ਗੁਜਰਾਤ, 24 ਮਾਰਚ 2023 – ਜੰਗਲ ਦੇ ਰਾਜੇ ਸ਼ੇਰ ਨੂੰ ਸਾਹਮਣੇ ਦੇਖ ਕੇ ਇੱਕ ਵਾਰ ਤਾ ਸਭ ਦੇ ਹੋਸ਼ ਉੱਡ ਜਾਂਦੇ ਹਨ। ਪਰ ਇਸ ਦੇ ਉਲਟ ਇੱਕ ਅਜਿਹਾ ਹੀ ਵੀਡੀਓ ਗੁਜਰਾਤ ਦੇ ਗਿਰ-ਸੋਮਨਾਥ ਜ਼ਿਲ੍ਹੇ ਦੇ ਇੱਕ ਪਿੰਡ ਤੋਂ ਸਾਹਮਣੇ ਆਇਆ ਹੈ। ਇਸ ਵੀਡੀਓ ‘ਚ ਸ਼ੇਰ ਕੁੱਤਿਆਂ ਤੋਂ ਡਰ ਕੇ ਜੰਗਲ ਵੱਲ ਭੱਜਦਾ ਨਜ਼ਰ ਆ ਰਿਹਾ ਹੈ।
ਵੀਡੀਓ ਵਿੱਚ ਦੇਖ ਰਿਹਾ ਹੈ ਕਿ ਰਾਤ ਦੇ ਹਨੇਰੇ ਵਿੱਚ ਇੱਕ ਸ਼ੇਰ ਸ਼ਿਕਾਰ ਦੀ ਭਾਲ ਵਿੱਚ ਪਿੰਡ ਵਿੱਚ ਦਾਖਲ ਹੋਇਆ ਸੀ। ਪਰ ਜਦੋਂ ਕੁੱਤਿਆਂ ਨੇ ਸ਼ੇਰ ਨੂੰ ਦੇਖਿਆ ਤਾਂ ਉਹ ਉਸ ਦੇ ਪਿੱਛੇ ਪੈ ਗਏ। ਕੁਝ ਦੂਰ ਤੱਕ ਉਸਦੇ ਪਿੱਛੇ ਭੱਜਦੇ ਰਹੇ ਅਤੇ ਕੁਝ ਹੀ ਦੇਰ ਵਿੱਚ ਸ਼ੇਰ ਨੂੰ ਭੱਜਣ ਲਈ ਮਜਬੂਰ ਕਰ ਦਿੱਤਾ। ਰਾਤ ਨੂੰ ਕਿਸੇ ਨੇ ਇਹ ਸੀਨ ਕੈਮਰੇ ‘ਚ ਕੈਦ ਕਰ ਲਿਆ, ਜੋ ਹੁਣ ਵਾਇਰਲ ਹੋ ਰਿਹਾ ਹੈ।
ਵੀਡੀਓ ‘ਚ ਇਹ ਵੀ ਦੇਖਿਆ ਜਾ ਸਕਦਾ ਹੈ ਕਿ ਸ਼ਿਕਾਰ ਦੀ ਭਾਲ ‘ਚ ਆਇਆ ਸ਼ੇਰ ਕੁੱਤਿਆਂ ਤੋਂ ਇੰਨਾ ਡਰਿਆ ਹੋਇਆ ਸੀ ਕਿ ਉਹ ਉਨ੍ਹਾਂ ਤੋਂ ਬਚਣ ਲਈ ਭੱਜਿਆ। ਉਸੇ ਸਮੇਂ ਸਾਹਮਣੇ ਗਾਵਾਂ ਦਾ ਝੁੰਡ ਦਿਖਾਈ ਦਿੰਦਾ ਹੈ, ਪਰ ਸ਼ੇਰ ਬਿਨਾਂ ਸ਼ਿਕਾਰ ਕੀਤੇ ਜੰਗਲ ਵੱਲ ਭੱਜ ਜਾਂਦਾ ਹੈ।
