- ਗਾਇਕ ‘ਤੇ ਟਿਕਟਾਂ ਦੀ ਕਾਲਾਬਾਜ਼ਾਰੀ ਅਤੇ ਸ਼ਰਾਬ ਦੇ ਪ੍ਰਚਾਰ ਦਾ ਦੋਸ਼
ਚੰਡੀਗੜ੍ਹ, 7 ਫਰਵਰੀ 2025 – ਗਾਇਕ ਅਤੇ ਅਦਾਕਾਰਾ ਦਿਲਜੀਤ ਦੋਸਾਂਝ ਪਿਛਲੇ ਕੁਝ ਮਹੀਨਿਆਂ ਤੋਂ ਦਿਲ-ਲੂਮਿਨਾਟੀ ਕੰਸਰਟ ਕਾਰਨ ਸੁਰਖੀਆਂ ਵਿੱਚ ਹਨ। ਇਸ ਦੌਰਾਨ ਦਿਲਜੀਤ ਨੂੰ ਕਦੇ ਦਿੱਲੀ ਵਿੱਚ, ਕਦੇ ਚੰਡੀਗੜ੍ਹ ਵਿੱਚ ਅਤੇ ਕਦੇ ਤੇਲੰਗਾਨਾ ਵਿੱਚ ਸ਼ੋਅ ਦੌਰਾਨ ਨੋਟਿਸ ਭੇਜੇ ਗਏ। ਇੰਨਾ ਹੀ ਨਹੀਂ ਦਿਲਜੀਤ ਨੂੰ ਚੰਡੀਗੜ੍ਹ ਵਿੱਚ ਮਹਿਲਾ ਬਾਲ ਸੰਭਾਲ ਕਮਿਸ਼ਨ ਵੱਲੋਂ ਇੱਕ ਨੋਟਿਸ ਜਾਰੀ ਕੀਤਾ ਗਿਆ ਸੀ ਪਰ ਉਨ੍ਹਾਂ ਨੇ ਆਪਣੇ ਨਵੇਂ ਗੀਤ ‘ਟੈਂਸ਼ਨ’ ਵਿੱਚ ਸਾਰਿਆਂ ਨੂੰ ਜਵਾਬ ਦੇ ਦਿੱਤਾ ਹੈ।
ਦਿਲਜੀਤ ਦਾ ਗੀਤ ‘ਟੈਂਸ਼ਨ’ ਬੀਤੇ ਦਿਨੀਂ ਰਿਲੀਜ਼ ਹੋਇਆ ਹੈ, ਜਿਸ ਦੀ ਸ਼ੁਰੂਆਤ ਪੰਜਾਬ ਦੇ ਪਿੰਡਾਂ ਵਿੱਚ ਸੱਥ ਨਾਲ ਹੁੰਦੀ ਹੈ, ਜਿੱਥੇ ਬਜ਼ੁਰਗ ਰੇਡੀਓ ਸੁਣ ਰਹੇ ਹਨ। ਰੇਡੀਓ ‘ਤੇ ਖ਼ਬਰ ਚੱਲ ਰਹੀ ਹੈ ਕਿ ਜਿਵੇਂ-ਜਿਵੇਂ ਹਾਲਾਤ ਬਣੇ ਰਹਿੰਦੇ ਹਨ, ਦਿਲਜੀਤ ਦੋਸਾਂਝ ਦੀਆਂ ਮੁਸ਼ਕਿਲਾਂ ਵਧਦੀਆਂ ਜਾ ਰਹੀਆਂ ਹਨ। ਕਮਿਸ਼ਨ ਨੇ ਉਨ੍ਹਾਂ ਨੂੰ ਨੋਟਿਸ ਭੇਜਿਆ ਹੈ, ਦਿਲਜੀਤ ਦੋਸਾਂਝ ਲਈ ਇੱਥੇ ਤਣਾਅ ਦਾ ਮਾਹੌਲ ਹੈ। ਜਿਸ ‘ਤੇ ਇੱਕ ਬੁਜੁਰੱਗ ਆਦਮੀ ਕਹਿੰਦਾ ਹੈ, ਦੱਸੋ, ਜੱਟ ਤੇ ਝੋਟਾ ਕਿਸੇ ਤੋਂ ਡਰਿਆ ਹੈ, ਜਿਸ ਤੋਂ ਬਾਅਦ ਹਰ ਕੋਈ ਇਹੀ ਗੱਲ ਕਹਿਣ ਲੱਗਦਾ ਹੈ। ਇਸ ਤੋਂ ਬਾਅਦ ਗਾਣਾ ਸ਼ੁਰੂ ਹੁੰਦਾ ਹੈ – ਗੀਤ ਦੇ ਬੋਲ ਹਨ- ਮਿੱਤਰਾਂ ਨੂੰ ਟੈਂਸ਼ਨ ਹੈਨੀ..ਜੱਟ ਤੇ ਝੋਟਾ, ਪੈੱਗ ਹੈ ਮੋਟਾ, ਦੱਸ, ਜੇ ਲਗਾਉਣਾ ਹੈ ਕਹਿ ਨੀ।
ਦਿਲਜੀਤ ਦੋਸਾਂਝ ਆਪਣੇ Dil Luminati Tour ਦੌਰਾਨ ਸੁਰਖੀਆਂ ਵਿੱਚ ਰਹੇ। ਉਨ੍ਹਾਂ ਨੂੰ ਪਹਿਲਾਂ ਟਿਕਟਾਂ ਦੀ ਕਾਲਾਬਾਜ਼ਾਰੀ ਦੇ ਇਲਜ਼ਾਮਾਂ ਹੇਠ ਨੋਟਿਸ ਭੇਜਿਆ ਗਿਆ। ਇਸ ਤੋਂ ਬਾਅਦ ਸਟੇਜ ਤੇ ਬੱਚਿਆਂ ਨੂੰ ਬੁਲਾਉਣ ਅਤੇ ਫਿਰ ਸ਼ਰਾਬ ਨੂੰ ਉਤਸ਼ਾਹਿਤ ਕਰਨ ਦੇ ਇਲਜ਼ਾਮਾਂ ਵਿੱਚ ਵੀ ਨੋਟਿਸ ਦਿੱਤੇ ਗਏ ਪਰ ਦਿਲਜੀਤ ਨੂੰ ਹਰ ਵਾਰ ਸਟੇਜ ‘ਤੇ ਆਪਣੀਆਂ ਮੁੱਛਾਂ ਮਰੋੜਦੇ ਦੇਖਿਆ ਗਿਆ। ਚੰਡੀਗੜ੍ਹ ਦੌਰੇ ਦੌਰਾਨ ਦਿਲਜੀਤ ਨੇ ਸਾਫ਼ ਕਿਹਾ ਸੀ, ”ਚਿੰਤਾ ਨਾ ਕਰੋ, ਸਾਰੀ ਐਡਵਾਇਜ਼ਰੀ ਮੇਰੇ ਲਈ ਹੈ, ਤੁਸੀਂ ਬਸ ਮੌਜ-ਮਸਤੀ ਕਰੋ। ਸਾਨੂੰ ਦੁੱਗਣਾ ਮਜ਼ਾ ਆਵੇਗਾ।” ਆਪਣੇ ਟੂਰ ਦੌਰਾਨ ਦਿਲਜੀਤ ਦੋਸਾਂਝ ਨੇ ਇਹ ਤੱਕ ਕਹਿ ਦਿੱਤਾ ਸੀ ਕਿ ਜੇਕਰ ਅਜਿਹੇ ਹੀ ਹਾਲਾਤ ਰਹੇ ਤਾਂ ਉਹ ਇੰਡੀਆ ਵਿੱਚ ਆਪਣਾ ਅਗਲਾ ਟੂਰ ਨਹੀਂ ਕਰਨਗੇ।
