ਜਲੰਧਰ, 29 ਨਵੰਬਰ 2022 – ਥਾਣਾ ਰਾਮਾਮੰਡੀ ਦੇ ਗੁਰੂਨਾਨਕ ਪੁਰਾ ਵਿੱਚ ਚਚੇਰੇ ਭਰਾਵਾਂ ਦੀਆਂ ਕਾਰਾਂ ਦੀ ਪਾਰਕਿੰਗ ਨੂੰ ਲੈ ਕੇ ਹੋਏ ਝਗੜੇ ਵਿੱਚ ਦੇਰ ਰਾਤ ਬਾਊਂਸਰ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਇਸ ਦੇ ਨਾਲ ਹੀ ਦੂਜੀ ਗੋਲੀ ਔਰਤ ਦੇ ਪੱਟ ਵਿੱਚ ਲੱਗੀ। ਉਸ ਨੂੰ ਇਲਾਜ ਲਈ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ।
ਮੌਕੇ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਸੋਨੀ (30) ਵਾਸੀ ਰੁੜਕਣ ਕਲਾਂ ਜੋ ਕਿ ਪੇਸ਼ੇ ਤੋਂ ਬਾਊਂਸਰ ਹੈ। ਉਹ ਗੁਰੂ ਨਾਨਕ ਪੁਰਾ ਦੇ ਰਹਿਣ ਵਾਲੇ ਬਲਜਿੰਦਰ ਸਿੰਘ ਕੋਲ ਕੰਮ ਕਰਦਾ ਸੀ। ਸੋਮਵਾਰ ਦੇਰ ਰਾਤ ਸੋਨੀ ਕਿਸੇ ਪ੍ਰੋਗਰਾਮ ਤੋਂ ਫਰੀ ਹੋ ਕੇ ਬਲਜਿੰਦਰ ਸਿੰਘ ਨਾਲ ਉਸ ਦੇ ਘਰ ਆਇਆ ਸੀ। ਬਲਜਿੰਦਰ ਨੇ ਚਚੇਰੇ ਭਰਾ ਗੁਰਮੀਤ ਸਿੰਘ ਦੀ ਕੋਠੀ ਅੱਗੇ ਕਾਰ ਖੜ੍ਹੀ ਕਰ ਦਿੱਤੀ ਅਤੇ ਉਸ ਵਿੱਚ ਬੈਠ ਕੇ ਗੱਲਾਂ ਕਰਨ ਲੱਗ ਪਿਆ।
ਇਸ ’ਤੇ ਗੁਰਮੀਤ ਨੇ ਆ ਕੇ ਉਥੇ ਕਾਰ ਪਾਰਕ ਕਰਨ ’ਤੇ ਨਾਰਾਜ਼ਗੀ ਜਤਾਈ। ਜਿਸ ‘ਤੇ ਦੋਵਾਂ ਭਰਾਵਾਂ ਵਿੱਚ ਝਗੜਾ ਹੋ ਗਿਆ। ਇਸ ਤੋਂ ਬਾਅਦ ਗੁਰਮੀਤ ਨੇ ਕੋਠੀ ਦੇ ਅੰਦਰੋਂ ਰਿਵਾਲਵਰ ਕੱਢ ਲਿਆ ਕੇ ਗੋਲੀ ਚਲਾ ਦਿੱਤੀ। ਇਕ ਗੋਲੀ ਸੋਨੀ ਦੀ ਛਾਤੀ ਵਿਚ ਲੱਗੀ ਅਤੇ ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਜਦੋਂ ਬਲਜਿੰਦਰ ਦੀ ਮਾਂ ਨੇ ਗੁਰਮੀਤ ਤੋਂ ਰਿਵਾਲਵਰ ਖੋਹਣ ਦੀ ਕੋਸ਼ਿਸ਼ ਕੀਤੀ ਤਾਂ ਗੋਲੀ ਉਸ ਦੇ ਪੱਟ ਵਿੱਚ ਗੋਲੀ ਲੱਗੀ। ਗੁਰਮੀਤ ਨੇ ਤੀਜੀ ਗੋਲੀ ਹਵਾ ਵਿੱਚ ਚਲਾਈ।
ਸੋਨੀ ਦੇ ਬਾਊਂਸਰ ਨੂੰ ਦੇਖ ਕੇ ਬਲਜਿੰਦਰ ਅਤੇ ਉਸ ਦੇ ਸਾਥੀਆਂ ਨੇ ਬੇਸਬਾਲ ਦੇ ਬੈਟਾਂ ਨਾਲ ਗੁਰਮੀਤ ‘ਤੇ ਹਮਲਾ ਕਰ ਦਿੱਤਾ। ਗੁਰਮੀਤ ਦੇ ਸਿਰ ‘ਤੇ ਡੂੰਘਾ ਜ਼ਖ਼ਮ ਹੋ ਗਿਆ, ਉਸ ਨੂੰ ਜੌਹਲ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਹੈ। ਪੁਲੀਸ ਨੇ ਗੁਰਮੀਤ ਸਿੰਘ ਖ਼ਿਲਾਫ਼ ਕਤਲ ਦਾ ਕੇਸ ਦਰਜ ਕਰ ਲਿਆ ਹੈ।
ਸੂਚਨਾ ਮਿਲਦੇ ਹੀ ਏਡੀਸੀਪੀ ਸਿਟੀ ਬਲਜਿੰਦਰ ਸਿੰਘ ਰੰਧਾਵਾ, ਏਸੀਪੀ ਨਿਰਮਲ ਸਿੰਘ ਅਤੇ ਐਸਐਚਓ ਅਜੈਬ ਸਿੰਘ ਨੇ ਮੌਕੇ ’ਤੇ ਪਹੁੰਚ ਕੇ ਘਟਨਾ ਦਾ ਜਾਇਜ਼ਾ ਲਿਆ। ਪੁਲਿਸ ਨੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਹਸਪਤਾਲ ਭੇਜ ਦਿੱਤਾ ਹੈ। ਜੌਹਲ ਹਸਪਤਾਲ ਵਿੱਚ ਗੁਰਮੀਤ ਦੇ ਕਮਰੇ ਦੇ ਬਾਹਰ ਪੁਲੀਸ ਤਾਇਨਾਤ ਕਰ ਦਿੱਤੀ ਗਈ ਹੈ।
