ਅੰਮ੍ਰਿਤਸਰ, 18 ਅਗਸਤ 2022 – ਪੰਜਾਬ ਵਿੱਚ ਕਸਟਮ ਵਿਭਾਗ ਅਤੇ ਬੀਐਸਐਫ ਨੇ ਅਟਾਰੀ ਸਰਹੱਦ ’ਤੇ ਸਾਂਝੀ ਕਾਰਵਾਈ ਕਰਦਿਆਂ ਹੈਰੋਇਨ ਦੀ ਇੱਕ ਖੇਪ ਜ਼ਬਤ ਕੀਤੀ ਹੈ। ਇਹ ਖੇਪ ਅਫਗਾਨਿਸਤਾਨ ਤੋਂ ਆਏ ਇੱਕ ਟਰੱਕ ਦੇ ਹੇਠਾਂ ਚੁੰਬਕ ਨਾਲ ਚਿਪਕਾਏ ਇੱਕ ਲੋਹੇ ਦੇ ਬਕਸੇ ਵਿੱਚ ਸੀ। ਇਹ ਟਰੱਕ ਅਟਾਰੀ ਸਰਹੱਦ ‘ਤੇ ਇੰਟੈਗਰੇਟਿਡ ਚੈੱਕ ਪੋਸਟ ‘ਤੇ ਮਾਲ ਉਤਾਰਨ ਆਇਆ ਸੀ। ਹੈਰੋਇਨ ਨੂੰ ਕਬਜ਼ੇ ‘ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਫ਼ਗਾਨਿਸਤਾਨ ਤੋਂ ਆ ਰਹੇ ਵੱਡੇ ਮਾਲ ਨੂੰ ਖਾਲੀ ਕਰਨ ਤੋਂ ਪਹਿਲਾਂ ਚੈਕਿੰਗ ਕੀਤੀ ਜਾ ਰਹੀ ਸੀ। ਕਸਟਮ ਚੈਕਿੰਗ ਦੌਰਾਨ ਜਦੋਂ ਟਰੱਕ ਦੇ ਹੇਠਾਂ ਲੋਹੇ ਦੀ ਰਾਡ ਮਾਰੀ ਤਾਂ ਰਾਡ ਚੁੰਬਕ ਵੱਲ ਖਿੱਚੀ ਗਈ। ਜਾਂਚ ਕਰਨ ‘ਤੇ ਪਤਾ ਲੱਗਾ ਕਿ ਟਰੱਕ ਦੇ ਹੇਠਾਂ ਇੱਕ ਲੋਹੇ ਦਾ ਬਕਸਾ ਚੁੰਬਕ ਨਾਲ ਚਿਪਕਿਆ ਹੋਇਆ ਹੈ। ਜਿਸ ਤਰੀਕੇ ਨਾਲ ਇਸਨੂੰ ਬਾਕਸ ਵਿੱਚ ਪੈਕ ਕੀਤਾ ਗਿਆ ਸੀ, ਕਸਟਮ ਨੇ ਲੱਗਿਆ ਕੇ ਇਹ ਇੱਕ RDX ਬੰਬ ਹੋ ਸਕਦਾ ਹੈ ਜਿਸ ਤੋਂ ਬਾਅਦ ਟਰੱਕ ਨੂੰ ਇਕੱਲਾ ਕਰਕੇ ਚੈਕਿੰਗ ਕੀਤੀ ਗਈ।
ਬੀਐਸਐਫ ਦੇ ਬੰਬ ਨਿਰੋਧਕ ਦਸਤੇ ਦੇ ਕੁੱਤੇ ਨੂੰ ਚੈਕਿੰਗ ਲਈ ਲਿਆਂਦਾ ਗਿਆ ਸੀ ਪਰ ਉਸ ਨੇ ਜਾਂਚ ਤੋਂ ਬਾਅਦ ਕੋਈ ਰਿਸਪਾਂਸ ਨਹੀਂ ਦਿੱਤਾ। ਇਸ ਤੋਂ ਬਾਅਦ ਬੀਐਸਐਫ ਅਤੇ ਕਸਟਮ ਦੇ ਨੋਰਕੋ ਟੈਸਟਿੰਗ ਕੁੱਤਿਆਂ ਨੂੰ ਲਿਆਂਦਾ ਗਿਆ ਪਰ ਉਨ੍ਹਾਂ ਨੇ ਵੀ ਕੋਈ ਰਿਸਪਾਂਸ ਨਹੀਂ ਦਿੱਤਾ।
ਡਾਗ ਸਕੁਐਡ ਤੋਂ ਕੋਈ ਰਿਸਪਾਂਸ ਨਾ ਮਿਲਣ ਤੋਂ ਬਾਅਦ ਬੀਐਸਐਫ ਅਧਿਕਾਰੀਆਂ ਨੇ ਇਸ ਨੂੰ ਕੰਟਰੋਲ ਬੰਬ ਨਾਲ ਖੋਲ੍ਹਣ ਦਾ ਫੈਸਲਾ ਕੀਤਾ। ਜਿਸ ਤੋਂ ਬਾਅਦ ਬਕਸੇ ਦੇ ਆਲੇ-ਦੁਆਲੇ ਛੋਟੇ ਬੰਬ ਲਗਾਏ ਗਏ, ਜਿਸ ਨਾਲ ਸਿਰਫ਼ ਲੋਹੇ ਦੀ ਬਾਹਰੀ ਪਰਤ ਖੁੱਲ੍ਹ ਗਈ। ਜਦੋਂ ਇਨ੍ਹਾਂ ਬੰਬਾਂ ਨੂੰ ਵਿਸਫੋਟ ਕੀਤਾ ਗਿਆ ਤਾਂ ਇਸ ਵਿੱਚੋਂ ਇੱਕ ਚਿੱਟਾ ਪਾਊਡਰ ਨਿਕਲਿਆ।
ਕਸਟਮ ਵਿਭਾਗ ਅਤੇ ਬੀਐਸਐਫ ਦੀ ਟੀਮ ਨੇ ਡੱਬੇ ਵਿੱਚੋਂ ਚਿੱਟੇ ਰੰਗ ਦੇ ਪਾਊਡਰ ਨੂੰ ਡੱਬੇ ਵਿੱਚ ਪਾ ਕੇ ਜਾਂਚ ਲਈ ਭੇਜ ਦਿੱਤਾ। ਜਾਂਚ ਵਿਚ ਪਾਊਡਰ ਹੈਰੋਇਨ ਦਾ ਖੁਲਾਸਾ ਹੋਇਆ ਅਤੇ ਇਸ ਦਾ ਕੁੱਲ ਵਜ਼ਨ 350 ਗ੍ਰਾਮ ਸੀ। ਪਾਊਡਰ ਦੇ ਸੈਂਪਲ ਜਾਂਚ ਲਈ ਭੇਜ ਦਿੱਤੇ ਗਏ ਹਨ।
