- ਮੈਚ ਦੁਪਹਿਰ 3:30 ਵਜੇ ਹੋਵੇਗਾ ਸ਼ੁਰੂ
- ਹੁਣ ਤੱਕ ਦੇ ਮੈਚਾਂ ‘ਚ ਕੇਕੇਆਰ ਦਾ ਪਲੜਾ ਭਾਰੀ
ਮੋਹਾਲੀ, 1 ਅਪ੍ਰੈਲ 2023 – ਪੀਸੀਏ ਸਟੇਡੀਅਮ ਮੋਹਾਲੀ ਦੀ ਪਿੱਚ ਤੇਜ਼ ਗੇਂਦਬਾਜ਼ਾਂ ਲਈ ਹਮੇਸ਼ਾ ਹੀ ਫਾਇਦੇਮੰਦ ਰਹੀ ਹੈ। ਮੌਸਮ ‘ਚ ਬਦਲਾਅ ਕਾਰਨ ਤੇਜ਼ ਗੇਂਦਬਾਜ਼ ਨਵੀਂ ਗੇਂਦ ਨਾਲ ਬੱਲੇਬਾਜ਼ਾਂ ਨੂੰ ਪਰੇਸ਼ਾਨ ਕਰ ਸਕਦੇ ਹਨ। ਪਿਛਲੇ ਕੁਝ ਟੀ-20 ਮੈਚਾਂ ਵਿੱਚ, ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀਆਂ ਟੀਮਾਂ ਨੇ ਵੱਡਾ ਟੀਚਾ ਦਰਜ ਕਰਨ ਦੇ ਬਾਵਜੂਦ ਦੂਜੇ ਨੰਬਰ ‘ਤੇ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਜਿੱਤੀ ਹੈ।
ਹਾਲਾਂਕਿ ਪੰਜਾਬ ਕਿੰਗਜ਼ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਵਿਚਾਲੇ ਹੋਣ ਵਾਲੇ ਮੈਚ ‘ਤੇ ਮੀਂਹ ਦਾ ਪਰਛਾਵਾਂ ਛਾਇਆ ਹੋਇਆ ਹੈ। ਮੌਸਮ ਵਿਭਾਗ ਨੇ ਭਵਿੱਖਬਾਣੀ ਜਾਰੀ ਕਰਦਿਆਂ ਕਿਹਾ ਹੈ ਕਿ ਚੰਡੀਗੜ੍ਹ ਸਮੇਤ ਟ੍ਰਾਈਸਿਟੀ ਵਿੱਚ ਸ਼ਨੀਵਾਰ ਨੂੰ ਬੱਦਲਵਾਈ ਦੇ ਨਾਲ ਹਲਕੀ ਬਾਰਿਸ਼ ਹੋ ਸਕਦੀ ਹੈ।
ਕ੍ਰਿਕਟ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਅਸਮਾਨ ‘ਤੇ ਹੈ। ਮੈਚ ਦੌਰਾਨ ਸਟੇਡੀਅਮ ਭਰਿਆ ਰਹੇਗਾ। ਵੀਰਵਾਰ ਨੂੰ ਹੀ ਸਾਰੀਆਂ ਟਿਕਟਾਂ ਵਿਕ ਗਈਆਂ ਹਨ। ਮੈਚ ਦੁਪਹਿਰ 3:30 ਵਜੇ ਸ਼ੁਰੂ ਹੋਵੇਗਾ। ਇਸ ਸਟੇਡੀਅਮ ਵਿੱਚ ਪੰਜਾਬ ਕਿੰਗਜ਼ ਦੀ ਟੀਮ ਦਾ ਪ੍ਰਦਰਸ਼ਨ ਮਿਲਿਆ-ਜੁਲਿਆ ਰਿਹਾ ਹੈ। ਟੀਮ ਦੇ ਜ਼ਿਆਦਾਤਰ ਖਿਡਾਰੀ ਇਸ ਮੈਦਾਨ ‘ਚ ਖੇਡ ਚੁੱਕੇ ਹਨ… ਅਜਿਹੇ ‘ਚ ਘਰੇਲੂ ਮੈਦਾਨ ‘ਚ ਖੇਡਣ ਦਾ ਫਾਇਦਾ ਹੋਵੇਗਾ। ਪੰਜਾਬ ਕਿੰਗਜ਼ ਟੀਮ ਦੀ ਕਪਤਾਨੀ ਸ਼ਿਖਰ ਧਵਨ ਕਰ ਰਹੇ ਹਨ, ਜਦਕਿ ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਕਪਤਾਨ ਸ਼੍ਰੇਅਸ ਅਈਅਰ ਦੇ ਜ਼ਖਮੀ ਹੋਣ ਤੋਂ ਬਾਅਦ ਟੀਮ ਦੀ ਜ਼ਿੰਮੇਵਾਰੀ ਨਿਤੀਸ਼ ਰਾਣਾ ਨੂੰ ਸੌਂਪੀ ਗਈ ਹੈ। ਇਸ ਵਾਰ ਪੰਜਾਬ ਕਿੰਗਜ਼ ਟੀਮ ਦਾ ਡਰੈਸਿੰਗ ਰੂਮ ਸਟੇਡੀਅਮ ਦੇ ਖੱਬੇ ਪਾਸੇ ਬਣਾਇਆ ਗਿਆ ਹੈ। ਕਮਰੇ ਦੇ ਅੰਦਰ ਟੀਮ ਦੇ ਖਿਡਾਰੀਆਂ ਦੇ ਨਾਮ ਵਾਲੀ ਜਰਸੀ ਲਗਾਈ ਗਈ ਹੈ।
ਪੀਸੀਏ ਸਟੇਡੀਅਮ ਮੋਹਾਲੀ ਦੀ ਪਿੱਚ ਤੇਜ਼ ਗੇਂਦਬਾਜ਼ਾਂ ਲਈ ਹਮੇਸ਼ਾ ਹੀ ਫਾਇਦੇਮੰਦ ਰਹੀ ਹੈ। ਮੌਸਮ ‘ਚ ਬਦਲਾਅ ਕਾਰਨ ਤੇਜ਼ ਗੇਂਦਬਾਜ਼ ਨਵੀਂ ਗੇਂਦ ਨਾਲ ਬੱਲੇਬਾਜ਼ਾਂ ਨੂੰ ਪਰੇਸ਼ਾਨ ਕਰ ਸਕਦੇ ਹਨ। ਪਿਛਲੇ ਕੁਝ ਟੀ-20 ਮੈਚਾਂ ਵਿੱਚ, ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀਆਂ ਟੀਮਾਂ ਨੇ ਵੱਡਾ ਟੀਚਾ ਦਰਜ ਕਰਨ ਦੇ ਬਾਵਜੂਦ ਦੂਜੇ ਨੰਬਰ ‘ਤੇ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਜਿੱਤੀ ਹੈ। ਅਜਿਹੇ ‘ਚ ਟਾਸ ਜਿੱਤਣ ਵਾਲੀ ਟੀਮ ਨੂੰ ਅੱਜ ਦੇ ਮੈਚ ‘ਚ ਜ਼ਿਆਦਾ ਫਾਇਦਾ ਮਿਲ ਸਕਦਾ ਹੈ।
ਆਈਪੀਐਲ ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਪੰਜਾਬ ਕਿੰਗਜ਼ ਦੀਆਂ ਟੀਮਾਂ ਵਿਚਾਲੇ 30 ਮੈਚ ਹੋਏ ਹਨ। ਇਸ ਵਿੱਚੋਂ ਨਾਈਟ ਰਾਈਡਰਜ਼ ਨੇ 20 ਵਾਰ ਅਤੇ ਕਿੰਗਜ਼ ਨੇ 10 ਵਾਰ ਜਿੱਤ ਦਰਜ ਕੀਤੀ ਹੈ ਪਰ ਪਿਛਲੇ ਪੰਜ ਮੈਚਾਂ ਵਿੱਚ ਕੋਲਕਾਤਾ ਨੇ ਤਿੰਨ ਅਤੇ ਪੰਜਾਬ ਨੇ ਦੋ ਮੈਚ ਜਿੱਤੇ ਹਨ। ਅਜਿਹੇ ‘ਚ ਕੋਲਕਾਤਾ ਨਾਈਟ ਰਾਈਡਰਜ਼ ਦਾ ਪੱਲਾ ਭਾਰੀ ਨਜ਼ਰ ਆ ਰਿਹਾ ਹੈ।
ਇਸ ਦੌਰਾਨ, ਫਿਲਮ ਅਦਾਕਾਰਾ ਪ੍ਰੀਟੀ ਜ਼ਿੰਟਾ ਦੀ ਟੀਮ ਪੰਜਾਬ ਕਿੰਗਜ਼ ਨੇ ਸ਼ੁੱਕਰਵਾਰ ਨੂੰ ਇਸ ਆਈਪੀਐਲ ਸੀਜ਼ਨ ਦੀ ਚੰਗੀ ਸ਼ੁਰੂਆਤ ਕਰਨ ਲਈ ਸਟੇਡੀਅਮ ਦੇ ਡਰੈਸਿੰਗ ਰੂਮ ਦੇ ਬਾਹਰ ਹਵਨ ਕੀਤਾ। ਇਸ ਮੌਕੇ ਟੀਮ ਦੇ ਕਪਤਾਨ ਸ਼ਿਖਰ ਧਵਨ ਸਮੇਤ ਹੋਰ ਖਿਡਾਰੀ ਵੀ ਮੌਜੂਦ ਸਨ। ਇਹ ਹਵਨ ਸਟੇਡੀਅਮ ਦੇ ਅੰਦਰ ਗੁਪਤ ਤਰੀਕੇ ਨਾਲ ਕੀਤਾ ਗਿਆ। ਗੇਟ ਨੰਬਰ-1 ਰਾਹੀਂ ਕਿਸੇ ਨੂੰ ਵੀ ਅੰਦਰ ਜਾਣ ਦੀ ਇਜਾਜ਼ਤ ਨਹੀਂ ਸੀ। ਦੱਸ ਦਈਏ ਕਿ ਆਈਪੀਐੱਲ ਦੀ ਸ਼ੁਰੂਆਤ ‘ਚ ਟੀਮ ਦੀ ਸਹਿ ਮਾਲਕਣ ਪ੍ਰੀਤੀ ਜ਼ਿੰਟਾ ਨੇ ਮੋਹਾਲੀ ਦੇ ਸਟੇਡੀਅਮ ‘ਚ ਹਵਨ ਕੀਤਾ। ਇਸ ਵਾਰ ਇਹ ਹਵਨ ਤਿੰਨ ਸਾਲ ਬਾਅਦ ਕਰਵਾਇਆ ਗਿਆ। ਕੋਵਿਡ-19 ਕਾਰਨ ਤਿੰਨ ਸਾਲਾਂ ਬਾਅਦ ਮੋਹਾਲੀ ਨੂੰ IPL ਦੇ ਪੰਜ ਮੈਚਾਂ ਦੀ ਮੇਜ਼ਬਾਨੀ ਮਿਲੀ ਹੈ।
ਪੰਜਾਬ ਕਿੰਗਜ਼ ਟੀਮ
ਸ਼ਿਖਰ ਧਵਨ (ਕੈਪਟਨ), ਸ਼ਾਹਰੁਖ ਖਾਨ, ਪ੍ਰਭਸਿਮਰਨ ਸਿੰਘ, ਭਾਨੁਕਾ ਰਾਜਪਕਸ਼ੇ, ਜਿਤੇਸ਼ ਸ਼ਰਮਾ (ਵਕੀਕ), ਰਾਜ ਬਾਵਾ, ਰਿਸ਼ੀ ਧਵਨ, ਲਿਆਮ ਲਿਵਿੰਗਸਟਨ, ਅਥਰਵ ਟਾਈਡ, ਅਰਸ਼ਦੀਪ ਸਿੰਘ, ਨਾਥਨ ਐਲਿਸ, ਬਲਤੇਜ ਸਿੰਘ, ਕਾਗਿਸੋ ਰਬਾਡਾ, ਹਰਪ੍ਰੀਤ ਬਰਾੜ, ਰਾਹੁਲ ਚਾਹਰ, ਸਮਕਰਨ, ਸਿਕੰਦਰ ਰਜ਼ਾ, ਹਰਪ੍ਰੀਤ ਭਾਟੀਆ, ਵਿਦਵਤ ਕਵੀਰੱਪਾ, ਸ਼ਿਵਮ ਸਿੰਘ, ਮੋਹਿਤ ਰਾਠੀ ਅਤੇ ਮੈਕਯੂ ਸ਼ਾਰਟ।
ਕੋਲਕਾਤਾ ਨਾਈਟ ਰਾਈਡਰਜ਼
ਨਿਤੀਸ਼ ਰਾਣਾ (ਕੈਪਟਨ), ਵੈਭਵ ਅਰੋੜਾ, ਵੈਂਕਟੇਸ਼ ਅਈਅਰ, ਰਹਿਮਾਨਉੱਲ੍ਹਾ ਗੁਰਬਾਜ਼ (ਡਬਲਯੂ.), ਸੁਯਸ਼ ਸ਼ਰਮਾ, ਆਂਦਰੇ ਰਸਲ, ਡੇਵਿਡ ਵਾਈਜ਼, ਸੁਨੀਲ ਨਾਰਾਇਣ, ਸ਼ਾਰਦੁਲ ਠਾਕੁਰ, ਲਾਕੀ ਫਰਗੂਸਨ, ਟਿਮ ਸਾਊਦੀ, ਹਰਸ਼ਿਤ ਰਾਣਾ, ਵਰੁਣ ਚੱਕਰਵਰਤੀ, ਅਨੁਕੁਲ ਰਾਏ, ਰਿੰਕੂ ਸਿੰਘ, ਕੁਲਵੰਤ ਖੇਜਰੋਲੀਆ, ਸ਼ਾਕਿਬ ਅਲ ਹਸਨ, ਮਨਦੀਪ ਸਿੰਘ ਅਤੇ ਲਿਟਨ ਦਾਸ।
