ਮੁੰਬਈ, 7 ਜੁਲਾਈ 2024 – ਰਕੁਲ ਪ੍ਰੀਤ ਸਿੰਘ ਦਾ ਨਾਂ ਬਾਲੀਵੁਡ ਦੀਆਂ ਗਲੈਮਰਸ ਅਭਿਨੇਤਰੀਆਂ ‘ਚ ਗਿਣਿਆ ਜਾਂਦਾ ਹੈ। ਉਸਨੇ 2017 ਵਿੱਚ ਦਿੱਤੇ ਇੱਕ ਇੰਟਰਵਿਊ ਵਿੱਚ ਇੰਟੀਮੇਟ ਸੀਨਜ਼ ਬਾਰੇ ਗੱਲ ਕੀਤੀ ਸੀ। ਉਸਨੇ ਕਿਹਾ ਸੀ ਕਿ ਉਸਨੂੰ ਇੰਟੀਮੇਟ ਸੀਨ ਕਰਨ ਵਿੱਚ ਕੋਈ ਝਿਜਕ ਨਹੀਂ ਹੈ। ਰਕੁਲ ਨੇ ਕਿਹਾ- ਸੀਨ ਦੀ ਮੰਗ ਮੁਤਾਬਕ ਮੈਂ ਇੰਟੀਮੇਟ ਸੀਨ ਜਾਂ ਲਿਪ-ਲਾਕ ਕਰਨ ਲਈ ਤਿਆਰ ਹਾਂ। ਪਰ ਪ੍ਰਚਾਰ ਦੀ ਖ਼ਾਤਰ ਫ਼ਿਲਮ ਵਿਚ ਅਜਿਹੇ ਦ੍ਰਿਸ਼ ਜ਼ਬਰਦਸਤੀ ਸ਼ਾਮਲ ਨਹੀਂ ਕੀਤੇ ਜਾਣੇ ਚਾਹੀਦੇ। ਨਿਊਜ਼ 18 ਦੀ ਰਿਪੋਰਟ ਮੁਤਾਬਕ ਅਦਾਕਾਰਾ ਨੇ ਕਿਹਾ ਕਿ ਗਲੈਮਰ ਫਿਲਮ ਇੰਡਸਟਰੀ ਦਾ ਜ਼ਰੂਰੀ ਹਿੱਸਾ ਹੈ, ਹਰ ਕੋਈ ਆਪਣੀ ਪਸੰਦੀਦਾ ਅਦਾਕਾਰਾ ਨੂੰ ਗਲੈਮਰਸ ਕੱਪੜਿਆਂ ‘ਚ ਦੇਖਣਾ ਚਾਹੁੰਦਾ ਹੈ।
ਰਕੁਲ ਜਲਦ ਹੀ ਫਿਲਮ ‘ਇੰਡੀਅਨ 2’ ‘ਚ ਨਜ਼ਰ ਆਵੇਗੀ। ਇਹ ਫਿਲਮ 12 ਜੁਲਾਈ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਫਿਲਮ ‘ਚ ਕਮਲ ਹਾਸਨ ਮੁੱਖ ਭੂਮਿਕਾ ‘ਚ ਨਜ਼ਰ ਆਉਣਗੇ। ਉਨ੍ਹਾਂ ਤੋਂ ਇਲਾਵਾ ਪ੍ਰਿਆ ਭਵਾਨੀ ਸ਼ੰਕਰ, ਕਾਜਲ ਅਗਰਵਾਲ, ਬੌਬੀ ਸਿਮਹਾ, ਸਿਧਾਰਥ, ਸਮੂਥਿਰਕਾਨੀ ਅਤੇ ਬ੍ਰਹਮਾਨੰਦਮ ਵੀ ਇਸ ਫਿਲਮ ਦਾ ਹਿੱਸਾ ਹੋਣਗੇ।
ਇਸ ਫਿਲਮ ਦਾ ਪਹਿਲਾ ਭਾਗ ਸਾਲ 1996 ਵਿੱਚ ਰਿਲੀਜ਼ ਹੋਇਆ ਸੀ ਅਤੇ ਹੁਣ ਇਸ ਦਾ ਦੂਜਾ ਭਾਗ 28 ਸਾਲਾਂ ਬਾਅਦ ਰਿਲੀਜ਼ ਹੋ ਰਿਹਾ ਹੈ। ਇਸ ਤੋਂ ਇਲਾਵਾ ਰਕੁਲ ਫਿਲਮ ‘ਦੇ ਦੇ ਪਿਆਰ ਦੇ’ ਦੇ ਸੀਕਵਲ ‘ਚ ਵੀ ਨਜ਼ਰ ਆਵੇਗੀ। ਇਸ ਫਿਲਮ ‘ਚ ਉਸ ਦੇ ਨਾਲ ਅਜੇ ਦੇਵਗਨ ਅਤੇ ਆਰ ਮਾਧਵਨ ਹੋਣਗੇ।
ਦੱਸ ਦੇਈਏ ਕਿ ਰਕੁਲ ਪ੍ਰੀਤ ਨੇ ਸਾਲ 2009 ‘ਚ ਕੰਨੜ ਫਿਲਮ ‘ਗਿੱਲੀ’ ਨਾਲ ਇੰਡਸਟਰੀ ‘ਚ ਐਂਟਰੀ ਕੀਤੀ ਸੀ। ਉਸਨੇ ਹਿੰਦੀ, ਤੇਲਗੂ ਅਤੇ ਤਾਮਿਲ ਸਾਰੀਆਂ ਫਿਲਮਾਂ ਵਿੱਚ ਕੰਮ ਕੀਤਾ ਹੈ।
