- ਤਕਨੀਕੀ ਰੱਖ-ਰਖਾਅ ਕਾਰਨ ਪਾਸਪੋਰਟ ਸੇਵਾ ਪੋਰਟਲ 29 ਅਗਸਤ ਤੋਂ 2 ਸਤੰਬਰ ਤੱਕ ਰਹੇਗਾ ਬੰਦ
ਨਵੀਂ ਦਿੱਲੀ, 29 ਅਗਸਤ 2024 – ਦੇਸ਼ ਭਰ ਵਿੱਚ ਪਾਸਪੋਰਟ ਸੇਵਾਵਾਂ 5 ਦਿਨਾਂ ਲਈ ਬੰਦ ਰਹਿਣਗੀਆਂ। ਪਾਸਪੋਰਟ ਵਿਭਾਗ ਨੇ ਐਡਵਾਈਜ਼ਰੀ ਜਾਰੀ ਕਰਕੇ ਇਹ ਜਾਣਕਾਰੀ ਦਿੱਤੀ ਹੈ। ਵਿਭਾਗ ਨੇ ਕਿਹਾ ਕਿ ਪਾਸਪੋਰਟ ਸੇਵਾ ਪੋਰਟਲ ਤਕਨੀਕੀ ਰੱਖ-ਰਖਾਅ ਕਾਰਨ 29 ਅਗਸਤ ਸ਼ਾਮ 8 ਵਜੇ ਤੋਂ 2 ਸਤੰਬਰ ਦੀ ਸਵੇਰ ਤੱਕ ਬੰਦ ਰਹੇਗਾ।
ਯਾਨੀ ਹੁਣ ਨਵਾਂ ਪਾਸਪੋਰਟ ਲੈਣ ਲਈ ਤੁਹਾਨੂੰ 5 ਦਿਨ ਦਾ ਇੰਤਜ਼ਾਰ ਕਰਨਾ ਹੋਵੇਗਾ। ਇਸ ਦੇ ਨਾਲ ਹੀ, ਜੇਕਰ ਤੁਸੀਂ ਪਹਿਲਾਂ ਹੀ ਨਵੇਂ ਪਾਸਪੋਰਟ ਲਈ ਅਰਜ਼ੀ ਦਿੱਤੀ ਹੈ ਅਤੇ ਤੁਹਾਨੂੰ ਇਸ ਲਈ 30 ਅਗਸਤ ਤੋਂ 2 ਸਤੰਬਰ ਦੇ ਵਿਚਕਾਰ ਦੀ ਮਿਤੀ ਮਿਲੀ ਹੈ, ਤਾਂ ਉਸ ਨੂੰ ਵੀ ਰੱਦ ਕਰ ਦਿੱਤਾ ਜਾਵੇਗਾ ਅਤੇ ਅੱਗੇ ਵਧਾਇਆ ਜਾਵੇਗਾ।
ਪਾਸਪੋਰਟ ਵਿਭਾਗ ਨੇ ਐਡਵਾਈਜ਼ਰੀ ਵਿੱਚ ਕਿਹਾ ਕਿ ਇਹ ਪ੍ਰਣਾਲੀ ਨਾਗਰਿਕਾਂ ਅਤੇ ਸਾਰੇ MEA/RPO/BOI/ISP/DOP/ਪੁਲਿਸ ਅਧਿਕਾਰੀਆਂ ਲਈ ਇਨ੍ਹਾਂ ਪੰਜ ਦਿਨਾਂ ਦੌਰਾਨ ਉਪਲਬਧ ਨਹੀਂ ਹੋਵੇਗੀ ਅਤੇ ਪੰਜ ਦਿਨਾਂ ਤੱਕ ਵਿਭਾਗ ਦਾ ਕੋਈ ਕੰਮ ਨਹੀਂ ਹੋਵੇਗਾ। ਸੇਵਾਵਾਂ ਬੰਦ ਹੋਣ ਦਾ ਅਸਰ ਪਾਸਪੋਰਟ ਸੇਵਾ ਕੇਂਦਰ ਦੇ ਨਾਲ-ਨਾਲ ਸਥਾਨਕ ਪਾਸਪੋਰਟ ਦਫ਼ਤਰ ਅਤੇ ਵਿਦੇਸ਼ ਮੰਤਰਾਲੇ ‘ਚ ਵੀ ਦੇਖਣ ਨੂੰ ਮਿਲੇਗਾ।
ਭਾਰਤ ਵਿੱਚ ਪਾਸਪੋਰਟਾਂ ਦੀਆਂ ਤਿੰਨ ਕਿੰਨੀਆਂ ਕਿਸਮਾਂ ਹਨ: ਭਾਰਤ ਵਿੱਚ ਤਿੰਨ ਕਿਸਮਾਂ ਦੇ ਪਾਸਪੋਰਟ ਹਨ – ਬਲੂਕਵਰ ਪਾਸਪੋਰਟ, ਮਾਰੂਨ ਕਵਰ ਪਾਸਪੋਰਟ ਅਤੇ ਗ੍ਰੇਕਵਰ ਪਾਸਪੋਰਟ।
ਬਲੂਕਵਰ ਪਾਸਪੋਰਟ: ਇਹ ਇੱਕ ਆਮ ਪਾਸਪੋਰਟ ਹੈ। ਇਹ ਕਿਸੇ ਵੀ ਭਾਰਤੀ ਨਾਗਰਿਕ ਨੂੰ ਜਾਰੀ ਕੀਤਾ ਜਾਂਦਾ ਹੈ।
ਮਾਰੂਨ ਕਵਰ ਪਾਸਪੋਰਟ: ਇਹ ਇੱਕ ਡਿਪਲੋਮੈਟਿਕ ਪਾਸਪੋਰਟ ਹੈ। ਇਹ ਅਧਿਕਾਰਤ ਡਿਪਲੋਮੈਟਾਂ ਅਤੇ ਸਰਕਾਰੀ ਅਹੁਦੇ ਰੱਖਣ ਵਾਲੇ ਮੈਂਬਰਾਂ ਲਈ ਭਾਰਤ ਸਰਕਾਰ ਦੁਆਰਾ ਜਾਰੀ ਕੀਤਾ ਜਾਂਦਾ ਹੈ।
ਗ੍ਰੇਕਵਰ ਪਾਸਪੋਰਟ: ਇਹ ਇੱਕ ਅਧਿਕਾਰਤ ਪਾਸਪੋਰਟ ਹੈ। ਇਹ ਵਿਦੇਸ਼ਾਂ ਵਿੱਚ ਕੰਮ ਕਰਨ ਵਾਲੇ ਸਰਕਾਰੀ ਕਰਮਚਾਰੀਆਂ ਅਤੇ ਸਰਕਾਰੀ ਅਸਾਈਨਮੈਂਟ ‘ਤੇ ਸਰਕਾਰ ਦੁਆਰਾ ਵਿਸ਼ੇਸ਼ ਤੌਰ ‘ਤੇ ਅਧਿਕਾਰਤ ਕਿਸੇ ਹੋਰ ਵਿਅਕਤੀ ਨੂੰ ਜਾਰੀ ਕੀਤਾ ਜਾਂਦਾ ਹੈ।
