ਮੁੰਬਈ, 24 ਅਕਤੂਬਰ 2024 – ਹਾਲ ਹੀ ‘ਚ ਕਾਮੇਡੀਅਨ ਕ੍ਰਿਸ਼ਨਾ ਅਭਿਸ਼ੇਕ ਆਪਣੇ 7 ਸਾਲ ਪੁਰਾਣੇ ਝਗੜੇ ਨੂੰ ਭੁੱਲ ਕੇ ਮਾਮੇ ਗੋਵਿੰਦਾ ਦੇ ਘਰ ਪਹੁੰਚੇ ਅਤੇ ਉਨ੍ਹਾਂ ਦਾ ਹਾਲ-ਚਾਲ ਪੁੱਛਿਆ।
ਈਟਾਈਮਜ਼ ਨੂੰ ਦਿੱਤੇ ਇੰਟਰਵਿਊ ‘ਚ ਇਸ ਮੁਲਾਕਾਤ ਦਾ ਜ਼ਿਕਰ ਕਰਦੇ ਹੋਏ ਕ੍ਰਿਸ਼ਨਾ ਨੇ ਕਿਹਾ- ‘ਜਿਵੇਂ ਹੀ ਮੈਂ ਭਾਰਤ ਪਰਤਿਆ, ਮੈਂ 7 ਸਾਲਾਂ ‘ਚ ਪਹਿਲੀ ਵਾਰ ਆਪਣੇ ਮਾਮਾ ਜੀ ਨੂੰ ਮਿਲਣ ਸਿੱਧਾ ਉਨ੍ਹਾਂ ਦੇ ਘਰ ਗਿਆ। ਇੰਝ ਲੱਗਾ ਜਿਵੇਂ ਮੈਂ ਅੱਧੀ ਜਲਾਵਤਨੀ ਪੂਰੀ ਕਰ ਲਈ ਹੋਵੇ। ਉਹ ਠੀਕ ਹੋ ਰਹੇ ਹਨ। ਮੈਂ ਉਨ੍ਹਾਂ ਨਾਲ ਕਰੀਬ ਇਕ ਘੰਟਾ ਬਿਤਾਇਆ। ਇਹ ਬਹੁਤ ਹੀ ਭਾਵੁਕ ਪਲ ਸੀ।
ਦੱਸ ਦੇਈਏ ਕਿ ਹਾਲ ਹੀ ‘ਚ ਗੋਵਿੰਦਾ ਕੋਲੋਂ ਆਪਣੇ ਹੀ ਘਰ ‘ਚ ਬੰਦੂਕ ਚੱਲ ਗਈ ਸੀ ਅਤੇ ਗੋਲੀ ਉਸ ਦੀ ਲੱਤ ‘ਚ ਲੱਗੀ ਸੀ। ਉਹ 3-4 ਦਿਨ ਹਸਪਤਾਲ ‘ਚ ਇਲਾਜ ਤੋਂ ਬਾਅਦ ਘਰ ਪਰਤਿਆ ਸੀ। ਉਦੋਂ ਗੋਵਿੰਦਾ ਦਾ ਭਾਣਜਾ ਕ੍ਰਿਸ਼ਨਾ ਅਭਿਸ਼ੇਕ ਕੰਮ ਲਈ ਆਸਟ੍ਰੇਲੀਆ ‘ਚ ਸੀ। ਪਰ ਉਨ੍ਹਾਂ ਦੀ ਪਤਨੀ ਕਸ਼ਮੀਰਾ ਸ਼ਾਹ ਗੋਵਿੰਦਾ ਨੂੰ ਮਿਲਣ ਆਈ ਸੀ।
ਹੁਣ ਆਸਟ੍ਰੇਲੀਆ ਤੋਂ ਪਰਤਣ ਤੋਂ ਬਾਅਦ ਕ੍ਰਿਸ਼ਨ ਆਪਣਾ ਝਗੜਾ ਭੁੱਲ ਗਿਆ ਹੈ। ਕ੍ਰਿਸ਼ਨਾ ਨੇ ਅੱਗੇ ਕਿਹਾ, ‘ਜਦੋਂ ਮੇਰੇ ਮਾਮਾ ਨਾਲ ਇਹ ਘਟਨਾ ਵਾਪਰੀ, ਮੈਂ ਆਸਟ੍ਰੇਲੀਆ ‘ਚ ਸੀ। ਮੈਂ ਆਪਣਾ ਦੌਰਾ ਲਗਭਗ ਰੱਦ ਕਰ ਦਿੱਤਾ ਸੀ ਪਰ ਹਸਪਤਾਲ ਦੇ ਸਟਾਫ ਅਤੇ ਪਤਨੀ ਕਸ਼ਮੀਰਾ ਨਾਲ ਗੱਲ ਕਰਨ ਤੋਂ ਬਾਅਦ ਮੈਂ ਸੰਤੁਸ਼ਟ ਸੀ ਕਿ ਉਹ ਠੀਕ ਹੋ ਰਹੇ ਹਨ।
ਕ੍ਰਿਸ਼ਨਾ ਨੇ ਕਿਹਾ, ‘ਆਪਣੇ ਮਾਮੇ ਦੇ ਘਰ ਪਹੁੰਚਣ ਤੋਂ ਬਾਅਦ, ਮੈਂ ਸੱਤ ਸਾਲ ਬਾਅਦ ਨਮੋ (ਗੋਵਿੰਦਾ ਦੀ ਬੇਟੀ ਟੀਨਾ ਆਹੂਜਾ) ਨੂੰ ਵੀ ਮਿਲਿਆ। ਇਹ ਸੱਚਮੁੱਚ ਬਹੁਤ ਭਾਵੁਕ ਪਲ ਸੀ। ਮੈਂ ਸਿੱਧੇ ਮਾਮੇ ਨੂੰ ਜੱਫੀ ਪਾ ਲਈ। ਮੈਨੂੰ ਖੁਸ਼ੀ ਹੈ ਕਿ ਅਸੀਂ ਇਸ ਗੱਲਬਾਤ ਦੌਰਾਨ ਅਤੀਤ ਦਾ ਕੋਈ ਜ਼ਿਕਰ ਨਹੀਂ ਕੀਤਾ।
