ਗੁਰਦਾਸਪੁਰ, 2 ਦਸੰਬਰ 2022 – ਗੁਰਦਾਸਪੁਰ ਦੇ ਕਸਬਾ ਕਲਾਨੋਰ ਦੇ ਪਿੰਡ ਵਡਾਲਾ ਬਾਂਗਰ ਨੇੜੇ 25 ਤੋਂ 30 ਔਰਤਾਂ ਨਾਲ ਭਰਿਆ ਆਟੋ ਆਪਣਾ ਸੰਤੁਲਨ ਵਿਗੜਨ ਦੇ ਕਾਰਨ ਪਲਟ ਗਿਆ। ਜਿਸ ਵਿਚ ਡਰਾਈਵਰ ਸਮੇਤ 20 ਤੋਂ 25 ਔਰਤਾਂ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਈਆਂ। ਜਿਨ੍ਹਾਂ ਨੂੰ ਇਲਾਜ ਲਈ ਗੁਰਦਾਸਪੁਰ ਦੇ ਸਿਵਲ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ।
ਸਿਵਲ ਹਸਪਤਾਲ ਗੁਰਦਾਸਪੁਰ ਪਹੁੰਚੇ ਜ਼ਖਮੀ ਅਤੇ ਉਨ੍ਹਾਂ ਦੇ ਰਿਸ਼ਤੇਦਾਰਾਂ ਨੇ ਦੱਸਿਆ ਕਿ ਇਹ ਸਾਰੀਆਂ ਔਰਤਾਂ ਪਿੰਡ ਖੁਸ਼ੀਪੁਰ ਦੀਆਂ ਵਸਨੀਕ ਹਨ ਜੋ ਦਿਹਾੜੀ ਟੱਪਾ ਕਰਦੀਆਂ ਹਨ ਅਤੇ ਅੱਜ ਵੀ ਉਹ ਦਿਹਾੜੀ ਟਪਾ ਕਰਨ ਦੇ ਲਈ ਪਿੰਡ ਪਗੋਵਾਲ ਜਾ ਰਹੀਆ ਸਨ ਤਾਂ ਇਹਨਾਂ ਦਾ ਆਟੋ ਵਡਾਲਾ ਬਾਂਗਰ ਨੇੜੇ ਪਹੁੰਚਿਆ ਤਾਂ ਆਪਣਾ ਸੰਤੁਲਨ ਵਿਗੜਨ ਕਾਰਨ ਪਲਟ ਗਿਆ।
