ਚੰਡੀਗੜ੍ਹ, 29 ਅਪ੍ਰੈਲ 2021 – ਪੀਜੀਆਈ, ਚੰਡੀਗੜ੍ਹ ਵਿੱਚ ਇੱਕ 42 ਸਾਲਾ ਕੋਰੋਨਾ ਪਾਜ਼ੀਟਿਵ ਮਰੀਜ਼ ਦੀ ਵੀਰਵਾਰ ਨੂੰ ਮੌਤ ਹੋ ਗਈ। ਅਸਲ ‘ਚ ਕੋਰੋਨਾ ਮਰੀਜ਼ ਨੇ ਹਸਪਤਾਲ ਦੇ ਕਮਰੇ ਦੀ ਖਿੜਕੀ ‘ਚੋਂ ਛਾਲ ਮਾਰ ਅਤੇ ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।
ਪੀਜੀਆਈ ਵੱਲੋਂ ਜਾਰੀ ਬਿਆਨ ਅਨੁਸਾਰ ਪੰਚਕੁਲਾ ਦੇ ਵਸਨੀਕ ਵਿਨੋਦ ਕੁਮਾਰ ਨੂੰ 11 ਅਪ੍ਰੈਲ ਨੂੰ ਪੀ ਜੀ ਆਈ ਐਮ ਆਈ ਆਰ-ਚੰਡੀਗੜ੍ਹ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਉਹ ਕੋਵਿਡ -19 ਪਾਜ਼ੀਟਿਵ ਸੀ ਅਤੇ ਉਸ ਦਾ ਪੋਸਟ-ਕੋਵਾਈਡ ਫੰਗਲ ਨਮੂਨੀਆ ਦਾ ਇਲਾਜ ਚੱਲ ਰਿਹਾ ਸੀ।
ਉਸ ਦਾ ਆਰਆਈਸੀਯੂ ਵਿਚ ਇਲਾਜ ਕੀਤਾ ਗਿਆ ਅਤੇ ਉਸ ਨੂੰ 28 ਅਪ੍ਰੈਲ ਨੂੰ ਕਮਰਾ ਨੰਬਰ 24 (ਨਿਜੀ ਵਾਰਡ 4 ਡੀ) ਵਿਚ ਤਬਦੀਲ ਕਰ ਦਿੱਤਾ ਗਿਆ ਅਤੇ 29 ਅਪ੍ਰੈਲ ਨੂੰ ਮਰੀਜ਼ ਦੁਪਹਿਰ 12:05 ਵਜੇ ਆਪਣੇ ਕਮਰੇ ਦੀ ਖਿੜਕੀ ਤੋਂ ਛਾਲ ਮਾਰ ਗਿਆ। ਇਸ ਤੋਂ ਤੁਰੰਤ ਬਾਅਦ ਉਸ ਨੂੰ ਐਮਰਜੈਂਸੀ ਲਿਜਾਇਆ ਗਿਆ, ਜਿਥੇ ਉਸਨੂੰ 12: 26 ਵਜੇ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਜਿਕਰਯੋਗ ਹੈ ਕਿ ਰੋਗੀ ਪਹਿਲਾਂ ਹੀ ਮਨੋਰੋਗ ਵਿਭਾਗ ਤੋਂ ਵੀ ਚਿੰਤਾ ਦਾ ਇਲਾਜ ਕਰ ਰਿਹਾ ਸੀ।
