ਕੋਟਕਪੂਰਾ, 31 ਦਸੰਬਰ 2023 – ਕੋਟਕਪੂਰਾ ਨੇੜੇ ਬੀੜ ਸਿੱਖਾਂਵਾਲਾ ਦੇ ਜੰਗਲ ਵਿੱਚ ਰਾਤ ਸਮੇਂ ਇੱਕ ਸ਼ੱਕੀ ਜਾਨਵਰ ਦੇਖਿਆ ਗਿਆ, ਜੋ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਿਆ। ਹਾਲਾਂਕਿ ਜੰਗਲਾਤ ਵਿਭਾਗ ਨੂੰ ਜਾਂਚ ਦੌਰਾਨ ਕੁਝ ਨਹੀਂ ਮਿਲਿਆ। ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਸ਼ਾਮ ਨੂੰ ਧੁੰਦ ਦੇ ਵਿਚਕਾਰ ਚੀਤੇ ਵਰਗਾ ਜਾਨਵਰ ਘੁੰਮਦਾ ਦੇਖਿਆ ਗਿਆ। ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਕਈ ਵਾਰ ਜੰਗਲੀ ਜੀਵ ਪਿੰਡ ਵਿੱਚ ਆ ਜਾਂਦੇ ਹਨ, ਜਿਸ ਦੀ ਸੂਚਨਾ ਪੁਲੀਸ ਨੂੰ ਦੇ ਦਿੱਤੀ ਗਈ ਹੈ।
ਡੀਐਸਪੀ ਕੋਟਕਪੂਰਾ ਸ਼ਮਸ਼ੇਰ ਸਿੰਘ ਸ਼ੇਰਗਿੱਲ ਨੇ ਲੋਕਾਂ ਨੂੰ ਰਾਤ ਨੂੰ ਇਕੱਲੇ ਬਾਹਰ ਨਾ ਨਿਕਲਣ ਦੀ ਸਲਾਹ ਦਿੱਤੀ ਹੈ। ਇਸ ਦੇ ਨਾਲ ਹੀ ਲੋਕਾਂ ‘ਚ ਡਰ ਦਾ ਮਾਹੌਲ ਹੈ। ਜੰਗਲਾਤ ਗਾਰਡ ਗੁਰਪ੍ਰੀਤ ਕੌਰ ਨੇ ਦੱਸਿਆ ਕਿ ਮਿੱਟੀ ‘ਤੇ ਮਿਲੇ ਪੰਜੇ ਦੇ ਨਿਸ਼ਾਨ ਚੀਤੇ ਦੇ ਨਿਸ਼ਾਨ ਵਰਗੇ ਹਨ। ਫਿਰ ਵੀ ਜਾਨਵਰ ਦੀ ਪੁਸ਼ਟੀ ਅਤੇ ਬਚਾਅ ਲਈ ਜੰਗਲਾਤ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ।
