- ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਸੀ ਵੀਡੀਓ
- ਬੱਚਾ ਕਹਿ ਰਿਹਾ ਸੀ ਉਸਦਾ ਘਰ ਹਰਿਮੰਦਰ ਸਾਹਿਬ ਦੇ ਨੇੜੇ ਹੈ
- ਮਾਪਿਆਂ ਦੇ ਪਹੁੰਚਣ ਤੋਂ ਬਾਅਦ ਜਾਂਚ ਕਰਕੇ ਹੀ ਬੱਚਾ ਉਨ੍ਹਾਂ ਨੂੰ ਜਾਵੇਗਾ ਸੌਂਪਿਆ
ਅੰਮ੍ਰਿਤਸਰ, 9 ਦਸੰਬਰ 2023 – ਅੰਮ੍ਰਿਤਸਰ ‘ਚ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਬੱਚਾ ਦਿੱਲੀ ਦਾ ਰਹਿਣ ਵਾਲਾ ਨਿਕਲਿਆ। ਇਹ 7 ਸਾਲ ਦਾ ਬੱਚਾ ਟ੍ਰੇਨ ਰਾਹੀਂ ਉੱਤਰ ਪ੍ਰਦੇਸ਼ ਦੇ ਜਾਲੌਨ ਪਹੁੰਚਿਆ ਸੀ। ਇਸ ਤੋਂ ਬਾਅਦ ਉਹ ਦੱਸਣ ਲੱਗਾ ਕਿ ਉਸ ਦਾ ਘਰ ਅੰਮ੍ਰਿਤਸਰ ਵਿਚ ਹਰਿਮੰਦਰ ਸਾਹਿਬ ਦੇ ਕੋਲ ਹੈ। ਹਾਲਾਂਕਿ, ਇੱਥੇ ਉਸਦਾ ਘਰ ਨਹੀਂ ਮਿਲਿਆ।
ਹੁਣ ਜਦੋਂ ਉਸਨੇ ਆਪਣਾ ਸਹੀ ਪਤਾ ਦੱਸਿਆ ਹੈ, ਪੁਲਿਸ ਨੇ ਉਸਦੇ ਮਾਪਿਆਂ ਨਾਲ ਗੱਲ ਕੀਤੀ ਹੈ। ਹਾਲਾਂਕਿ ਅਜੇ ਤੱਕ ਬੱਚਾ ਪਰਿਵਾਰ ਨੂੰ ਮਿਲਿਆ।
ਅੰਮ੍ਰਿਤਸਰ ਤੋਂ ਲਾਪਤਾ ਹੋ ਕੇ ਯੂਪੀ ਦੇ ਜਲੌਨ ਜ਼ਿਲ੍ਹੇ ਦੇ ਪਿੰਡ ਮਦਾਰੀਪੁਰ ਪਹੁੰਚਿਆ ਬੱਚਾ ਆਪਣਾ ਨਾਂ ਅਜੀਤ ਸਿੰਘ ਦੱਸ ਰਿਹਾ ਸੀ। ਆਪਣੇ ਪਿਤਾ ਦਾ ਨਾਂ ਕਿਰਨ ਸਿੰਘ ਦੱਸ ਰਿਹਾ ਸੀ। ਪਿਛਲੇ ਦੋ ਦਿਨਾਂ ਤੋਂ ਉਹ ਆਪਣੇ ਆਪ ਨੂੰ ਅੰਮ੍ਰਿਤਸਰ ਸਥਿਤ ਹਰਿਮੰਦਰ ਸਾਹਿਬ ਦਾ ਵਾਸੀ ਹੋਣ ਦਾ ਦਾਅਵਾ ਕਰ ਰਿਹਾ ਸੀ।
ਅਜੀਤ ਸਿੰਘ ਅਨੁਸਾਰ ਉਹ ਆਪਣੇ ਤਿੰਨ ਦੋਸਤਾਂ ਨਾਲ ਖੇਡ ਰਿਹਾ ਸੀ ਕਿ ਅਚਾਨਕ ਉਸ ਨੂੰ ਨੀਂਦ ਆ ਗਈ। ਜਦੋਂ ਉਹ ਜਾਗਿਆ ਤਾਂ ਉਹ ਰੇਲਗੱਡੀ ਵਿੱਚ ਸੀ ਅਤੇ ਫਿਰ ਬੱਸ ਰਾਹੀਂ ਇੱਥੇ ਪਹੁੰਚਿਆ। ਅਜੀਤ ਸਿੰਘ ਯੂਪੀ ਦੇ ਜਾਲੌਨ ਜ਼ਿਲ੍ਹੇ ਦੇ ਮਦਾਰੀਪੁਰ ਪਿੰਡ ਵਿੱਚ ਪ੍ਰਧਾਨ ਮੰਨੂੰ ਪਠਾਨ ਦੇ ਘਰ ਪਹੁੰਚ ਗਿਆ। ਜਿੱਥੇ ਮੰਨੂ ਪਠਾਨ ਨੇ ਉਸਨੂੰ ਪੁਲਿਸ ਹਵਾਲੇ ਕਰ ਦਿੱਤਾ ਅਤੇ ਉਸਦੇ ਪਰਿਵਾਰ ਦੀ ਭਾਲ ਲਈ ਸੋਸ਼ਲ ਮੀਡੀਆ ਦੀ ਮਦਦ ਲਈ।
ਅੰਮ੍ਰਿਤਸਰ ਦੇ ਕਈ ਸੋਸ਼ਲ ਮੀਡੀਆ ਗਰੁੱਪਾਂ ‘ਚ ਉਸ ਦੀ ਵੀਡੀਓ ਲਗਾਤਾਰ ਵਾਇਰਲ ਹੋ ਰਹੀ ਹੈ, ਜਿਸ ‘ਚ ਉਹ ਦੱਸ ਰਿਹਾ ਹੈ ਕਿ ਉਸ ਨੂੰ ਨਹੀਂ ਪਤਾ ਕਿ ਉਹ ਇੱਥੇ ਕਿਵੇਂ ਆਇਆ। ਉਸਨੂੰ ਆਪਣੇ ਪਿਤਾ ਜਾਂ ਘਰ ਦਾ ਫੋਨ ਨੰਬਰ ਵੀ ਨਹੀਂ ਪਤਾ। ਅਜੀਤ ਸਿੰਘ ਅਨੁਸਾਰ ਉਹ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਪਬਲਿਕ ਸਕੂਲ ਵਿੱਚ ਪੜ੍ਹਦਾ ਹੈ ਅਤੇ ਉਸ ਦੀ ਅਧਿਆਪਕਾ ਨਵਨੀਤ ਕੌਰ ਹੈ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਮੰਨੂੰ ਨੇ ਦੱਸਿਆ ਕਿ ਕੱਲ੍ਹ ਹੀ ਉਸ ਨੇ ਸਹੀ ਪਤਾ ਦਿੱਤਾ ਸੀ ਅਤੇ ਆਪਣੇ ਪਿਤਾ ਦਾ ਨੰਬਰ ਵੀ ਦਿੱਤਾ ਸੀ। ਉਸ ਦੇ ਮਾਪਿਆਂ ਨਾਲ ਸਥਾਨਕ ਪੁਲਿਸ ਵੱਲੋਂ ਸੰਪਰਕ ਕੀਤਾ ਗਿਆ ਹੈ ਅਤੇ ਉਹ ਰੇਲ ਗੱਡੀ ਰਾਹੀਂ ਉੱਥੇ ਆ ਰਹੇ ਹਨ। ਉਨ੍ਹਾਂ ਨੂੰ ਮਿਲਣ ਤੋਂ ਬਾਅਦ ਹੀ ਬਾਕੀ ਜਾਣਕਾਰੀ ਪ੍ਰਾਪਤ ਕੀਤੀ ਜਾਵੇਗੀ ਅਤੇ ਜਾਂਚ ਤੋਂ ਬਾਅਦ ਹੀ ਬੱਚੇ ਨੂੰ ਉਨ੍ਹਾਂ ਨੂੰ ਸੌਂਪਿਆ ਜਾਵੇਗਾ।
