- 6 ਮਹੀਨਿਆਂ ‘ਚ 58 ਲੋਕਾਂ ਨੂੰ ਫਿਰੌਤੀ ਦੀ ਕਾਲ ਆਈ
- ਫਿਰੌਤੀ ਨਾ ਦੇਣ ‘ਤੇ 3 ਦੀ ਹੱਤਿਆ
- ਸੁਰੱਖਿਆ ‘ਚ ਤਾਇਨਾਤ ਇੱਕ ਪੁਲਿਸ ਮੁਲਾਜ਼ਮ ਦੀ ਵੀ ਮੌਤ
ਚੰਡੀਗੜ੍ਹ, 9 ਦਸੰਬਰ 2022 – ਸਿੱਧੂ ਮੂਸੇਵਾਲਾ ਦੇ ਕਤਲ ਤੋਂ ਬਾਅਦ ਸੂਬੇ ਵਿੱਚ ਫਿਰੌਤੀ ਦੀਆਂ ਵਧਦੀਆਂ ਘਟਨਾਵਾਂ ਕਾਨੂੰਨ ਵਿਵਸਥਾ ‘ਤੇ ਸਵਾਲੀਆ ਨਿਸ਼ਾਨ ਹਨ। ਪਿਛਲੇ 6 ਮਹੀਨਿਆਂ ਵਿੱਚ 14 ਜ਼ਿਲ੍ਹਿਆਂ ਵਿੱਚ ਫਿਰੌਤੀ ਦੀਆਂ ਕਾਲਾਂ ਕਰਨ ਦੇ 58 ਕੇਸ ਦਰਜ ਕੀਤੇ ਗਏ ਹਨ। ਇਨ੍ਹਾਂ ‘ਚੋਂ 3 ਲੋਕਾਂ ਨੂੰ ਫਿਰੌਤੀ ਨਾ ਦੇਣ ‘ਤੇ ਮਾਰ ਦਿੱਤਾ ਗਿਆ, ਜਿਸ ‘ਚ ਇਕ ਸੁਰੱਖਿਆ ‘ਚ ਤਾਇਨਾਤ ਇੱਕ ਪੁਲਿਸ ਮੁਲਾਜ਼ਮ ਵੀ ਮਾਰਿਆ ਗਿਆ।
ਜਦੋਂਕਿ ਮੋਗਾ ਅਤੇ ਤਰਨਤਾਰਨ ਵਿੱਚ ਫਿਰੌਤੀ ਨਾ ਦੇਣ ਕਾਰਨ ਘਰਾਂ ’ਤੇ ਗੋਲੀਆਂ ਚਲਾਈਆਂ ਗਈਆਂ। ਸਭ ਤੋਂ ਵੱਧ ਕਾਲਾਂ ਲੁਧਿਆਣਾ ਵਿੱਚ 34 ਲੋਕਾਂ ਨੂੰ ਕੀਤੀਆਂ ਗਈਆਂ, ਜਿਨ੍ਹਾਂ ਵਿੱਚੋਂ 13 ਵਿੱਚ ਐਫਆਈਆਰ ਦਰਜ ਕੀਤੀਆਂ ਗਈਆਂ। ਇਸ ਤੋਂ ਇਲਾਵਾ ਸੂਬੇ ‘ਚ ਅਜਿਹੇ ਲੋਕਾਂ ਦੀ ਗਿਣਤੀ ਕਿਤੇ ਜ਼ਿਆਦਾ ਹੈ, ਜਿਨ੍ਹਾਂ ਨੇ ਪੁਲਸ ਤੱਕ ਪਹੁੰਚ ਵੀ ਨਹੀਂ ਕੀਤੀ। ਲੋਕਲ ਅਪਰਾਧੀਆਂ ਦੁਆਰਾ ਕੁਝ ਕਾਲਾਂ ਕੀਤੀਆਂ ਗਈਆਂ ਸਨ, ਜਿਨ੍ਹਾਂ ਨੂੰ ਟਰੇਸ ਕੀਤਾ ਗਿਆ ਹੈ, ਪਰ ਵਿਦੇਸ਼ੀ ਨੰਬਰ ਟਰੇਸ ਨਹੀਂ ਹੋਏ।
ਪਿਛਲੇ ਤਿੰਨ ਮਹੀਨਿਆਂ ਵਿੱਚ ਸੂਬੇ ਵਿੱਚ ਦੋ ਕੱਪੜਾ ਵਪਾਰੀਆਂ ਨੂੰ ਫਿਰੌਤੀ ਲਈ ਮਾਰ ਦਿੱਤਾ ਗਿਆ। 11 ਅਕਤੂਬਰ 2022 ਨੂੰ ਗੈਂਗਸਟਰ ਲੰਡਾ ਨੇ ਤਰਨਤਾਰਨ ਦੇ ਪਿੰਡ ਰਸੂਲਪੁਰ ਦੇ ਰੈਡੀਮੇਡ ਗਾਰਮੈਂਟ ਕਾਰੋਬਾਰੀ ਗੁਰਜੰਟ ਨੂੰ ਫੋਨ ਕਰਕੇ 20 ਲੱਖ ਦੀ ਫਿਰੌਤੀ ਦੀ ਮੰਗ ਕੀਤੀ ਸੀ। ਨਾ ਦੇਣ ‘ਤੇ ਉਸ ਨੂੰ ਦੁਕਾਨ ‘ਚ ਗੋਲੀ ਮਾਰ ਦਿੱਤੀ ਗਈ। 1 ਨਵੰਬਰ ਨੂੰ ਨਕੋਦਰ ‘ਚ ਕੱਪੜਾ ਕਾਰੋਬਾਰੀ ਭੁਪਿੰਦਰ ਚਾਵਲਾ ਤੋਂ 30 ਲੱਖ ਦੀ ਫਿਰੌਤੀ ਮੰਗੀ ਗਈ ਸੀ। ਨਾ ਦੇਣ ‘ਤੇ 8 ਦਸੰਬਰ ਨੂੰ ਉਸ ਦੇ ਗੰਨਮੈਨ ਸਮੇਤ ਉਸ ਦੀ ਵੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ।
ਗੈਂਗਸਟਰ ਲਖਬੀਰ ਲੰਡਾ, ਅਰਸ਼ਦੀਪ ਡੱਲਾ, ਸੁਖਦੁਲ ਸੁੱਖਾ ਦੁੱਨੇਕੇ ਅਤੇ ਗੋਲਡੀ ਬਰਾੜ ਵਿਦੇਸ਼ਾਂ ਤੋਂ ਫਿਰੌਤੀ ਦਾ ਨੈੱਟਵਰਕ ਚਲਾ ਰਹੇ ਹਨ। ਇਨ੍ਹਾਂ ਦੀ ਵਸੂਲੀ ਪੰਜਾਬ ਵਿੱਚ ਸਰਗਰਮ ਗੁਰਗਿਆਂ ਵੱਲੋਂ ਕੀਤੀ ਜਾਂਦੀ ਹੈ। ਉਹ ਫਿਰੌਤੀ ਨਾ ਦੇਣ ਵਾਲਿਆਂ ‘ਤੇ ਇਹ ਗੋਲੀਬਾਰੀ ਕਰਵਾਉਂਦੇ ਹਨ ਤਾਂ ਜੋ ਦਹਿਸ਼ਤ ਦਾ ਮਾਹੌਲ ਪੈਦਾ ਕੀਤਾ ਜਾ ਸਕੇ। ਪੁਲੀਸ ਨੇ 6 ਮਹੀਨਿਆਂ ਵਿੱਚ ਦੋ ਦਰਜਨ ਤੋਂ ਵੱਧ ਮੁਲਜ਼ਮਾਂ ਨੂੰ ਫੜਿਆ ਹੈ।
ਪੜ੍ਹੋ ਪੰਜਾਬ ਦੇ ਕਿਸ ਜ਼ਿਲ੍ਹੇ ‘ਚ ਫਿਰੌਤੀ ਮੰਗਣ ਦੇ ਕਿੰਨੇ ਕੇਸ ਸਾਹਮਣੇ ਆਏ…..
ਜਲੰਧਰ – 6 ਮਾਮਲੇ (4 ਲੋਕਾਂ ਨੇ ਪੁਲਿਸ ਨੂੰ ਦੱਸਿਆ ਪਰ ਸ਼ਿਕਾਇਤ ਨਹੀਂ ਕੀਤੀ, ਗੰਨਮੈਨ ਸਮੇਤ 1 ਦਾ ਕਤਲ)
ਅੰਮ੍ਰਿਤਸਰ – 7 ਕੇਸ
ਲੁਧਿਆਣਾ – 13 ਮਾਮਲੇ (34 ਲੋਕਾਂ ਨੂੰ ਕੀਤੀਆਂ ਗਈਆਂ ਫਿਰੌਤੀ ਦੀਆਂ ਕਾਲਾਂ)
ਰੋਪੜ-1 ਮਾਮਲਾ (7 ਲੋਕਾਂ ਦੇ ਫੋਨ ਆਏ, 6 ਨੇ ਸ਼ਿਕਾਇਤ ਨਹੀਂ ਕੀਤੀ)
ਮੋਗਾ – 9 ਮਾਮਲੇ (ਫਿਰੌਤੀ ਨਾ ਦੇਣ ‘ਤੇ 3 ਦੇ ਘਰ ਫਾਇਰਿੰਗ)
ਫ਼ਿਰੋਜ਼ਪੁਰ – 5 ਮਾਮਲੇ
ਬਠਿੰਡਾ – 3 ਕੇਸ
ਤਰਨਤਾਰਨ – 3 ਮਾਮਲੇ (ਫਿਰੌਤੀ ਨਾ ਦੇਣ ‘ਤੇ ਘਰ ‘ਤੇ ਫਾਇਰਿੰਗ)
ਬਰਨਾਲਾ – 2 ਕੇਸ
ਕਪੂਰਥਲਾ- 1 ਮਾਮਲਾ
ਪਠਾਨਕੋਟ- 1 ਮਾਮਲਾ
ਮਾਨਸਾ – 1 ਮਾਮਲਾ (ਫਿਰੌਤੀ ਨਾ ਦੇਣ ‘ਤੇ ਕਤਲ)
ਸੰਗਰੂਰ – 1 ਮਾਮਲਾ
ਨਵਾਂਸ਼ਹਿਰ – 2 ਮਾਮਲੇ
ਮੁਕਤਸਰ – 1 ਮਾਮਲਾ (ਬੱਚੇ ਨੂੰ ਅਗਵਾ ਕਰਕੇ ਫਿਰੌਤੀ ਮੰਗੀ)
ਫਰੀਦਕੋਟ – 1 ਮਾਮਲਾ
