ਹੈਦਰਾਬਾਦ 16 ਅਪ੍ਰੈਲ 2024 – ਤੇਲੰਗਾਨਾ ਦੇ ਹੈਦਰਾਬਾਦ ‘ਚ ਇਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਦੋ ਕਰੋੜ ਰੁਪਏ ਦੀ ਸਪੋਰਟਸ ਕਾਰ ਨੂੰ ਅੱਗ ਲਗਾ ਦਿੱਤੀ ਗਈ। ਜਾਣਕਾਰੀ ਮੁਤਾਬਕ ਇਹ ਘਟਨਾ ਤਿੰਨ ਦਿਨ ਪਹਿਲਾਂ ਹੈਦਰਾਬਾਦ ਦੇ ਪਹਾੜਸ਼ਰੀਫ ਥਾਣਾ ਖੇਤਰ ਦੀ ਹੈ। ਨਰਸਿੰਘੀ ਕਾਰੋਬਾਰੀ ਨੀਰਜ ਕੋਲ 2 ਕਰੋੜ ਰੁਪਏ ਦੀ ਲੈਂਬੋਰਗਿਨੀ ਗੈਲਾਰਡੋ ਸਾਈਪਡਰ ਸਪੋਰਟਸ ਕਾਰ ਸੀ। ਨੀਰਜ ਆਪਣੀ ਗੈਲਾਰਡੋ ਸਾਈਪਡਰ ਵੇਚਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਪੁਲਸ ਨੇ ਸੈਕਿੰਡ ਹੈਂਡ ਕਾਰ ਵੇਚਣ ਵਾਲੇ ਨੀਰਜ ਦੀ ਸ਼ਿਕਾਇਤ ਦੇ ਆਧਾਰ ‘ਤੇ ਮਾਮਲਾ ਦਰਜ ਕਰ ਲਿਆ ਹੈ। ਪੁਲਸ ਨੇ ਦੋਸ਼ੀ ਦੀ ਪਛਾਣ ਅਹਿਮਦ ਵਜੋਂ ਕੀਤੀ ਹੈ। ਜਿਸ ਲੈਂਬੋਰਗਿਨੀ ਗੈਲਾਰਡੋ ਨੂੰ ਅੱਗ ਲਗਾਈ ਗਈ ਸੀ, ਉਹ ਪੀੜਤ ਦੇ ਨਾਮ ‘ਤੇ ਰਜਿਸਟਰਡ ਹੈ, ਜਿਸ ਨੇ ਅਸਲ ਮਾਲਕ ਤੋਂ ਗੱਡੀ ਖਰੀਦੀ ਸੀ।
ਜਾਣਕਾਰੀ ਮੁਤਾਬਕ ਪੀੜਤ ਅਤੇ ਦੋਸ਼ੀ ਦੋਵੇਂ ਆਪਣੇ ਝਗੜੇ ਨੂੰ ਲੈ ਕੇ ਬੀਤੇ ਸ਼ਨੀਵਾਰ ਨੂੰ ਮਿਲੇ ਸਨ। ਇਸ ਤੋਂ ਬਾਅਦ ਦੋਵਾਂ ਵਿਚਾਲੇ ਬਹਿਸ ਹੋ ਗਈ। ਤਕਰਾਰ ਇੰਨੀ ਵਧ ਗਈ ਕਿ ਦੋਸ਼ੀ ਅਹਿਮਦ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਨੀਰਜ ਦੀ ਲੈਂਬੋਰਗਿਨੀ ਗੈਲਾਰਡੋ ਨੂੰ ਅੱਗ ਲਗਾ ਦਿੱਤੀ। ਹਾਲਾਂਕਿ ਸੂਚਨਾ ਮਿਲਣ ‘ਤੇ ਮੌਕੇ ‘ਤੇ ਪਹੁੰਚੇ ਫਾਇਰ ਬ੍ਰਿਗੇਡ ਦੇ ਕਰਮਚਾਰੀਆਂ ਨੇ ਅੱਗ ‘ਤੇ ਕਾਬੂ ਪਾ ਲਿਆ ਪਰ ਉਦੋਂ ਤੱਕ ਕਾਰ ਪੂਰੀ ਤਰ੍ਹਾਂ ਸੜ ਚੁੱਕੀ ਸੀ
ਭਾਰਤ ਵਿੱਚ Lamborghini Gallardo ਦੀ ਵਿਕਰੀ ਬੰਦ ਹੋਈਂ:
ਤੁਹਾਡੀ ਜਾਣਕਾਰੀ ਲਈ, ਤੁਹਾਨੂੰ ਦੱਸ ਦੇਈਏ ਕਿ ਲੈਂਬੋਰਗਿਨੀ ਗੈਲਾਰਡੋ ਨੂੰ ਭਾਰਤੀ ਬਾਜ਼ਾਰ ਵਿੱਚ ਪਹਿਲੀ ਵਾਰ ਸਾਲ 2005 ਵਿੱਚ ਲਾਂਚ ਕੀਤਾ ਗਿਆ ਸੀ। ਕਰੀਬ 10 ਸਾਲ ਤੱਕ ਬਾਜ਼ਾਰ ‘ਚ ਰਹਿਣ ਤੋਂ ਬਾਅਦ ਸਾਲ 2014 ‘ਚ ਇਸ ਦੀ ਵਿਕਰੀ ਬੰਦ ਕਰ ਦਿੱਤੀ ਗਈ ਸੀ। ਇਹ ਕਾਰ ਕੁੱਲ ਪੰਜ ਵੇਰੀਐਂਟ ‘ਚ ਵੇਚੀ ਜਾ ਰਹੀ ਸੀ।
ਲੈਂਬੋਰਗਿਨੀ ਗੈਲਾਰਡੋ ਕੀਮਤ: ਜਿਸ ਸਮੇਂ ਦੌਰਾਨ ਇਹ ਕਾਰ ਭਾਰਤ ਵਿੱਚ ਵਿਕਰੀ ਲਈ ਉਪਲਬਧ ਸੀ, ਲੈਂਬੋਰਗਿਨੀ ਗੈਲਾਰਡੋ ਨੂੰ 2.11 ਕਰੋੜ ਰੁਪਏ ਦੀ ਸ਼ੁਰੂਆਤੀ ਕੀਮਤ ‘ਤੇ ਵੇਚਿਆ ਜਾ ਰਿਹਾ ਸੀ, ਜਦਕਿ ਇਸ ਦਾ ਟਾਪ ਸਪੈਕ ਵੇਰੀਐਂਟ 3.17 ਕਰੋੜ ਰੁਪਏ ਵਿੱਚ ਵੇਚਿਆ ਜਾ ਰਿਹਾ ਸੀ। ਇਹ ਕਾਰ LP 560-4 Coupe, Spyder, LP 560-4, India Ltd Edition LP 550-2 ਅਤੇ LP 570-4 EdizioneTecnica ਵੇਰੀਐਂਟ ਵਿੱਚ ਉਪਲਬਧ ਸੀ।
ਲੈਂਬੋਰਗਿਨੀ ਗੈਲਾਰਡੋ ਦਾ ਇੰਜਣ ਅਤੇ ਪਾਵਰ: ਕੰਪਨੀ Lamborghini ਦੀ ਸੁਪਰ ਕਾਰ Gallardo ਨੂੰ ਸਿਰਫ ਇੱਕ ਇੰਜਣ ਵਿਕਲਪ ਦੇ ਨਾਲ ਮਾਰਕੀਟ ਵਿੱਚ ਵੇਚ ਰਹੀ ਸੀ। ਇਸ ਸਪੋਰਟਸ ਕਾਰ ਵਿੱਚ 5.2-ਲੀਟਰ, 10-ਸਿਲੰਡਰ, V-ਟਾਈਪ ਇੰਜਣ ਲਗਾਇਆ ਗਿਆ ਸੀ, ਜੋ 560 bhp ਦੀ ਪਾਵਰ ਅਤੇ 540 ਨਿਊਟਨ ਮੀਟਰ ਦਾ ਟਾਰਕ ਪ੍ਰਦਾਨ ਕਰਦਾ ਹੈ। ਇਸ ਇੰਜਣ ਦੇ ਨਾਲ ਇੱਕ 6-ਸਪੀਡ ਆਟੋਮੈਟਿਕ ਗਿਅਰਬਾਕਸ ਜੋੜਿਆ ਗਿਆ ਸੀ ਅਤੇ ਇਹ ਕਾਰ AWD, 4WD/AWD ਅਤੇ RWD ਵਿਸ਼ੇਸ਼ਤਾਵਾਂ ਦੇ ਨਾਲ ਆਉਂਦੀ ਹੈ।
