- ਭਾਰਤ ‘ਚ ਕੀਤੀ 265 ਕਰੋੜ ਤੋਂ ਵੱਧ ਦੀ ਕਮਾਈ
ਮੁੰਬਈ, 8 ਦਸੰਬਰ 2024 – ਅੱਲੂ ਅਰਜੁਨ ਦੀ ਫਿਲਮ ਪੁਸ਼ਪਾ 2 ਨੇ ਆਪਣੀ ਰਿਲੀਜ਼ ਦੇ ਦੋ ਦਿਨਾਂ ਵਿੱਚ ਦੁਨੀਆ ਭਰ ਵਿੱਚ ਲਗਭਗ 415 ਕਰੋੜ ਰੁਪਏ ਕਮਾ ਲਏ ਹਨ। ਇਸ ਦੇ ਨਾਲ ਹੀ ਭਾਰਤੀ ਬਾਕਸ ਆਫਿਸ ‘ਤੇ ਫਿਲਮ ਦਾ ਕੁਲੈਕਸ਼ਨ 265 ਕਰੋੜ ਹੈ।
ਇੰਡਸਟਰੀ ਟ੍ਰੈਕਰ ਸਕਨੀਲਕ ਦੇ ਅਨੁਸਾਰ, ਪੁਸ਼ਪਾ 2 ਨੇ ਹਿੰਦੀ ਸੰਸਕਰਣ ਵਿੱਚ ਲਗਭਗ 131 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਇਸ ਤਰ੍ਹਾਂ ਫਿਲਮ ਨੇ ਦੁਨੀਆ ਭਰ ‘ਚ ਕਮਾਈ ਦੇ ਮਾਮਲੇ ‘ਚ ਸ਼ਾਹਰੁਖ ਖਾਨ ਦੀ ਜਵਾਨ ਅਤੇ ਐੱਸ.ਐੱਸ. ਰਾਜਾਮੌਲੀ ਦੀ ਫਿਲਮ RRR ਨੂੰ ਪਿੱਛੇ ਛੱਡ ਦਿੱਤਾ ਹੈ।
RRR ਨੇ ਦੋ ਦਿਨਾਂ ਵਿੱਚ ਦੁਨੀਆ ਭਰ ਵਿੱਚ 371.53 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਫਿਲਮ ਜਵਾਨ ਦੀ ਗੱਲ ਕਰੀਏ ਤਾਂ ਇਸ ਨੇ ਦੋ ਦਿਨਾਂ ‘ਚ ਦੁਨੀਆ ਭਰ ‘ਚ 239.47 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ।
ਵਪਾਰ ਮਾਹਰ ਤਰਨ ਆਦਰਸ਼ ਦੇ ਅਨੁਸਾਰ, ਪੁਸ਼ਪਾ 2 ਨੇ ਸ਼ੁੱਕਰਵਾਰ ਨੂੰ ਹਿੰਦੀ ਸੰਸਕਰਣ ਵਿੱਚ 50 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ ਹੈ। ਹਾਲਾਂਕਿ ਇਸ ਮਾਮਲੇ ‘ਚ ਅੱਲੂ ਦੀ ਫਿਲਮ ਸ਼ਾਹਰੁਖ ਦੇ ਜਵਾਨ ਅਤੇ ਰਣਬੀਰ ਕਪੂਰ ਦੀ ਐਨੀਮਲ ਨੂੰ ਪਿੱਛੇ ਨਹੀਂ ਛੱਡ ਸਕੀ। ਫਿਲਮ ਨੇ ਪਹਿਲੇ ਦਿਨ ਹਿੰਦੀ ਸੰਸਕਰਣ ਵਿੱਚ 72 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ।
ਫਿਲਮ ਪੁਸ਼ਪਾ 2 ਦੇ ਓਪਨਿੰਗ ਡੇ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਇਸ ਨੇ ਦੁਨੀਆ ਭਰ ‘ਚ 294 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਇਸ ‘ਚ ਭਾਰਤੀ ਬਾਕਸ ਆਫਿਸ ‘ਤੇ ਫਿਲਮ ਦਾ ਕੁਲੈਕਸ਼ਨ 175.1 ਕਰੋੜ ਰੁਪਏ ਰਿਹਾ। ਪੁਸ਼ਪਾ-2 ਨੇ ਹਿੰਦੀ ਵਰਜ਼ਨ ‘ਚ 72 ਕਰੋੜ ਰੁਪਏ ਕਮਾਏ ਸਨ। ਭਾਰਤੀ ਬਾਕਸ ਆਫਿਸ ‘ਤੇ ਕਲੈਕਸ਼ਨ ਦੇ ਮਾਮਲੇ ‘ਚ ਪੁਸ਼ਪਾ-2 ਨੇ ਐੱਸ.ਐੱਸ. ਰਾਜਾਮੌਲੀ ਦੀ ਫਿਲਮ RRR ਦਾ ਰਿਕਾਰਡ ਤੋੜ ਦਿੱਤਾ ਸੀ। RRR ਨੇ ਭਾਰਤੀ ਬਾਕਸ ਆਫਿਸ ‘ਤੇ 133 ਕਰੋੜ ਰੁਪਏ ਦੀ ਸ਼ੁਰੂਆਤ ਕੀਤੀ ਸੀ।
ਫਿਲਮ ‘ਪੁਸ਼ਪਾ-2’ 5 ਭਾਸ਼ਾਵਾਂ- ਤਾਮਿਲ, ਤੇਲਗੂ, ਮਲਿਆਲਮ, ਕੰਨੜ ਅਤੇ ਹਿੰਦੀ ‘ਚ ਰਿਲੀਜ਼ ਹੋਈ ਹੈ। ਆਲੂ ਅਰਜੁਨ ਇਕ ਵਾਰ ਫਿਰ ਫਿਲਮ ‘ਚ ਪੁਸ਼ਪਰਾਜ ਦੇ ਕਿਰਦਾਰ ‘ਚ ਨਜ਼ਰ ਆਉਣ ਵਾਲੇ ਹਨ। ਰਸ਼ਮਿਕਾ ਮੰਡਾਨਾ ਵੀ ਸ਼੍ਰੀਵੱਲੀ ਦੇ ਅਵਤਾਰ ਵਿੱਚ ਨਜ਼ਰ ਆ ਰਹੀ ਹੈ। ਫਿਲਮ ਦੀ ਕਹਾਣੀ ਜ਼ਬਰਦਸਤ ਹੈ ਅਤੇ ਕਲਾਈਮੈਕਸ ਹੋਰ ਵੀ ਸ਼ਾਨਦਾਰ ਹੈ। ਇਸ ਕਾਰਨ ਦਰਸ਼ਕ ਫਿਲਮ ਨੂੰ ਕਾਫੀ ਪਸੰਦ ਕਰ ਰਹੇ ਹਨ।
