ਮੋਹਾਲੀ, 7 ਨਵੰਬਰ 2023 – ਆਪ ਐਮ ਐਲ ਏ ਅਤੇ ਪੰਜਾਬ ਦੇ ਖੇਡ ਮੰਤਰੀ ਗੁਰਮੀਤ ਸਿੰਘ ਮੀਤ ਹੇਅਰ ਅੱਜ ਵਿਆਹ ਦੇ ਬੰਧਨ ‘ਚ ਬੱਝਣ ਜਾ ਰਹੇ ਹਨ। ਉਹ ਅੱਜ ਮੋਹਾਲੀ ‘ਚ ਡਾ: ਗੁਰਵੀਨ ਕੌਰ ਨਾਲ ਲਾਵਾਂ ਲੈਣਗੇ।
ਵਿਆਹ ਫੋਰੈਸਟ ਹਿੱਲ, ਚੰਡੀਗੜ੍ਹ ਵਿੱਚ ਹੋਵੇਗਾ ਅਤੇ ਰਿਸੈਪਸ਼ਨ 8 ਤਰੀਕ ਨੂੰ ਹੋਵੇਗੀ। ਵਿਆਹ ਤੋਂ ਬਾਅਦ, ਦੋ ਰਿਸੈਪਸ਼ਨ ਹੋਣਗੇ, ਇੱਕ 8 ਨੂੰ ਅਤੇ ਦੂਜਾ 11 ਨਵੰਬਰ ਨੂੰ ਅਤੇ 11 ਨਵੰਬਰ ਨੂੰ ਰਣਜੀਤ ਬਾਵਾ ਇਸ ਮੌਕੇ ਸੰਗੀਤ ਦੀ ਮਹਿਫਲ ਲਗਾਉਣਗੇ।
ਮੰਤਰੀ ਮੀਤ ਹੇਅਰ ਦੀ ਹੋਣ ਵਾਲੀ ਪਤਨੀ ਡਾ: ਗੁਰਵੀਨ ਕੌਰ ਪੁੱਤਰੀ ਭੁਪਿੰਦਰ ਸਿੰਘ ਬਾਜਵਾ ਜੋ ਕਿ ਪੇਸ਼ੇ ਤੋਂ ਡਾਕਟਰ (ਰੇਡੀਓਲੋਜਿਸਟ) ਹੈ। ਉਨ੍ਹਾਂ ਦਾ ਪਰਿਵਾਰ ਪੱਛਮੀ ਪੰਜਾਬ ਦੀ ਵੰਡ ਤੋਂ ਬਾਅਦ ਮੇਰਠ ਵਿੱਚ ਆ ਕੇ ਵਸਿਆ ਹੋਇਆ ਹੈ। ਦੱਸ ਦਈਏ ਕਿ ਉਨ੍ਹਾਂ ਪਿਤਾ ਭੁਪਿੰਦਰ ਸਿੰਘ ਬਾਜਵਾ ਭਾਰਤੀ ਓਲੰਪਿਕ ਐਸੋਸੀਏਸ਼ਨ ਦੇ ਅਹੁਦੇਦਾਰ ਹਨ।
