ਨਵੀਂ ਦਿੱਲੀ, 9 ਨਵੰਬਰ 2023 – ਵਿਸ਼ਵ ਕੱਪ ਦਾ 40ਵਾਂ ਮੈਚ ਇੰਗਲੈਂਡ ਅਤੇ ਨੀਦਰਲੈਂਡ ਵਿਚਾਲੇ ਪੁਣੇ ਦੇ ਐਮਸੀਏ ਸਟੇਡੀਅਮ ਵਿੱਚ ਖੇਡਿਆ ਗਿਆ। ਲਗਾਤਾਰ 5 ਮੈਚ ਹਾਰ ਚੁੱਕੀ ਇੰਗਲੈਂਡ ਨੇ ਨੀਦਰਲੈਂਡ ਖਿਲਾਫ ਜਿੱਤ ਦਰਜ ਕਰਕੇ 2 ਹੋਰ ਅੰਕ ਹਾਸਲ ਕੀਤੇ।
ਆਓ ਤੁਹਾਨੂੰ ਦੱਸਦੇ ਹਾਂ ਭਾਰਤ ਵਰਲਡ ਕੱਪ ਕਿਵੇਂ ਜਿੱਤੇਗਾ। ਭਾਰਤ 16 ਅੰਕਾਂ ਨਾਲ ਟੇਬਲ ‘ਤੇ ਚੋਟੀ ‘ਤੇ ਹੈ ਅਤੇ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰ ਲਿਆ ਹੈ। ਟੀਮ ਇੰਡੀਆ ਨੇ 8 ਮੈਚ ਖੇਡੇ ਅਤੇ ਸਾਰੇ ਜਿੱਤੇ। ਭਾਰਤ ਨੂੰ ਅਜੇ 1 ਹੋਰ ਮੈਚ ਖੇਡਣਾ ਹੈ।
ਦੱਖਣੀ ਅਫਰੀਕਾ ਟੇਬਲ ‘ਚ ਦੂਜੇ ਨੰਬਰ ‘ਤੇ ਹੈ। ਉਸ ਨੇ 8 ਮੈਚ ਖੇਡੇ ਅਤੇ 6 ਜਿੱਤੇ। ਉਸ ਦੇ 12 ਅੰਕ ਹਨ। ਉਸ ਨੂੰ ਇੱਕ ਮੈਚ ਹੋਰ ਖੇਡਣਾ ਹੈ। ਦੱਖਣੀ ਅਫਰੀਕਾ ਨੇ ਵੀ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰ ਲਿਆ ਹੈ।
ਅੰਕ ਸੂਚੀ ‘ਚ ਆਸਟਰੇਲੀਆ ਤੀਜੇ ਸਥਾਨ ‘ਤੇ ਹੈ। ਆਸਟਰੇਲੀਆ ਦੇ 8 ਵਿੱਚੋਂ 6 ਮੈਚ ਜਿੱਤ ਕੇ 12 ਅੰਕ ਹਨ। ਆਸਟ੍ਰੇਲੀਆ ਨੂੰ 1 ਹੋਰ ਮੈਚ ਖੇਡਣਾ ਹੈ। ਟੀਮ ਨੇ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰ ਲਿਆ ਹੈ।
ਨਿਊਜ਼ੀਲੈਂਡ ਚੌਥੇ ਸਥਾਨ ‘ਤੇ ਬਰਕਰਾਰ ਹੈ। ਫਿਲਹਾਲ ਉਸ ਦੇ 8 ਅੰਕ ਹਨ। ਪਾਕਿਸਤਾਨ ਅਤੇ ਅਫਗਾਨਿਸਤਾਨ ਦੇ ਵੀ 8-8 ਅੰਕ ਹਨ। ਪਰ ਬਿਹਤਰ ਨੈੱਟ ਰਨ ਰੇਟ ਕਾਰਨ ਨਿਊਜ਼ੀਲੈਂਡ ਅੱਗੇ ਹੈ।
ਇੰਗਲੈਂਡ ਨੇ 8 ਮੈਚ ਖੇਡੇ ਅਤੇ 2 ਜਿੱਤੇ। ਟੀਮ ਦੇ 4 ਅੰਕ ਹਨ। ਹੁਣ ਇੰਗਲੈਂਡ ਅੰਕ ਸੂਚੀ ‘ਚ 7ਵੇਂ ਸਥਾਨ ‘ਤੇ ਹੈ। ਇੰਗਲੈਂਡ ਨੇ ਆਪਣਾ ਆਖਰੀ ਮੈਚ ਪਾਕਿਸਤਾਨ ਖਿਲਾਫ ਖੇਡਣਾ ਹੈ। ਨੀਦਰਲੈਂਡ ਖਿਲਾਫ ਜਿੱਤ ਤੋਂ ਬਾਅਦ ਇੰਗਲੈਂਡ ਪਾਕਿਸਤਾਨ ਖਿਲਾਫ ਜਿੱਤਣ ਦੀ ਕੋਸ਼ਿਸ਼ ਕਰੇਗਾ। ਇਸ ਨਾਲ ਵਿਸ਼ਵ ਕੱਪ ਦੇ ਸਮੀਕਰਨਾਂ ‘ਤੇ ਕੋਈ ਅਸਰ ਨਹੀਂ ਪਵੇਗਾ ਪਰ ਟੀਮ 2025 ‘ਚ ਹੋਣ ਵਾਲੀ ਚੈਂਪੀਅਨਜ਼ ਟਰਾਫੀ ਲਈ ਕੁਆਲੀਫਾਈ ਕਰ ਲਵੇਗੀ।
ਨਿਊਜ਼ੀਲੈਂਡ ਇਸ ਸਮੇਂ 8 ਅੰਕਾਂ ਨਾਲ ਚੌਥੇ ਸਥਾਨ ‘ਤੇ ਹੈ। ਉਸ ਨੇ 8 ਵਿੱਚੋਂ 4 ਮੈਚ ਜਿੱਤੇ ਹਨ। ਜੇਕਰ ਨਿਊਜ਼ੀਲੈਂਡ ਅੱਜ ਸ਼੍ਰੀਲੰਕਾ ਨੂੰ ਹਰਾਉਂਦਾ ਹੈ ਤਾਂ ਉਸ ਦੇ 10 ਅੰਕ ਹੋ ਜਾਣਗੇ। ਇਹ ਚੌਥੇ ਸਥਾਨ ‘ਤੇ ਰਹੇਗਾ, ਨੈੱਟ ਰਨ ਰੇਟ ਵੀ ਵਧੀਆ ਬਣੇਗਾ ਤਾਂ ਸੈਮੀਫਾਈਨਲ ਲਈ ਇਸ ਦੀ ਸਥਿਤੀ ਪਾਕਿਸਤਾਨ ਅਤੇ ਅਫਗਾਨਿਸਤਾਨ ਨਾਲੋਂ ਮਜ਼ਬੂਤ ਹੋਵੇਗੀ। ਜੇਕਰ ਨਿਊਜ਼ੀਲੈਂਡ ਅੱਜ ਸ਼੍ਰੀਲੰਕਾ ਤੋਂ ਹਾਰਦਾ ਹੈ ਤਾਂ ਉਹ 8 ਅੰਕਾਂ ਨਾਲ ਚੌਥੇ ਨੰਬਰ ‘ਤੇ ਰਹੇਗਾ। ਨੈੱਟ ਰਨ ਰੇਟ ਘਟੇਗਾ।
ਨਿਊਜ਼ੀਲੈਂਡ ਦੀ ਹਾਰ ਤੋਂ ਬਾਅਦ ਪਾਕਿਸਤਾਨ ਨੂੰ ਇੰਗਲੈਂਡ ਖਿਲਾਫ ਆਪਣਾ ਆਖਰੀ ਮੈਚ ਚੰਗੀ ਰਨ ਰੇਟ ਨਾਲ ਜਿੱਤਣਾ ਹੋਵੇਗਾ। ਫਿਰ ਉਸ ਦੇ ਸੈਮੀਫਾਈਨਲ ‘ਚ ਜਾਣ ਦੀਆਂ ਸੰਭਾਵਨਾਵਾਂ ਵਧ ਜਾਣਗੀਆਂ। ਪਾਕਿਸਤਾਨ ਚੌਥੇ ਨੰਬਰ ਦੀ ਟੀਮ ਬਣ ਸਕਦੀ ਹੈ ਅਤੇ ਅਜਿਹੇ ‘ਚ ਉਸ ਦਾ ਸੈਮੀਫਾਈਨਲ ਨੰਬਰ ਇਕ ਟੀਮ ਯਾਨੀ ਭਾਰਤ ਨਾਲ ਹੋਵੇਗਾ।
