- ਸਾਈਬਰ ਸੈੱਲ ਜਾਂਚ ‘ਚ ਜੁਟਿਆ
ਲੁਧਿਆਣਾ, 19 ਓਕੋਟਬੇਰ 2023 – ਲੁਧਿਆਣਾ ਜ਼ਿਲ੍ਹੇ ‘ਚ ਇਕ ਔਰਤ ਨੂੰ ਆਪਣੇ ਵਿਆਹ ਦਾ ਲਹਿੰਗਾ OLX ‘ਤੇ ਆਨਲਾਈਨ ਵੇਚਣਾ ਮਹਿੰਗਾ ਪੈ ਗਿਆ। ਜਿਵੇਂ ਹੀ ਮਹਿਲਾ ਨੇ OLX ‘ਤੇ ਲਹਿੰਗਾ ਵੇਚਣ ਲਈ ਪੋਸਟ ਕੀਤਾ ਤਾਂ 5 ਮਿੰਟ ਦੇ ਅੰਦਰ ਹੀ ਇਕ ਵਿਅਕਤੀ ਨੇ ਕਾਲ ਕੀਤੀ। ਉਸਨੇ ਉਸਨੂੰ ਲਹਿੰਗਾ ਦੀ ਕੀਮਤ ਪੁੱਛੀ ਅਤੇ ਇਸਨੂੰ ਖਰੀਦਣ ਦੀ ਗੱਲ ਕੀਤੀ। ਉਸ ਨੇ ਲਹਿੰਗਾ ਦੀ ਕੀਮਤ 5 ਹਜ਼ਾਰ ਰੁਪਏ ਦੱਸੀ। ਜਿਸ ਤੋਂ ਬਾਅਦ ਨੌਸਰਬਾਜ਼ ਨੇ ਕਿਹਾ ਕਿ ਉਹ ਪੇਮੈਂਟ ਆਨਲਾਈਨ ਕਰੇਗਾ। ਪਰ ਠੱਗ ਨੇ ਸਾਈਬਰ ਧੋਖਾਧੜੀ ਕਰਕੇ ਔਰਤ ਦੇ ਹੀ ਪੈਸੇ ਕਢਵਾ ਲਏ।
ਨੌਸਰਬਾਜ਼ ਨੇ ਉਸ ਨੂੰ QR ਕੋਡ ਭੇਜਿਆ। ਨੌਸਰਬਾਜ਼ ਨੇ 10 ਰੁਪਏ ਦਾ ਗੂਗਲ ਪੇਅ ‘ਤੇ ਪਹਿਲਾ ਟ੍ਰਾਂਜੈਕਸ਼ਨ ਕੀਤਾ ਸੀ। ਔਰਤ ਨੂੰ ਭਰੋਸੇ ਵਿੱਚ ਲੈ ਕੇ, ਉਸਨੇ ਉਸਨੂੰ ਦੁਬਾਰਾ QR ਕੋਡ ਭੇਜਿਆ ਅਤੇ ਉਸਨੂੰ ਸਕੈਨ ਕਰਨ ਲਈ ਕਿਹਾ। ਜਿਵੇਂ ਹੀ ਔਰਤ ਨੇ ਨੌਸਰਬਾਜ਼ ਦਾ ਕੋਡ ਸਕੈਨ ਕੀਤਾ ਗਿਆ ਤਾਂ ਦੋ ਵਾਰ ਲੈਣ-ਦੇਣ ਵਿੱਚ ਔਰਤ ਦੇ ਖਾਤੇ ਵਿੱਚੋਂ ਕੁੱਲ 48 ਹਜ਼ਾਰ ਰੁਪਏ ਕਢਵਾ ਲਏ ਗਏ। ਔਰਤ ਨੇ ਸਰਾਭਾ ਨਗਰ ਥਾਣੇ ਦੇ ਸਾਈਬਰ ਸੈੱਲ ‘ਚ ਦੋਸ਼ੀ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਹੈ।
ਪੀੜਤ ਔਰਤ ਖੁਸ਼ਵਿੰਦਰ ਕੌਰ ਨੇ ਦੱਸਿਆ ਕਿ ਉਹ ਈਸ਼ਵਰ ਨਗਰ ਬਲਾਕ-ਸੀ ਦੀ ਵਸਨੀਕ ਹੈ। ਉਸਨੇ ਆਪਣੇ ਵਿਆਹ ਦਾ ਲਹਿੰਗਾ ਵੇਚਣ ਲਈ OLX ‘ਤੇ ਪੋਸਟ ਕੀਤਾ ਸੀ। ਉਸ ਨੂੰ ਤੁਰੰਤ ਨੌਸਰਬਾਜ਼ ਦਾ ਫੋਨ ਆਇਆ ਕਿ ਉਸ ਨੂੰ ਲਹਿੰਗਾ ਪਸੰਦ ਹੈ, ਉਹ ਆਪਣੇ ਦੋਸਤ ਨੂੰ ਘਰ ਭੇਜ ਕੇ ਲਹਿੰਗਾ ਲੈ ਲਵੇਗਾ ਅਤੇ ਆਨਲਾਈਨ ਭੁਗਤਾਨ ਕਰ ਰਿਹਾ ਹੈ। ਕਿਊਆਰ ਕੋਡ ਨਾਲ ਫੋਨ ‘ਤੇ ਗੱਲ ਕਰਦੇ ਹੋਏ ਠੱਗ ਨੇ ਪੈਸੇ ਕਢਵਾ ਲਏ। ਖੁਸ਼ਵਿੰਦਰ ਅਨੁਸਾਰ ਜਦੋਂ ਉਸਨੇ ਪੈਸੇ ਕੱਟੇ ਜਾਣ ਬਾਰੇ ਉਸਨੂੰ ਦੱਸਿਆ ਤਾਂ ਉਸਨੇ ਧਮਕੀ ਦਿੱਤੀ ਕਿ ਜੇਕਰ ਉਸਨੇ ਫ਼ੋਨ ਕੱਟ ਦਿੱਤਾ ਤਾਂ ਕੱਟੇ ਹੋਏ ਪੈਸੇ ਵਾਪਸ ਨਹੀਂ ਕੀਤੇ ਜਾਣਗੇ। ਉਸ ਦੇ ਖਾਤੇ ਵਿੱਚੋਂ ਦੋ ਵਾਰ ਕੁੱਲ 48 ਹਜ਼ਾਰ ਰੁਪਏ ਕਢਵਾਏ ਗਏ।
ਖੁਸ਼ਵਿੰਦਰ ਨੇ ਦੱਸਿਆ ਕਿ ਉਸ ਨੇ ਤੁਰੰਤ 12 ਅਕਤੂਬਰ ਦੀ ਰਾਤ ਨੂੰ ਆਨਲਾਈਨ ਸਾਈਬਰ ਕਰਾਈਮ ਵਿੱਚ ਮੁਲਜ਼ਮਾਂ ਖ਼ਿਲਾਫ਼ ਸ਼ਿਕਾਇਤ ਦਰਜ ਕਰਵਾਈ। ਇਸ ਦੇ ਨਾਲ ਹੀ ਪੁਲਿਸ ਕਮਿਸ਼ਨਰ ਨੂੰ ਵੀ ਉਕਤ ਠੱਗਾਂ ਨੂੰ ਫੜ ਕੇ ਉਸ ਦੇ ਪੈਸੇ ਵਾਪਿਸ ਕਰਵਾਉਣ ਦੀ ਮੰਗ ਕੀਤੀ ਗਈ ਹੈ।
