- ਫਾਈਨਲ ਡੀਬੂਸਟਿੰਗ ਦੇ ਰਾਹੀਂ ਘਟਾਈ ਗਈ ਸਪੇਸਕ੍ਰਾਫਟ ਦੀ ਸਪੀਡ,
- ਚੰਦਰਯਾਨ-3 ਦੀ 23 ਅਗਸਤ ਨੂੰ ਹੋਵੇਗੀ ਚੰਦਰਮਾ ‘ਤੇ ਲੈਂਡਿੰਗ
ਨਵੀਂ ਦਿੱਲੀ, 20 ਅਗਸਤ 2023 – ਚੰਦਰਯਾਨ-3 ਦਾ ਦੂਸਰਾ ਅਤੇ ਆਖਰੀ ਡੀਬੂਸਟਿੰਗ ਆਪਰੇਸ਼ਨ ਐਤਵਾਰ ਸਵੇਰੇ 1.50 ਵਜੇ ਪੂਰਾ ਹੋਇਆ। ਇਸ ਆਪਰੇਸ਼ਨ ਤੋਂ ਬਾਅਦ ਚੰਦਰਮਾ ਤੋਂ ਲੈਂਡਰ ਦੀ ਘੱਟੋ-ਘੱਟ ਦੂਰੀ 25 ਕਿਲੋਮੀਟਰ ਅਤੇ ਵੱਧ ਤੋਂ ਵੱਧ ਦੂਰੀ 134 ਕਿਲੋਮੀਟਰ ਰਹਿ ਗਈ ਹੈ। ਡੀਬੂਸਟਿੰਗ ਵਿੱਚ, ਸਪੇਸਕ੍ਰਾਫਟ ਦੀ ਗਤੀ ਹੌਲੀ ਹੋ ਜਾਂਦੀ ਹੈ।
ਇਸਰੋ ਨੇ ਐਕਸ ਪੋਸਟ ‘ਚ ਦੱਸਿਆ ਕਿ ਹੁਣ ਲੈਂਡਰ ਦੀ ਅੰਦਰੂਨੀ ਜਾਂਚ ਹੋਵੇਗੀ ਅਤੇ ਲੈਂਡਿੰਗ ਸਾਈਟ ‘ਤੇ ਸੂਰਜ ਚੜ੍ਹਨ ਤੱਕ ਇੰਤਜ਼ਾਰ ਕਰਨਾ ਹੋਵੇਗਾ। 23 ਅਗਸਤ ਨੂੰ ਸ਼ਾਮ 5:45 ਵਜੇ ਲੈਂਡਰ ਨੂੰ ਸਭ ਤੋਂ ਘੱਟ ਦੂਰੀ ਯਾਨੀ 25 ਕਿਲੋਮੀਟਰ ਦੀ ਉਚਾਈ ਤੋਂ ਸਾਫਟ ਲੈਂਡ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਚੰਦਰਯਾਨ-1 ਅਤੇ ਚੰਦਰਯਾਨ-2 ਮਿਸ਼ਨਾਂ ਦੇ ਪ੍ਰੋਜੈਕਟ ਡਾਇਰੈਕਟਰ ਰਹੇ ਐਮ. ਅੰਨਾਦੁਰਈ ਦੇ ਅਨੁਸਾਰ, 23 ਅਗਸਤ ਦੀ ਸ਼ਾਮ ਨੂੰ ਚੰਦਰਯਾਨ-3 ਦੀ ਸਾਫਟ ਲੈਂਡਿੰਗ ਦੇ ਆਖਰੀ 15-20 ਮਿੰਟ ਸਭ ਤੋਂ ਨਾਜ਼ੁਕ ਹਨ। ਫਿਰ ਲੈਂਡਰ ਨੂੰ 25 ਕਿਲੋਮੀਟਰ ਦੀ ਉਚਾਈ ਤੋਂ ਚੰਦਰਮਾ ਦੀ ਸਤ੍ਹਾ ‘ਤੇ ਪਹੁੰਚਣ ਲਈ 15 ਤੋਂ 20 ਮਿੰਟ ਲੱਗਣਗੇ।
ਇਸ ਤੋਂ ਬਾਅਦ ਛੇ ਪਹੀਆਂ ਵਾਲਾ ਪ੍ਰਗਿਆਨ ਰੋਵਰ ਰੈਂਪ ਰਾਹੀਂ ਵਿਕਰਮ ਲੈਂਡਰ ਤੋਂ ਬਾਹਰ ਆਵੇਗਾ ਅਤੇ ਇਸਰੋ ਤੋਂ ਕਮਾਂਡ ਮਿਲਣ ਦੇ ਨਾਲ ਹੀ ਚੰਦਰਮਾ ਦੀ ਸਤ੍ਹਾ ‘ਤੇ ਚਲੇ ਜਾਵੇਗਾ। ਇਸ ਦੌਰਾਨ ਭਾਰਤ ਦਾ ਰਾਸ਼ਟਰੀ ਚਿੰਨ੍ਹ ਅਸ਼ੋਕ ਪਿੱਲਰ ਅਤੇ ਇਸਰੋ ਦਾ ਲੋਗੋ ਚੰਦਰਮਾ ਦੀ ਧਰਤੀ ‘ਤੇ ਪਹੀਆਂ ਰਾਹੀਂ ਆਪਣੀ ਛਾਪ ਛੱਡੇਗਾ।
ਇਸ ਤੋਂ ਪਹਿਲਾਂ 17 ਅਗਸਤ ਨੂੰ ਚੰਦਰਯਾਨ-3 ਦੇ ਪ੍ਰੋਪਲਸ਼ਨ ਮਾਡਿਊਲ ਨੂੰ ਲੈਂਡਰ-ਰੋਵਰ ਤੋਂ ਵੱਖ ਕਰ ਦਿੱਤਾ ਗਿਆ ਸੀ। ਵੱਖ ਹੋਣ ਤੋਂ ਬਾਅਦ, ਲੈਂਡਰ ਨੇ ਪ੍ਰੋਪਲਸ਼ਨ ਮਾਡਿਊਲ ਨੂੰ ਕਿਹਾ – ‘ਰਾਈਡ ਸਾਥੀ ਲਈ ਧੰਨਵਾਦ।’ ਇਸ ਦੌਰਾਨ ਲੈਂਡਰ ‘ਤੇ ਲੱਗੇ ਕੈਮਰੇ ਨੇ ਪ੍ਰੋਪਲਸ਼ਨ ਮਾਡਿਊਲ ਦੀ ਫੋਟੋ ਦੇ ਨਾਲ ਚੰਦਰਮਾ ਦੀਆਂ ਤਸਵੀਰਾਂ ਲਈਆਂ।
