ਯੂਪੀ, 19 ਮਾਰਚ 2024 – ਯੂਪੀ ਦੇ ਰਾਮਪੁਰ ‘ਚ ਉਸ ਸਮੇਂ ਹੰਗਾਮਾ ਹੋ ਗਿਆ ਜਦੋਂ ਪਤਨੀ ਨੇ ਨੀਂਦ ‘ਚ ਵਾਰ-ਵਾਰ ਆਪਣੇ ਜੀਜੇ ਦਾ ਨਾਂਅ ਲਿਆ। ਪਤੀ ਨੇ ਪਤਨੀ ‘ਤੇ ਗੰਭੀਰ ਇਲਜ਼ਾਮ ਲਗਾ ਕੇ ਉਸ ਦੀ ਕੁੱਟਮਾਰ ਕਰ ਦਿੱਤੀ। ਪਤਨੀ ਦਾ ਕਹਿਣਾ ਹੈ ਕਿ ਉਸ ਨੂੰ ਡਰਾਉਣਾ ਸੁਪਨਾ ਆਇਆ ਸੀ, ਜਿਸ ਕਾਰਨ ਉਸ ਨੇ ਆਪਣੇ ਜੀਜੇ ਦਾ ਨਾਂ ਲਿਆ ਹੋ ਸਕਦਾ ਹੈ। ਜਦੋਂ ਦੋਵਾਂ ਵਿਚਾਲੇ ਰੌਲਾ ਕਾਫੀ ਵਧ ਗਿਆ ਤਾਂ ਦੋਵੇਂ ਥਾਣੇ ਪਹੁੰਚ ਗਏ। ਪੁਲੀਸ ਨੇ ਦੋਵਾਂ ਨੂੰ ਸਮਝਾ ਕੇ ਘਰ ਵਾਪਸ ਭੇਜ ਦਿੱਤਾ।
ਇਹ ਘਟਨਾ ਅਜ਼ੀਮਨਗਰ ਥਾਣਾ ਖੇਤਰ ਦੇ ਇੱਕ ਪਿੰਡ ਦੀ ਹੈ। ਜਿੱਥੇ ਛੇ ਮਹੀਨੇ ਪਹਿਲਾਂ ਇੱਕ ਨੌਜਵਾਨ ਦਾ ਵਿਆਹ ਹੋਇਆ ਸੀ। ਨੌਜਵਾਨ ਦਾ ਦੋਸ਼ ਹੈ ਕਿ ਉਸ ਦੀ ਪਤਨੀ ਹਮੇਸ਼ਾ ਸੌਂਦੇ ਸਮੇਂ ਆਪਣੇ ਜੀਜੇ ਦਾ ਨਾਂਅ ਲੈਂਦੀ ਹੈ। ਇਹ ਘਟਨਾ ਐਤਵਾਰ ਦੀ ਹੈ, ਜਦੋਂ ਦੇਰ ਰਾਤ ਪਤੀ-ਪਤਨੀ ਆਪਣੇ ਘਰ ‘ਚ ਸੁੱਤੇ ਪਏ ਸਨ। ਰਾਤ ਕਰੀਬ 12 ਵਜੇ ਪਤਨੀ ਨੇ ਵਾਰ-ਵਾਰ ਆਪਣੇ ਜੀਜੇ ਦਾ ਨਾਂ ਲੈਣਾ ਸ਼ੁਰੂ ਕਰ ਦਿੱਤਾ।
ਜਦੋਂ ਪਤਨੀ ਵਾਰ-ਵਾਰ ਆਪਣੇ ਜੀਜੇ ਦਾ ਨਾਂ ਲੈ ਰਹੀ ਸੀ ਤਾਂ ਪਤੀ ਨੇ ਹੰਗਾਮਾ ਕਰਨਾ ਸ਼ੁਰੂ ਕਰ ਦਿੱਤਾ। ਪਤੀ ਨੇ ਪਤਨੀ ‘ਤੇ ਗੰਭੀਰ ਦੋਸ਼ ਲਗਾ ਕੇ ਉਸਦੀ ਕੁੱਟਮਾਰ ਕੀਤੀ। ਹੰਗਾਮਾ ਹੋਣ ਕਾਰਨ ਆਸਪਾਸ ਦੇ ਕਈ ਲੋਕ ਮੌਕੇ ‘ਤੇ ਆ ਗਏ। ਔਰਤ ਦੇ ਪਤੀ ਨੇ ਉਸ ਦੇ ਜੀਜੇ ਨਾਲ ਬਦਸਲੂਕੀ ਕੀਤੀ ਅਤੇ ਪਤਨੀ ‘ਤੇ ਵੀ ਗੰਭੀਰ ਦੋਸ਼ ਲਾਏ, ਜਦੋਂ ਕਿ ਪਤਨੀ ਨੇ ਕਿਹਾ ਕਿ ਮੈਨੂੰ ਪਹਿਲਾਂ ਹੀ ਡਰਾਉਣੇ ਸੁਪਨੇ ਆਉਂਦੇ ਹਨ। ਮੈਂ ਸੁਪਨੇ ਵਿੱਚ ਆਪਣੀ ਆਪਣੇ ਜੀਜੇ ਦਾ ਨਾਮ ਜ਼ਰੂਰ ਲਿਆ ਹੋਵੇਗਾ।
ਇਸ ਤੋਂ ਬਾਅਦ ਸਵੇਰੇ ਜਿਵੇਂ ਹੀ ਪਤੀ ਨੇ ਪਤਨੀ ਦੇ ਮਾਤਾ-ਪਿਤਾ ਨੂੰ ਬੁਲਾ ਕੇ ਹੰਗਾਮਾ ਕਰ ਦਿੱਤਾ। ਮਾਮਲਾ ਪੁਲਿਸ ਕੋਲ ਪੁੱਜਾ ਤਾਂ ਦੋਵੇਂ ਪਤੀ-ਪਤਨੀ ਨੂੰ ਥਾਣੇ ਬੁਲਾਇਆ ਗਿਆ। ਪੁਲਿਸ ਨੇ ਦੋਵਾਂ ਨੂੰ ਸਮਝਾ ਕੇ ਉਨ੍ਹਾਂ ਦੀਆਂ ਸਾਰੀਆਂ ਸ਼ਿਕਾਇਤਾਂ ਦਾ ਨਿਪਟਾਰਾ ਕੀਤਾ। ਸਮਝੌਤੇ ਤੋਂ ਬਾਅਦ ਪਤੀ-ਪਤਨੀ ਆਪਣੇ ਘਰ ਚਲੇ ਗਏ। ਸੁਪਨਿਆਂ ‘ਚ ਆਪਣੇ ਜੀਜੇ ਦਾ ਨਾਂ ਲੈਣ ਵਾਲੀ ਔਰਤ ਇਲਾਕੇ ‘ਚ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।
