ਕਰਤਾਰਪੁਰ ਸਾਹਿਬ, 4 ਮਾਰਚ 2022 – ਕਰਤਾਰਪੁਰ ਲਾਂਘਾ 1947 ਦੀ ਵੰਡ ਦੌਰਾਨ ਵਿਛੜ ਗਏ ਪਰਿਵਾਰਾਂ-ਰਿਸ਼ਤੇਦਾਰਾਂ ਨੂੰ ਦੁਬਾਰਾ ਮਿਲਾਉਣ ਦਾ ਕੰਮ ਕਰ ਰਿਹਾ ਹੈ। ਜਨਵਰੀ ਦੇ ਮਹੀਨੇ ਜਿੱਥੇ ਕਰਤਾਰਪੁਰ ਸਾਹਿਬ ਵਿਖੇ ਦੋ ਸਕੇ ਭਰਾਵਾਂ ਦਾ ਮੇਲ ਹੋਇਆ ਸੀ, ਉੱਥੇ ਹੁਣ ਮਾਸੀ ਅਤੇ ਭਾਣਜੀ ਲੰਬੇ ਸਮੇਂ ਬਾਅਦ ਇੱਕ ਦੂਜੇ ਨੂੰ ਮਿਲੇ ਹਨ। ਖਾਸ ਗੱਲ ਇਹ ਹੈ ਕਿ ਇਸ ਮੁਲਾਕਾਤ ਦੀ ਕੋਸ਼ਿਸ਼ ਕੋਵਿਡ ਕਾਲ ‘ਚ ਸ਼ੁਰੂ ਹੋਈ ਸੀ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਾਕਿਸਤਾਨ ਦੇ ਨਾਰੋਵਾਲ ਜ਼ਿਲ੍ਹੇ ਦੇ ਜ਼ਫਰਵਾਲ ਸ਼ਹਿਰ ਦੀ ਰਹਿਣ ਵਾਲੀ ਬਾਵੀ ਦੇਵੀ ਭਾਰਤ ਦੇ ਗੁਰਦਾਸਪੁਰ ਵਿੱਚ ਰਹਿਣ ਵਾਲੀ ਆਪਣੀ ਮਾਸੀ ਨੂੰ ਮਿਲੀ। ਬਾਵੀ ਦੇਵੀ ਦੀ ਮਾਸੀ 1971 ਵਿੱਚ ਭਾਰਤ ਆ ਗਈ ਸੀ ਅਤੇ ਉਦੋਂ ਤੋਂ ਆਪਣੇ ਪਰਿਵਾਰ ਨਾਲ ਰਹਿ ਰਹੀ ਸੀ। 1971 ਦੀ ਜੰਗ ਤੋਂ ਬਾਅਦ ਦੋਹਾਂ ਦੇਸ਼ਾਂ ਵਿਚਾਲੇ ਦੂਰੀਆਂ ਵਧ ਗਈਆਂ ਸਨ ਪਰ ਹੁਣ ਦੋਵੇਂ ਪਰਿਵਾਰ ਕਰਤਾਰਪੁਰ ਸਾਹਿਬ ‘ਚ ਮਿਲੇ ਹਨ। ਦੋਵਾਂ ਪਰਿਵਾਰਾਂ ਨੇ ਪੂਰਾ ਦਿਨ ਇੱਕ ਦੂਜੇ ਨਾਲ ਬਿਤਾਇਆ ਅਤੇ ਲਗਾਤਾਰ ਮਿਲਣ ਦਾ ਵਾਅਦਾ ਵੀ ਕੀਤਾ।
ਪਾਕਿਸਤਾਨੀ ਬਾਵੀ ਦੇਵੀ ਦੇ ਬੇਟੇ ਸੋਹਲ ਨੇ ਦੱਸਿਆ ਕਿ ਇਹ ਮੁਲਾਕਾਤ ਕੋਰੋਨਾ ਦੇ ਦੌਰ ਕਾਰਨ ਹੀ ਸੰਭਵ ਹੋ ਸਕੀ ਹੈ। ਕੋਰੋਨਾ ਦੇ ਦੌਰ ‘ਚ ਲਾਕਡਾਊਨ ਕਾਰਨ ਸਾਰੇ ਘਰਾਂ ‘ਚ ਕੈਦ ਸਨ। ਉਸਦੀ ਮਾਂ ਮੌਸੀ ਬਾਵੀ ਦੇਵੀ ਦੀ ਗੱਲ ਕਰਦੀ ਸੀ। ਉਸ ਨੇ ਇੰਟਰਨੈੱਟ ਰਾਹੀਂ ਉਨ੍ਹਾਂ ਨੂੰ ਲੱਭਣਾ ਸ਼ੁਰੂ ਕਰ ਦਿੱਤਾ ਅਤੇ ਉਸ ਨੂੰ ਸਫਲਤਾ ਮਿਲੀ।
ਸੋਹਲ ਨੇ ਦੱਸਿਆ ਕਿ ਸ਼ੁਰੂ ਵਿੱਚ ਉਨ੍ਹਾਂ ਨੂੰ ਆਂਟੀ ਤੱਕ ਪਹੁੰਚਣ ਲਈ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਉਸ ਦਾ ਪਹਿਲਾਂ ਰਾਬਤਾ ਆਪਣੀ ਮਾਂ ਦੀ ਚਾਚੀ ਦੇ ਪਰਿਵਾਰ ਨਾਲ ਹੋਇਆ। ਜਦੋਂ ਉਸਨੇ ਉਨ੍ਹਾਂ ਨੂੰ ਸਭ ਕੁਝ ਦੱਸਿਆ, ਤਾਂ ਉਹਨਾਂ ਨੂੰ ਵਿਸ਼ਵਾਸ ਨਹੀਂ ਹੋਇਆ। ਕਈ ਵਾਰ ਮਾਸੀ ਦੇ ਘਰ ਵਾਲੇ ਫੋਨ ਵੀ ਨਹੀਂ ਚੁੱਕਦੇ ਸਨ। ਅੰਤ ਵਿੱਚ ਅਸੀਂ ਉਹਨਾਂ ਨੀ ਯਕੀਨ ਦਿਵਾਇਆ ਅਤੇ ਅੰਤ ਉਹਨਾਂ ਦਾ ਸੰਪਰਕ ਉਹਨਾਂ ਦੀ ਆਂਟੀ ਬਾਵੀ ਦੇਵੀ ਨਾਲ ਹੋਇਆ।
