ਮੋਹਾਲੀ, 2 ਅਪ੍ਰੈਲ 2023 – ਹਿਮਾਚਲ ਪ੍ਰਦੇਸ਼ ਦੇ ਜ਼ਿਲ੍ਹਾ ਮੰਡੀ ਦੇ ਬਲਹ ਖੇਤਰ ਅਧੀਨ ਪੈਂਦੇ ਪਿੰਡ ਖਖਰਿਆਣਾ ਤੋਂ ਫਰਵਰੀ ਮਹੀਨੇ ਤੋਂ ਇੱਕ ਔਰਤ ਲਾਪਤਾ ਹੈ। ਉਹ ਆਪਣੇ 8 ਸਾਲ ਦੇ ਬੇਟੇ ਨਾਲ ਪੰਜਾਬ ਦੇ ਮੋਹਾਲੀ ਜ਼ਿਲੇ ‘ਚ ਗਈ ਸੀ, ਪਰ ਅਜੇ ਤੱਕ ਘਰ ਨਹੀਂ ਪਰਤੀ। ਪਤੀ ਅਨਿਲ ਨੇ ਥਾਣਾ ਬੱਲ੍ਹ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਹੈ।
ਅਨਿਲ ਕੁਮਾਰ ਨੇ ਸ਼ਿਕਾਇਤ ਵਿੱਚ ਕਿਹਾ ਹੈ ਕਿ ਉਸ ਦੀ 37 ਸਾਲਾ ਪਤਨੀ ਰੇਖਾ ਉਪਾਧਿਆਏ ਆਪਣੇ 8 ਸਾਲਾ ਬੱਚੇ ਨੂੰ ਲੈ ਕੇ ਮੁਹਾਲੀ ਤੋਂ ਖਰੜ ਗਈ ਸੀ, ਪਰ ਦੋ ਮਹੀਨੇ ਬਾਅਦ ਵੀ ਘਰ ਵਾਪਸ ਨਹੀਂ ਆਈ। ਪਹਿਲਾਂ ਪਤਨੀ ਨਾਲ ਗੱਲਬਾਤ ਹੁੰਦੀ ਰਹੀ। ਸਭ ਕੁਝ ਠੀਕ ਸੀ ਪਰ 21 ਮਾਰਚ ਤੋਂ ਬਾਅਦ ਉਸ ਨਾਲ ਕੋਈ ਗੱਲਬਾਤ ਨਹੀਂ ਹੋਈ। ਉਹ ਖਰੜ ਵਿੱਚ ਵੀ ਨਹੀਂ ਹੈ। ਉਸ ਦੀ ਕਈ ਥਾਵਾਂ ’ਤੇ ਭਾਲ ਕੀਤੀ ਗਈ ਪਰ ਕਿਤੇ ਵੀ ਕੁਝ ਪਤਾ ਨਹੀਂ ਲੱਗਾ।
