ਨਵੀਂ ਦਿੱਲੀ, 2 ਫਰਵਰੀ 2025 – ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਸ਼ਨੀਵਾਰ ਨੂੰ 8ਵੀਂ ਵਾਰ ਦੇਸ਼ ਦਾ ਬਜਟ ਪੇਸ਼ ਕੀਤਾ। ਉਹ ਸੁਨਹਿਰੀ ਬਾਰਡਰ ਵਾਲੀ ਕਰੀਮ ਰੰਗ ਦੀ ਮਧੂਬਨੀ ਪੇਂਟਿੰਗ ਸਾੜੀ ਪਹਿਨ ਕੇ ਸੰਸਦ ਪਹੁੰਚੇ ਸਨ। ਇਸ ਤੋਂ ਪਹਿਲਾਂ, ਉਹ ਰਾਸ਼ਟਰਪਤੀ ਭਵਨ ਗਏ ਜਿੱਥੇ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੇ ਉਨ੍ਹਾਂ ਨੂੰ ਦਹੀਂ ਅਤੇ ਖੰਡ ਖੁਆ ਕੇ ਸਵਾਗਤ ਕੀਤਾ। ਇਸ ਤੋਂ ਬਾਅਦ, ਸੀਤਾਰਮਨ ਟੈਬਲੇਟ ਲੈ ਕੇ ਸੰਸਦ ਭਵਨ ਪਹੁੰਚੀ।
ਸੀਤਾਰਮਨ ਨੇ ਬਜਟ ਭਾਸ਼ਣ 11.01 ਮਿੰਟ ‘ਤੇ ਸ਼ੁਰੂ ਕੀਤਾ। 1 ਘੰਟਾ 17 ਮਿੰਟ ਦੇ ਬਜਟ ਭਾਸ਼ਣ ਦੌਰਾਨ, ਉਨ੍ਹਾਂ ਨੇ ਸਵੇਰੇ 11.24 ਵਜੇ, 11.27 ਵਜੇ, 11.44 ਵਜੇ, 11.56 ਵਜੇ ਅਤੇ ਦੁਪਹਿਰ 12.16 ਵਜੇ 5 ਵਾਰ ਪਾਣੀ ਪੀਤਾ। ਆਪਣੇ 77 ਮਿੰਟ ਦੇ ਭਾਸ਼ਣ ਦੌਰਾਨ, ਨਿਰਮਲਾ ਸੀਤਾਰਮਨ ਨੇ ਇੱਕ ਵਾਰ ਰੁਮਾਲ ਨਾਲ ਆਪਣੀਆਂ ਅੱਖਾਂ ਵੀ ਪੂੰਝੀਆਂ।
ਬਜਟ ਭਾਸ਼ਣ ਸ਼ੁਰੂ ਹੁੰਦੇ ਹੀ ਸਪਾ ਮੁਖੀ ਅਖਿਲੇਸ਼ ਯਾਦਵ ਨੇ ਕੁੰਭ ਵਿੱਚ ਹੋਏ ਮਾੜੇ ਪ੍ਰਬੰਧਾਂ ਨੂੰ ਲੈ ਕੇ ਹੰਗਾਮਾ ਸ਼ੁਰੂ ਕਰ ਦਿੱਤਾ। ਜਦੋਂ ਸਪੀਕਰ ਓਮ ਬਿਰਲਾ ਨੇ ਉਨ੍ਹਾਂ ਨੂੰ ਰੋਕਿਆ ਤਾਂ ਸਮਾਜਵਾਦੀ ਪਾਰਟੀ ਦੇ ਸੰਸਦ ਮੈਂਬਰਾਂ ਸਮੇਤ ਕਈ ਵਿਰੋਧੀ ਮੈਂਬਰ ਵਾਕਆਊਟ ਕਰ ਗਏ।
