ਤਰਨਤਾਰਨ, 29 ਅਕਤੂਬਰ 2023 – ਤਰਨਤਾਰਨ ਨੇੜੇ ਪਿੰਡ ਮੋਹਨਪੁਰ ਕੋਲ ਵਿਆਹ ਵੇਖਣ ਲਈ ਇਕ ਕਾਰ ਸਵਾਰ ਨੂੰ ਸਾਹਮਣੇ ਪਾਸੇ ਤੇਜ ਰਫਤਾਰ ਨਾਲ ਪਰਾਲੀ ਢੋਆ ਢੁਆਈ ਕਰਨ ਵਾਲੇ ਟਰਾਲੇ ਨੇ ਟੱਕਰ ਮਾਰ ਦਿੱਤੀ ਸੀ। ਇਸ ਹਾਦਸੇ ‘ਚ ਕਾਰ ਸਵਾਰ ਪਤੀ ਅਤੇ ਪਤਨੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਜਦੋਂ ਕਿ ਬੱਚੀ ਜ਼ਖਮੀ ਹੋ ਗਈ ਹੈ।
ਦੂਜੇ ਪਾਸੇ ਥਾਣਾ ਸ੍ਰੀ ਚੋਹਲਾ ਸਾਹਿਬ ਪੁਲਿਸ ਨੇ ਮੌਕੇ ਆ ਕੇ ਲਾਸ਼ਾਂ ਆਪਣੇ ਕਬਜ਼ੇ ਵਿਚ ਲੈ ਕੇ ਪੋਸਟਮਾਰਟਮ ਕਰਵਾਉਣ ਲਈ ਤਰਨਤਾਰਨ ਸਿਵਲ ਹਸਪਤਾਲ ਭੇਜ ਦਿਤੀਆ ਅਤੇ ਟਰਾਲੇ ਵਾਲੇ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ।
ਅੱਜ ਸਵੇਰੇ ਆਪਣਾ ਰਿਸ਼ਤੇਦਾਰ ਦੇ ਵਿਆਹ ਵੇਖਣ ਲਈ ਆਪਣੇ ਪ੍ਰਵਾਰ ਸਮੇਤ ਪਿੰਡ ਜੰਡ ਤੋ ਅਮਨਦੀਪ ਸਿੰਘ ਆਪਣੀ ਆਲਟੋ ਕਾਰ ਸਵਾਰ ਹੋ ਕੇ ਆ ਰਹੇ ਸਨ ।
ਰਸਤਾ ਵਿਚ ਪਿੰਡ ਮੋਹਨਪੁਰ ਕੋਲ ਪੁਜੇ ਤਾ ਸਾਹਮਣੇ ਪਾਸੇ ਤੇਜ ਰਫਤਾਰ ਨਾਲ ਪਰਾਲੀ ਢੋਆ ਢੁਆਈ ਵਾਲੇ ਟਰਾਲਾ ਕਾਰ ਨਾਲ ਟਕਰਾਉਣ ਨਾਲ ਮੌਕੇ ਤੇ ਪਤੀ ਅਮਨਦੀਪ ਸਿੰਘ ਅਤੇ ਉਸ ਦੀ ਪਤਨੀ ਕਿਰਨਬੀਰ ਕੌਰ ਦੀ ਮੌਕੇ ਤੇ ਮੌਤ ਹੋਈ ਅਤੇ ਇਕ ਛੋਟੀ ਬੱਚੀ ਜਖਮੀ ਹੋਈ ਹੈ।
