- ਬਚਣ ਲਈ ਭੱਜਦੀ ਹੋਈ ਜ਼ਮੀਨ ‘ਤੇ ਡਿੱਗੀ, ਲੱਤ ‘ਤੇ ਵੱਢਿਆ
ਜਲੰਧਰ, 4 ਫਰਵਰੀ 2024 – ਜਲੰਧਰ ‘ਚ ਇਕ ਬਜ਼ੁਰਗ ਔਰਤ ‘ਤੇ 4 ਕੁੱਤਿਆਂ ਨੇ ਹਮਲਾ ਕਰ ਦਿੱਤਾ। ਔਰਤ ਗਲੀ ਵਿਚ ਪੈਦਲ ਆ ਰਹੀ ਸੀ। ਅਚਾਨਕ ਚਾਰ ਕੁੱਤੇ ਉਸ ‘ਤੇ ਝਪਟ ਪਏ। ਔਰਤ ਗਲੀ ‘ਚ ਹੀ ਜ਼ਮੀਨ ‘ਤੇ ਡਿੱਗ ਗਈ। ਜਦੋਂ ਔਰਤ ਨੇ ਆਪਣਾ ਬਚਾਅ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਕੁੱਤੇ ਉਥੋਂ ਚਲੇ ਗਏ।
ਔਰਤ ਦੀ ਚੀਕ ਸੁਣ ਕੇ ਇਕ ਵਿਅਕਤੀ ਘਰੋਂ ਬਾਹਰ ਆਇਆ ਅਤੇ ਉਸ ਨੂੰ ਸੰਭਾਲਿਆ। ਸਾਰੀ ਘਟਨਾ ਦਾ ਸੀਸੀਟੀਵੀ ਵੀਡੀਓ ਸਾਹਮਣੇ ਆਇਆ ਹੈ।
ਬਜ਼ੁਰਗ ਔਰਤ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਲਿਜਾਇਆ ਗਿਆ। ਡਾਕਟਰਾਂ ਨੇ ਉਸ ਨੂੰ ਰੇਬੀਜ਼ ਦਾ ਟੀਕਾ ਲਗਾ ਕੇ ਘਰ ਭੇਜ ਦਿੱਤਾ। ਕੁੱਤਿਆਂ ਨੇ ਬਜ਼ੁਰਗ ਔਰਤ ਦੀ ਲੱਤ ਨੂੰ ਕੱਟ ਲਿਆ ਸੀ।
ਇਹ ਘਟਨਾ ਅਸ਼ੋਕ ਨਗਰ ਸਥਿਤ ਸ਼ਹਿਨਾਈ ਪੈਲੇਸ ਦੇ ਪਿੱਛੇ ਵਾਪਰੀ। ਉਥੇ ਰਹਿੰਦੇ ਕੱਪੜਾ ਵਪਾਰੀ ਸੰਜੀਵ ਕੁਮਾਰ ਅਰੋੜਾ ਨੇ ਦੱਸਿਆ ਕਿ 65 ਸਾਲਾ ਔਰਤ ਆਪਣੀਆਂ ਦੋ ਧੀਆਂ ਸਮੇਤ ਘਰ ਦਾ ਕੰਮ ਕਰਦੀ ਹੈ। ਸ਼ਨੀਵਾਰ ਨੂੰ ਔਰਤ ਘਰ ਤੋਂ ਕੰਮ ‘ਤੇ ਜਾ ਰਹੀ ਸੀ। ਸਵੇਰੇ ਕਰੀਬ ਦਿਨੇ 11.30 ਵਜੇ ਵਾਪਰੀ ਜਦੋਂ ਔਰਤ ਅਸ਼ੋਕ ਨਗਰ ਮੋੜ ਤੋਂ ਹੌਲੀ-ਹੌਲੀ ਆ ਰਹੀ ਸੀ।
ਜਦੋਂ ਉਹ ਟੀ-ਪੁਆਇੰਟ ‘ਤੇ ਪਹੁੰਚੀ ਤਾਂ ਇਕ ਕੁੱਤਾ ਉਸ ਦੇ ਨੇੜੇ ਆਇਆ ਅਤੇ ਭੌਂਕਣ ਲੱਗਾ। ਇਸ ਤੋਂ ਬਾਅਦ 3 ਹੋਰ ਕੁੱਤੇ ਉੱਥੇ ਆਏ ਅਤੇ ਔਰਤ ‘ਤੇ ਹਮਲਾ ਕਰ ਦਿੱਤਾ। ਬਜ਼ੁਰਗ ਔਰਤ ਨੇ ਹੱਥ-ਪੈਰ ਮਾਰ ਕੇ ਕਿਸੇ ਤਰ੍ਹਾਂ ਕੁੱਤਿਆਂ ਨੂੰ ਆਪਣੇ ਤੋਂ ਦੂਰ ਕਰਨ ਦੀ ਕੋਸ਼ਿਸ਼ ਕਰਨੀ ਸ਼ੁਰੂ ਕਰ ਦਿੱਤੀ। ਜਦੋਂ ਉਹ ਬਚਾਅ ਲਈ ਭੱਜੀ ਤਾਂ ਉਹ ਜ਼ਮੀਨ ‘ਤੇ ਡਿੱਗ ਪਈ। ਇਸ ਤੋਂ ਬਾਅਦ ਕੁੱਤਿਆਂ ਨੇ ਉਸ ਦੀ ਲੱਤ ਵੱਢ ਲਈ।
ਔਰਤ ਦੀ ਆਵਾਜ਼ ਸੁਣ ਕੇ ਜਦੋਂ ਵਿਅਕਤੀ ਘਰੋਂ ਬਾਹਰ ਆਇਆ ਤਾਂ ਕੁੱਤੇ ਉਥੋਂ ਚਲੇ ਗਏ ਸਨ। ਇਸ ਤੋਂ ਬਾਅਦ ਇਲਾਕੇ ਦੇ ਲੋਕ ਇਕੱਠੇ ਹੋ ਗਏ। ਔਰਤ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਲਿਜਾਇਆ ਗਿਆ।
ਸੰਜੀਵ ਅਰੋੜਾ ਨੇ ਦੱਸਿਆ ਕਿ ਇਲਾਕਾ ਨਿਵਾਸੀ ਅਤੇ ਅਸੀਂ ਕੁੱਤਿਆਂ ਸਬੰਧੀ ਕਈ ਵਾਰ ਸ਼ਿਕਾਇਤ ਕਰ ਚੁੱਕੇ ਹਾਂ ਪਰ ਕੋਈ ਫਰਕ ਨਹੀਂ ਪਿਆ। ਇੱਥੋਂ ਤੱਕ ਕਿ ਉਨ੍ਹਾਂ ਦੇ ਆਪਣੇ ਬੱਚੇ ਵੀ ਇਨ੍ਹਾਂ ਗਲੀਆਂ ਵਿੱਚ ਨਿਕਲਣ ਤੋਂ ਡਰਦੇ ਹਨ ਕਿਉਂਕਿ ਆਂਢ-ਗੁਆਂਢ ਵਿੱਚ ਕੁੱਤੇ ਬਹੁਤ ਹਨ।
