ਅੰਮ੍ਰਿਤਸਰ, 3 ਦਸੰਬਰ 2023 – ਅੰਮ੍ਰਿਤਸਰ ‘ਚ ਡਾਕਟਰ ਤਰੁਣ ਬੇਰੀ ਤੋਂ ਖੋਹੀ ਗਈ ਔਡੀ ਕਾਰ ਬਰਾਮਦ ਕਰਨ ਤੋਂ ਬਾਅਦ ਪੁਲਸ ਖੁਦ ਉਸ ਦੇ ਘਰ ਪਹੁੰਚੀ ਅਤੇ ਕਾਰ ਉਸ ਨੂੰ ਸੌਂਪ ਦਿੱਤੀ। ਡਾ: ਤਰੁਣ ਬੇਰੀ ਨੇ ਪੁਲਿਸ ਦੇ ਕੰਮ ਦੀ ਸ਼ਲਾਘਾ ਕਰਦਿਆਂ ਧੰਨਵਾਦ ਕੀਤਾ |
25 ਨਵੰਬਰ ਨੂੰ ਡਾਕਟਰ ਕੇਡੀ ਦੇ ਘਰ ਦੇ ਬਾਹਰੋਂ ਡਾਕਟਰ ਤਰੁਣ ਬੇਰੀ ਦੀ ਕਾਰ ਖੋਹ ਲਈ ਗਈ ਸੀ। ਡਾ: ਬੇਰੀ ਡਾ: ਕੇਡੀ ਦੀ ਪਤਨੀ ਨੂੰ ਛੱਡਣ ਲਈ ਉਨ੍ਹਾਂ ਦੇ ਘਰ ਜਾ ਰਿਹਾ ਸੀ, ਜਿੱਥੇ ਅੱਧੀ ਰਾਤ ਨੂੰ ਉਸ ਤੋਂ ਬੰਦੂਕ ਦੀ ਨੋਕ ‘ਤੇ ਕਾਰ ਖੋਹ ਕੇ ਚੋਰ ਫਰਾਰ ਹੋ ਗਏ।
ਮਾਮਲੇ ਦੀ ਸੰਵੇਦਨਸ਼ੀਲਤਾ ਨੂੰ ਦੇਖਦੇ ਹੋਏ ਪੁਲਿਸ ਕਮਿਸ਼ਨਰ ਗੁਰਪ੍ਰੀਤ ਸਿੰਘ ਭੁੱਲਰ ਦੀਆਂ ਹਦਾਇਤਾਂ ‘ਤੇ ਏਡੀਸੀਪੀ 3 ਅਭਿਮਨਿਊ ਰਾਣਾ, ਏਸੀਪੀ ਨਾਰਥ ਵਰਿੰਦਰ ਖੋਸਾ, ਮਜੀਠਾ ਰੋਡ ਥਾਣੇ ਦੇ ਮੁੱਖ ਅਫ਼ਸਰ ਅਤੇ ਸੀਆਈਏ ਸਟਾਫ਼ ਦੀਆਂ ਵੱਖ-ਵੱਖ ਟੀਮਾਂ ਦਾ ਗਠਨ ਕੀਤਾ ਗਿਆ। ਪੁਲੀਸ ਪਾਰਟੀ ਵੱਲੋਂ ਗਠਿਤ ਟੀਮਾਂ ਚੋਰਾਂ ਦਾ ਪਿੱਛਾ ਕਰਦੀ ਹੋਈ ਮੁਹਾਲੀ ਪਹੁੰਚ ਗਈ।
ਜਿੱਥੋਂ ਕਾਰ ਅਤੇ ਚੋਰ ਦੋਵੇਂ ਬਰਾਮਦ ਕਰ ਲਏ ਗਏ। ਪੁਲਿਸ ਵੱਲੋਂ ਕਾਰ ਖੋਹਣ ਵਾਲੇ ਰਾਜਨਪ੍ਰੀਤ ਸਿੰਘ ਵਾਸੀ ਤਲਵੰਡੀ ਖੁੰਮਣ, ਥਾਣਾ ਕੱਥੂਨੰਗਲ ਨੂੰ ਕਾਰ ਸਮੇਤ ਕਾਬੂ ਕਰ ਲਿਆ ਗਿਆ, ਜਦੋਂਕਿ ਪਹਿਚਾਣ ਹੋਏ ਬਾਕੀ ਦੋ ਚੋਰ ਫਰਾਰ ਹੋ ਗਏ।
ਪੁਲਸ ਕਮਿਸ਼ਨਰ ਗੁਰਪ੍ਰੀਤ ਸਿੰਘ ਭੁੱਲਰ ਸ਼ਨੀਵਾਰ ਸ਼ਾਮ ਖੁਦ ਆਪਣੀ ਟੀਮ ਸਮੇਤ ਬਰਾਮਦ ਹੋਈ ਔਡੀ ਕਾਰ ਸਮੇਤ ਪਹੁੰਚੇ ਅਤੇ ਕਾਰ ਮਾਲਕ ਨੂੰ ਸੌਂਪ ਦਿੱਤੀ।
ਕਾਰ ਹਵਾਲੇ ਕਰਨ ਆਈ ਪੁਲੀਸ ਟੀਮ ਦਾ ਪੁਲੀਸ ਵੱਲੋਂ ਧੰਨਵਾਦ ਕੀਤਾ ਗਿਆ। ਉਸ ਨੇ ਦੱਸਿਆ ਕਿ ਘਟਨਾ ਦੇ ਸਮੇਂ ਉਸ ਨੇ ਸਿਰਫ 100 ਨੰਬਰ ‘ਤੇ ਕਾਲ ਕੀਤੀ ਸੀ ਅਤੇ ਉਸੇ ਸਮੇਂ ਨਜ਼ਦੀਕੀ ਪੁਲਸ ਉਸ ਕੋਲ ਪਹੁੰਚ ਗਈ ਅਤੇ 24 ਘੰਟਿਆਂ ਦੇ ਅੰਦਰ ਕਾਰ ਨੂੰ ਬਰਾਮਦ ਕਰ ਲਿਆ ਗਿਆ।
