ਗੁਰਦਾਸਪੁਰ, 19 ਫਰਵਰੀ 2023 – ਤੇਜ਼ ਰਫਤਾਰ ਬੱਸ ਦੀ ਲਪੇਟ ਵਿੱਚ ਆਉਣ ਨਾਲ ਮੋਟਰਸਾਈਕਲ ਸਵਾਰ 20 ਸਾਲ ਨੌਜਵਾਨ ਅਤੇ ਇਕ 45 ਸਾਲ ਦੀ ਔਰਤ ਦੀ ਮੌਕੇ ਤੇ ਹੀ ਮੌਤ ਹੋਣ ਦੀ ਖ਼ਬਰ ਮਿਲੀ ਹੈ| ਬਟਾਲਾ ਦੇ ਕਸਬਾ ਘੁਮਾਣ ਨੇੜੇ ਅੱਜ ਦੁਪਹਿਰ ਦਰਦਨਾਕ ਹਾਦਸਾ ਵਾਪਰਿਆ ਤੇਜ ਰਫਤਾਰ ਆ ਰਹੀ ਬਸ ਬੇਕਾਬੂ ਹੋ ਸਾਹਮਣੇ ਤੋਂ ਆ ਰਹੇ ਮੋਟਰਸਾਈਕਲ ਜਾ ਟਕਰਾਈ ਅਤੇ ਇਸ ਹਾਦਸੇ ਚ ਮੋਟਰਸਾਈਕਲ ਤੇ ਸਵਾਰ 20 ਸਾਲਾ ਜਵਾਨ ਮਾਂ ਪਿਓ ਦਾ ਪੁੱਤ ਜਸ਼ਨ ਅਤੇ ਉਸ ਨਾਲ ਮੋਟਰਸਾਈਕਲ ਤੇ ਸਵਾਰ ਉਸਦੀ ਰਿਸਤੇਦਾਰ ਔਰਤ ਪਰਮਜੀਤ ਕੌਰ ਦੀ ਮੌਕੇ ਤੇ ਹੀ ਮੌਤ ਹੋ ਗਈ |
ਮ੍ਰਿਤਕ ਨੌਜਵਾਨ ਜਸ਼ਨ ਦੇ ਪਿਤਾ ਅਤੇ ਚਾਚੇ ਨੇ ਦੱਸਿਆ ਕਿ ਜਸ਼ਨ ਅਤੇ ਰਿਸ਼ਤੇਦਾਰ ਔਰਤ ਪਰਮਜੀਤ ਕੌਰ ਦੋਵੇ ਜੰਡਿਆਲਾ ਗੁਰੂ ਤੋਂ ਮੋਟਰਸਾਈਕਲ ਤੇ ਕਿਸੇ ਰਿਸਤੇਦਾਰ ਨੂੰ ਮਿਲਣ ਲਈ ਕਸਬਾ ਘੁੰਮਣ ਦੇ ਨੇੜੇ ਪਿੰਡ ਮੱਛਰਾਵਾ ਜਾ ਰਹੇ ਸਨ ਕਿ ਰਸਤੇ ਚ ਸਾਮਣੇ ਤੋਂ ਤੇਜ ਰਫਤਾਰ ਆ ਰਹੀ ਬਸ ਬੇਕਾਬੂ ਹੋ ਮੋਟਰਸਾਈਕਲ ਨਾਲ ਟੱਕਰ ਮਾਰੀ ਜਿਸ ਦੇ ਚਲਦੇ ਉਹਨਾਂ ਦੇ ਪੁੱਤ ਨੇ ਤਾ ਮੌਕੇ ਤੇ ਹੀ ਦੇਹਾਂਤ ਹੋ ਗਿਆ ਜਦਕਿ ਪਰਮਜੀਤ ਕੌਰ ਨੂੰ ਇਲਾਜ ਲਈ ਬਟਾਲਾ ਹਸਪਤਾਲ ਲਿਆਂਦੇ ਸਮੇ ਉਸਦੀ ਮੌਤ ਹੋ ਗਈ ਉਥੇ ਹੀ ਦੋਵਾਂ ਦੀ ਮ੍ਰਿਤਕ ਲਾਸ਼ਾਂ ਦਾ ਪੋਸਟਮਾਰਟਮ ਸਿਵਲ ਹਸਪਤਾਲ ਬਟਾਲਾ ਚ ਕਰਵਾਇਆ ਜਾ ਰਿਹਾ ਹੈ ਉਧਰ ਪੁਲਿਸ ਵਲੋਂ ਬਸ ਨੂੰ ਕਬਜ਼ੇ ਚ ਲੈਕੇ ਕਾਨੂੰਨੀ ਕਾਰਵਾਈ ਸ਼ੁਰੂ ਕੀਤੀ ਗਈ ਹੈ |
