ਬਾਅਦ ਮਾਹਿਰਾਂ ਦੀ ਟੀਮ ਨੂੰ ਯਕੀਨ ਹੋ ਗਿਆ ਕਿ ਉਹ ਗੰਨੇ ਦੇ ਖੇਤ ਵਿੱਚ ਲੁਕਿਆ ਹੋਇਆ ਹੈ। ਇਸ ਤੋਂ ਬਾਅਦ ਮੈਦਾਨ ਨੂੰ ਚਾਰੋਂ ਪਾਸਿਓਂ ਜਾਲ ਨਾਲ ਘੇਰ ਲਿਆ ਗਿਆ। ਇਸ ਤੋਂ ਬਾਅਦ ਰਾਈਫਲਾਂ ਨਾਲ ਲੈਸ ਟੀਮ ਹਾਥੀ ‘ਤੇ ਸਵਾਰ ਹੋ ਕੇ ਗੰਨੇ ਦੇ ਖੇਤ ਦੇ ਅੰਦਰ ਗਈ। ਜਿਵੇਂ ਹੀ ਟੀਮ ਦੀ ਨਜ਼ਰ ਟਾਈਗਰ ‘ਤੇ ਪਈ ਤਾਂ ਉਸ ‘ਤੇ ਫਾਇਰਿੰਗ ਕੀਤੀ ਗਈ। ਟੀਮ ਨੇ ਬਾਘ ਨੂੰ 4 ਗੋਲੀ ਮਾਰੀ। ਉਸ ਨੂੰ ਦੋ ਗੋਲੀਆਂ ਲੱਗੀਆਂ ਅਤੇ ਬਾਘ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਬਾਘ ਨੇ 9 ਮਹੀਨਿਆਂ ‘ਚ 10 ਲੋਕਾਂ ‘ਤੇ ਹਮਲਾ ਕੀਤਾ ਸੀ। ਇਨ੍ਹਾਂ ਵਿੱਚੋਂ 9 ਦੀ ਮੌਤ ਹੋ ਗਈ। ਸ਼ੁੱਕਰਵਾਰ ਸਵੇਰੇ ਬਾਘ ਨੇ ਮਾਂ-ਪੁੱਤ ‘ਤੇ ਹਮਲਾ ਕਰ ਦਿੱਤਾ। ਇਸ ‘ਚ ਦੋਵਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਪਿਛਲੇ 3 ਦਿਨਾਂ ‘ਚ ਬਾਘ ਨੇ 4 ਲੋਕਾਂ ਦੀ ਜਾਨ ਲੈ ਲਈ ਸੀ। ਬਾਘ ਨੂੰ ਮਾਰਨ ਦੇ ਹੁਕਮ ਕੱਲ੍ਹ ਹੀ ਜਾਰੀ ਕੀਤੇ ਗਏ ਸਨ।
