ਚੰਡੀਗੜ੍ਹ, 14 ਦਸੰਬਰ 2024 – ਪੰਜਾਬੀ ਗਾਇਕ ਦਿਲਜੀਤ ਦੁਸਾਂਝ ਦੇ ਦਿਲ-ਲੁਮੀਨਾਤੀ ਟੂਰ ਦਾ 14 ਦਸੰਬਰ ਦਿਨ ਸ਼ਨੀਵਾਰ ਨੂੰ ਚੰਡੀਗੜ੍ਹ ‘ਚ ਇਕ ਸ਼ੋਅ ਹੋਵੇਗਾ। ਇਸ ਨੂੰ ਰੱਦ ਕਰਨ ਲਈ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕੀਤੀ ਗਈ ਸੀ। ਜਿਸ ਦੀ ਸੁਣਵਾਈ ਕਰਦੇ ਹੋਏ ਹਾਈਕੋਰਟ ਨੇ ਸਮਾਰੋਹ ‘ਤੇ 3 ਸ਼ਰਤਾਂ ਲਗਾਈਆਂ ਹਨ।
ਜਿਸ ਵਿੱਚ ਇਹ ਕਿਹਾ ਗਿਆ ਹੈ ਕਿ ਸੰਗੀਤ ਸਮਾਰੋਹ ਰਾਤ 10 ਵਜੇ ਤੱਕ ਹੀ ਹੋਵੇਗਾ। ਪ੍ਰਸ਼ਾਸਨ ਨੂੰ ਸ਼ਹਿਰ ਵਿੱਚ ਸੁਰੱਖਿਆ ਅਤੇ ਟ੍ਰੈਫਿਕ ਪ੍ਰਬੰਧਾਂ ਦਾ ਧਿਆਨ ਰੱਖਣਾ ਹੋਵੇਗਾ। ਇਸ ਤੋਂ ਇਲਾਵਾ ਚੰਡੀਗੜ੍ਹ ਦੇ ਸੈਕਟਰ-34 ਵਿੱਚ ਹੋ ਰਹੇ ਇਸ ਸੰਗੀਤ ਸਮਾਰੋਹ ਵਿੱਚ ਆਵਾਜ਼ 75 ਡੈਸੀਬਲ (ਡੀਬੀ) ਤੋਂ ਉੱਪਰ ਨਹੀਂ ਜਾਣੀ ਚਾਹੀਦੀ।
ਦਿਲਜੀਤ ਦੋਸਾਂਝ ਨੇ ‘ਡੌਨ’ ਗੀਤ ਗਾ ਕੇ ਕੰਸਰਟ ਨੂੰ ਲੈ ਕੇ ਹੋਏ ਵਿਵਾਦ ਦਾ ਜਵਾਬ ਦਿੱਤਾ ਹੈ। ਜਿਸ ਵਿੱਚ ਦਿਲਜੀਤ ਦੇ ਗੀਤ ਦੇ ਬੋਲ- “ਕੁਛ ਵੀ ਨਹੀਂ ਕਹਿ, ਬੜਾ ਕੁਜ ਬੋਲਦੇ ਆ… ਮੈਨੂੰ ਪਰਵਾਹ ਨਹੀਂ, ਦੁਨੀਆ ਕੀ ਬੋਲਦੇ ਆ…” ਹਨ। ਚੰਡੀਗੜ੍ਹ ਤੋਂ ਪਹਿਲਾਂ ਤੇਲੰਗਾਨਾ ‘ਚ ਵੀ ਦਿਲਜੀਤ ਦੇ ਟੂਰ ਦੌਰਾਨ ਕੰਸਰਟ ‘ਚ ‘ਪੰਜ ਤਾਰਾ’ ਵਰਗੇ ਸ਼ਰਾਬ ਨਾਲ ਸਬੰਧਤ ਗੀਤ ਗਾਉਣ ‘ਤੇ ਵਿਵਾਦ ਖੜ੍ਹਾ ਹੋ ਗਿਆ ਸੀ।
