ਚੰਡੀਗੜ੍ਹ, 3 ਮਈ 2023 – ਚੰਡੀਗੜ੍ਹ ਤੋਂ ਗੋ-ਫਸਟ ਯਾਨੀ ਗੋ-ਏਅਰ ਦੁਆਰਾ ਸੰਚਾਲਿਤ ਸੱਤ ਉਡਾਣਾਂ ਦਾ ਸੰਚਾਲਨ 5 ਮਈ ਤੱਕ ਰੱਦ ਕਰ ਦਿੱਤਾ ਗਿਆ ਹੈ। ਸੂਤਰਾਂ ਮੁਤਾਬਕ ਕੰਪਨੀ ਨੇ ਫੰਡਾਂ ਦੀ ਕਮੀ ਕਾਰਨ ਅਗਲੇ ਤਿੰਨ ਦਿਨਾਂ ਲਈ ਦੇਸ਼ ਭਰ ਵਿੱਚ ਆਪਣਾ ਕੰਮਕਾਜ ਬੰਦ ਕਰ ਦਿੱਤਾ ਹੈ।
ਗੋ-ਫਸਟ ਦੇ ਚੰਡੀਗੜ੍ਹ ਸਟੇਸ਼ਨ ਹੈੱਡ ਨੇ ਕਿਹਾ ਕਿ ਜਿਨ੍ਹਾਂ ਯਾਤਰੀਆਂ ਨੇ ਇਸ ਦੌਰਾਨ ਬੁਕਿੰਗ ਕਰਵਾਈ ਹੈ, ਉਨ੍ਹਾਂ ਨੂੰ ਜੇ ਉਹ ਚਾਹੁਣ ਤਾਂ ਉਨ੍ਹਾਂ ਨੂੰ ਰਿਫੰਡ ਦਿੱਤਾ ਜਾਵੇਗਾ, ਜੇਕਰ ਉਹ ਟਿਕਟ ਰੀ-ਸ਼ਡਿਊਲ ਕਰਨਾ ਚਾਹੁੰਦੇ ਹਨ ਤਾਂ ਇਸ ਨੂੰ ਰੀ-ਸ਼ਡਿਊਲ ਕੀਤਾ ਜਾਵੇਗਾ। ਏਅਰਲਾਈਨਜ਼ ਮੁਤਾਬਕ ਯਾਤਰੀ ਟੋਲ ਫਰੀ ਨੰਬਰ 18002100999 ‘ਤੇ ਸੰਪਰਕ ਕਰ ਸਕਦੇ ਹਨ।
ਇਸ ਦੇ ਨਾਲ ਹੀ ਲੋਕ ਗੋ-ਫਸਟ ਦੇ ਹਵਾਈ ਅੱਡੇ ‘ਤੇ ਸਥਿਤ ਦਫਤਰ ਦੇ ਨੰਬਰ 0172-2659886 ‘ਤੇ ਵੀ ਸੰਪਰਕ ਕਰ ਸਕਦੇ ਹੋ। ਕੰਪਨੀ ਵੱਲੋਂ ਲਏ ਗਏ ਇਸ ਅਚਨਚੇਤ ਫੈਸਲੇ ਕਾਰਨ ਯਾਤਰੀਆਂ ਨੂੰ ਕਾਫੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਵੇਗਾ।
ਚੰਡੀਗੜ੍ਹ ਤੋਂ 2500 ਦੇ ਕਰੀਬ ਯਾਤਰੀਆਂ ਨੇ ਬੁਕਿੰਗ ਕਰਵਾਈ ਹੈ। ਏਅਰਲਾਈਨਜ਼ ਦੇ ਇਸ ਫੈਸਲੇ ਕਾਰਨ ਯਾਤਰੀਆਂ ਨੂੰ ਆ ਰਹੀਆਂ ਮੁਸ਼ਕਲਾਂ ਕਾਰਨ ਡੀਜੀਸੀਏ ਨੇ ਕਾਰਨ ਦੱਸੋ ਨੋਟਿਸ ਵੀ ਜਾਰੀ ਕੀਤਾ ਹੈ।
ਚੰਡੀਗੜ੍ਹ ਤੋਂ ਗੋ-ਏਅਰ ਦੀਆਂ 7 ਉਡਾਣਾਂ…
ਚੰਡੀਗੜ੍ਹ ਤੋਂ ਗੋਆ 1 ਫਲਾਈਟ
ਚੰਡੀਗੜ੍ਹ ਤੋਂ ਸ਼੍ਰੀਨਗਰ 2 ਉਡਾਣਾਂ
ਅਹਿਮਦਾਬਾਦ ਤੋਂ ਚੰਡੀਗੜ੍ਹ 1 ਫਲਾਈਟ
ਚੰਡੀਗੜ੍ਹ ਤੋਂ ਮੁੰਬਈ 3 ਉਡਾਣਾਂ
ਰਾਕੇਸ਼ ਰੰਜਨ ਸਹਾਏ, ਸੀ.ਈ.ਓ., ਸ਼ਹੀਦ ਭਗਤ ਸਿੰਘ ਅੰਤਰਰਾਸ਼ਟਰੀ ਹਵਾਈ ਅੱਡਾ, ਚੰਡੀਗੜ੍ਹ ਨੇ ਕਿਹਾ ਹੈ ਕਿ ਗੋ-ਫਸਟ ਏਅਰਲਾਈਨਜ਼ ਨੇ 3 ਤੋਂ 5 ਮਈ ਦਰਮਿਆਨ ਉਡਾਣਾਂ ਰੱਦ ਕਰਨ ਦਾ ਫੈਸਲਾ ਕੀਤਾ ਹੈ। ਏਅਰਲਾਈਨਜ਼ ਨੇ ਇਸ ਪਿੱਛੇ ਤਕਨੀਕੀ ਕਾਰਨ ਦੱਸੇ ਹਨ। ਚੰਡੀਗੜ੍ਹ ਤੋਂ ਇਕ ਪਾਸੇ ਏਅਰਲਾਈਨਜ਼ ਦੀਆਂ ਸੱਤ ਉਡਾਣਾਂ ਚਲਦੀਆਂ ਹਨ। ਹਵਾਈ ਅੱਡਾ ਪ੍ਰਬੰਧਨ ਇਹ ਯਕੀਨੀ ਬਣਾਉਣ ਦੀ ਕੋਸ਼ਿਸ਼ ਕਰੇਗਾ ਕਿ ਯਾਤਰੀਆਂ ਨੂੰ ਕਿਸੇ ਕਿਸਮ ਦੀ ਦਿੱਕਤ ਦਾ ਸਾਹਮਣਾ ਨਾ ਕਰਨਾ ਪਵੇ।
