ਨਵੀਂ ਦਿੱਲੀ, 28 ਫਰਵਰੀ 2022 – ਯੂਕਰੇਨ ਦੀ ਰਾਜਧਾਨੀ ਕੀਵ (ਕੀਵ) ਦੇ ਨੇੜੇ ਇੱਕ ਏਅਰਫੀਲਡ ਵਿੱਚ ਖੜ੍ਹੇ ਦੁਨੀਆ ਦੇ ਸਭ ਤੋਂ ਵੱਡੇ ਕਾਰਗੋ ਜਹਾਜ਼ ਨੂੰ ਰੂਸੀ ਸੈਨਿਕਾਂ ਨੇ ਹਮਲੇ ਵਿੱਚ ਤਬਾਹ ਕਰ ਦਿੱਤਾ। ਇਸ ਗੱਲ ਦੀ ਪੁਸ਼ਟੀ ਯੂਕਰੇਨ ਸਰਕਾਰ ਦੇ ਅਧਿਕਾਰਤ ਟਵਿੱਟਰ ਹੈਂਡਲ ਨੇ ਵੀ ਕੀਤੀ ਹੈ। ਹੁਣ ਇਸ ਜਹਾਜ਼ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਕਾਫੀ ਤਸਵੀਰਾਂ ਅਤੇ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ।
ਯੂਕਰੇਨ ਦੀ ਰਾਜ ਰੱਖਿਆ ਕੰਪਨੀ ਯੂਕਰੋਬੋਰੋਨਪ੍ਰੋਮ ਨੇ ਆਪਣੇ ਬਿਆਨ ‘ਚ ਕਿਹਾ ਕਿ ਐਂਟੋਨੋਵ ਏਨ-225 ਮ੍ਰਿਯਾ ਜਹਾਜ਼ ਦੀ ਗੋਸਟੋਮੇਲ ਹਵਾਈ ਅੱਡੇ ‘ਤੇ ਮੁਰੰਮਤ ਕੀਤੀ ਜਾ ਰਹੀ ਹੈ। ਇਸ ਦੇ ਇਕ ਇੰਜਣ ਨੂੰ ਠੀਕ ਕਰਨ ਦੇ ਯਤਨ ਕੀਤੇ ਜਾ ਰਹੇ ਹਨ। ਫਿਲਹਾਲ ਇਸ ਜਹਾਜ਼ ਨੂੰ ਠੀਕ ਕਰਕੇ ਉਡਾਣ ਭਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਯੂਕਰੋਬੋਰੋਨਪ੍ਰੋਮ ਨੇ ਕਿਹਾ ਕਿ ਅਸੀਂ ਅਗਲੇ ਪੰਜ ਸਾਲਾਂ ‘ਚ ਮਾਰੀਆ ਦਾ ਨਿਰਮਾਣ ਕਰਾਂਗੇ। ਇਸ ‘ਤੇ ਲਗਭਗ 3 ਅਰਬ ਡਾਲਰ ਯਾਨੀ 22,670 ਕਰੋੜ ਰੁਪਏ ਲੱਗਣਗੇ। ਯੂਕਰੇਨ ਦੇ ਵਿਦੇਸ਼ ਮੰਤਰੀ ਦਮਿਤਰੀ ਕੁਲੇਬਾ ਨੇ ਆਪਣੇ ਟਵਿਟਰ ‘ਤੇ ਕਿਹਾ, ਭਾਵੇਂ ਰੂਸ ਨੇ ਜਹਾਜ਼ ਨੂੰ ਬਰਬਾਦ ਕਰ ਦਿੱਤਾ ਹੈ। ਪਰ ਉਹ ਸਾਡੇ ਸੁਪਨੇ ਨੂੰ ਤਬਾਹ ਨਹੀਂ ਕਰ ਸਕੇਗਾ। ਅਸੀਂ ਇੱਕ ਮਜ਼ਬੂਤ, ਆਜ਼ਾਦ ਅਤੇ ਲੋਕਤੰਤਰੀ ਯੂਰਪੀ ਦੇਸ਼ ਦਾ ਨਿਰਮਾਣ ਕਰਾਂਗੇ।
