ਨਵੀਂ ਦਿੱਲੀ, 4 ਮਾਰਚ 2022 – ਕੀਵ ਵਿੱਚ ਰੂਸੀ ਹਮਲਿਆਂ ਨਾਲ ਜੂਝਦਾ ਹੋਇਆ ਇੱਕ ਹੋਰ ਭਾਰਤੀ ਵਿਦਿਆਰਥੀ ਜ਼ਖਮੀ ਹੋ ਗਿਆ ਹੈ। ਘਟਨਾ 4 ਦਿਨ ਪਹਿਲਾਂ ਸ਼ੁੱਕਰਵਾਰ ਸਵੇਰੇ ਦੀ ਹੈ। ਇਹ ਜਾਣਕਾਰੀ ਪੋਲੈਂਡ ਦੇ ਰਜੇਜੋ ਹਵਾਈ ਅੱਡੇ ‘ਤੇ ਮੌਜੂਦ ਸੇਵਾਮੁਕਤ ਜਨਰਲ ਵੀਕੇ ਸਿੰਘ ਨੇ ਦਿੱਤੀ। ਉਹਨਾਂ ਦੱਸਿਆ ਕੇ ਜ਼ਖਮੀ ਵਿਦਿਆਰਥੀ ਦਾ ਨਾਂ ਹਰਜੋਤ ਸਿੰਘ ਹੈ। ਉਹ ਕਾਰ ਰਾਹੀਂ ਲੀਵ ਸਿਟੀ ਵੱਲ ਜਾ ਰਿਹਾ ਸੀ। ਹਰਜੋਤ ਨੇ ਦੱਸਿਆ ਕਿ ਉਸ ਦੇ ਮੋਢੇ ਅਤੇ ਛਾਤੀ ਵਿੱਚ ਗੋਲੀ ਲੱਗੀ ਹੈ ਅਤੇ ਉਸ ਦੀ ਲੱਤ ਫਰੈਕਚਰ ਹੋ ਗਈ ਹੈ।
ਹਰਜੋਤ ਇਸ ਸਮੇਂ ਕੀਵ ਦੇ ਇੱਕ ਹਸਪਤਾਲ ਵਿੱਚ ਹੈ। ਉਧਰ ਭਾਰਤ ਸਰਕਾਰ ਤੋਂ ਟਵੀਟ ਰਾਹੀਂ ਮਦਦ ਮੰਗੀ ਗਈ ਹੈ। ਹਰਜੋਤ ਵਾਂਗ ਹੋਰ ਵੀ ਕਈ ਵਿਦਿਆਰਥੀ ਅਜੇ ਵੀ ਕੀਵ ਵਿੱਚ ਫਸੇ ਹੋਏ ਹਨ।
ਹਰਜੋਤ ਨੇ ਕਿਹਾ ਹੈ ਕਿ ਇਹ ਪਤਾ ਨਹੀਂ ਲੱਗਾ ਕਿ ਗੋਲੀਬਾਰੀ ਕੌਣ ਕਰ ਰਿਹਾ ਸੀ ਅਤੇ ਅਸੀਂ ਕੈਬ ਵਿਚ ਸੀ ਤਾਂ ਗੋਲੀ ਲੱਗਣ ਤੋਂ ਬਾਅਦ ਮੈਂ ਸੜਕ ‘ਤੇ ਡਿੱਗ ਪਿਆ। ਅੱਖਾਂ ਥੋੜ੍ਹੀਆਂ ਖੁੱਲ੍ਹਦੀਆਂ ਤੇ ਫਿਰ ਬੰਦ ਹੋ ਜਾਂਦੀਆਂ ਸੀ। ਜਦੋਂ ਮੈਨੂੰ ਹੋਸ਼ ਆਈ ਤਾਂ ਮੈਂ ਹਸਪਤਾਲ ਵਿੱਚ ਸੀ। ਇੱਕ ਗੋਲੀ ਮੇਰੇ ਗੋਡੇ ਵਿੱਚ ਲੱਗੀ ਸੀ। ਦੂਜੀ ਗੋਲੀ ਸਾਈਡ ਤੋਂ ਛੂਹਦੇ ਹੋਏ ਮੇਰੇ ਸੀਨੇ ਵਿੱਚ ਜਾ ਲੱਗੀ। ਹਸਪਤਾਲ ਵਾਲਿਆਂ ਨੇ ਹੀ ਮੈਨੂੰ ਮੋਬਾਈਲ ਦਿੱਤਾ। ਉਸ ਤੋਂ ਬਾਅਦ ਹੀ ਮੈਂ ਸੰਪਰਕ ਕਰ ਸਕਿਆ। ਕੀਵ ਤੋਂ ਭਾਰਤੀ ਦੂਤਾਵਾਸ ਦੇ ਅਧਿਕਾਰੀ ਪਹਿਲਾਂ ਹੀ ਰਵਾਨਾ ਹੋ ਚੁੱਕੇ ਹਨ।
ਹਰਜੋਤ ਨੇ ਕਿਹਾ ਕਿ ਉਹ ਆਪਣੇ ਦੋਸਤਾਂ ਨਾਲ ਕਾਰ ਵਿੱਚ ਸੀ ਅਤੇ ਸਰਹੱਦ ਤੱਕ ਪਹੁੰਚਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਉਦੋਂ ਗੋਲੀਬਾਰੀ ਹੋਈ। ਹਰਜੋਤ ਨੇ ਕਿਹਾ ਹੈ ਕਿ ਉਹ ਕਈ ਵਾਰ ਅੰਬੈਸੀ ਦੇ ਅਧਿਕਾਰੀਆਂ ਨਾਲ ਸੰਪਰਕ ਕਰਕੇ ਉਸ ਨੂੰ ਛੁੱਟੀ ਲੈ ਜਾਣ ਦੀ ਅਪੀਲ ਕਰ ਚੁੱਕੇ ਹਨ ਪਰ ਕੋਈ ਢੁੱਕਵਾਂ ਜਵਾਬ ਨਹੀਂ ਮਿਲਿਆ।
ਸ਼ੁੱਕਰਵਾਰ ਨੂੰ ਵੀਕੇ ਸਿੰਘ ਨੇ ਕਿਹਾ ਸੀ ਕਿ ਮੈਨੂੰ ਸੂਚਨਾ ਮਿਲੀ ਸੀ ਕਿ ਕੀਵ ਤੋਂ ਆ ਰਹੇ ਇੱਕ ਵਿਦਿਆਰਥੀ ਨੂੰ ਗੋਲੀ ਮਾਰ ਦਿੱਤੀ ਗਈ ਸੀ, ਪਰ ਉਸ ਨੂੰ ਅੱਧ ਵਿਚਕਾਰ ਹੀ ਜ਼ਖਮੀ ਹੋਣ ਕਾਰਨ ਵਾਪਸ ਲੈ ਜਾਇਆ ਗਿਆ ਸੀ।
