- BSF ਦੇ ਜਵਾਨਾਂ ਨੇ ਜ਼ਮੀਨ ‘ਚੋਂ ਖੋਦਾਈ ਕਰਕੇ ਕੱਢੇ ਬਾਹਰ
- ਬੈਟਰੀ ਦੇ ਅੰਦਰ ਲੁਕੇ ਹੋਏ ਸਨ
ਗੁਰਦਾਸਪੁਰ, 30 ਅਗਸਤ 2023 – ਪੰਜਾਬ ਦੇ ਗੁਰਦਾਸਪੁਰ ‘ਚ ਕਮਾਲਪੁਰ ਜੱਟਾਂ ਚੌਕੀ ਨੇੜੇ ਤਲਾਸ਼ੀ ਮੁਹਿੰਮ ਦੌਰਾਨ ਬੀ.ਐੱਸ.ਐੱਫ. ਦੇ ਜਵਾਨਾਂ ਨੇ ਜ਼ਮੀਨ ‘ਚ ਹੇਠਾਂ ਦੱਬ ਕੇ ਬੈਟਰੀ ਦੇ ਇੱਕ ਖੋਲ ‘ਚ ਲੁਕੋਈ ਹੋਈ ਹੈਰੋਇਨ ਦੇ 6 ਪੈਕੇਟ ਬਰਾਮਦ ਕੀਤੇ ਹਨ।
ਜਾਣਕਾਰੀ ਅਨੁਸਾਰ ਬੀਐਸਐਫ ਜਵਾਨਾਂ ਨੂੰ ਸੂਚਨਾ ਮਿਲੀ ਸੀ ਕਿ ਤਸਕਰਾਂ ਨੇ ਇਲਾਕੇ ਵਿੱਚ ਜ਼ਮੀਨ ਵਿੱਚ ਨਸ਼ਾ ਛੁਪਾ ਕੇ ਰੱਖਿਆ ਹੋਇਆ ਹੈ। ਬੀ.ਐੱਸ.ਐੱਫ. ਦੇ ਜਵਾਨਾਂ ਵੱਲੋਂ ਪਿੰਡ-ਦੋਸਤਪੁਰ ਨੇੜੇ ਸਰਹੱਦੀ ਖੇਤਰ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ ਗਈ। ਇਸ ਤਲਾਸ਼ੀ ਅਭਿਆਨ ਦੌਰਾਨ ਬੀ.ਐਸ.ਐਫ ਦੀ 89 ਬਟਾਲੀਅਨ ਦੇ ਜਵਾਨਾਂ ਨੇ ਬੀਪੀ ਨੰਬਰ 30/5 ਨੇੜੇ 6 ਪੈਕਟ ਹੈਰੋਇਨ ਅਤੇ ਕਰੀਬ 70 ਗ੍ਰਾਮ ਅਫੀਮ ਬਰਾਮਦ ਕੀਤੀ ਹੈ। ਨਸ਼ੀਲੇ ਪਦਾਰਥਾਂ ਨੂੰ 12 ਵੋਲਟ ਦੀ ਬੈਟਰੀ ਦੇ ਅੰਦਰ ਰੱਖ ਕੇ ਜ਼ਮੀਨ ਦੇ ਹੇਠਾਂ ਲੁਕੋਇਆ ਗਿਆ ਸੀ।
