ਚੰਡੀਗੜ੍ਹ, 14 ਜੂਨ 2022 – ਪੰਜਾਬ ਦੇ ਮਾਨਸਾ ‘ਚ ਗੈਂਗਸਟਰ ਲਾਰੈਂਸ ਗੈਂਗ ਦੇ ਨਾਂ ‘ਤੇ ਵਪਾਰੀਆਂ ਨੂੰ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ। ਧਮਕੀ ‘ਚ ਉਹਨਾਂ ਨੂੰ 2 ਲੱਖ ਰੁਪਏ ਬੈਂਕ ਖਾਤੇ ‘ਚ ਪਾਉਣ ਲਈ ਕਿਹਾ ਜਾ ਰਿਹਾ ਹੈ। ਧਮਕੀ ਦੇਣ ਵਾਲੇ ਦਾ ਕਹਿਣਾ ਹੈ ਕਿ ਜੇਕਰ ਪੈਸੇ ਨਾ ਦਿੱਤੇ ਤਾਂ ਉਸ ਨਾਲ ਵੀ ਉਹ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਵਾਂਗ ਹੀ ਕਰਨਗੇ। ਜਿੱਥੇ ਮਿਲੇਗਾ, ਉੱਥੇ ਹੀ ਠੋਕ ਦੇਵਾਂਗੇ। ਅਸੀਂ ਪੁਲਿਸ ਤੋਂ ਨਹੀਂ ਡਰਦੇ। ਮੂਸੇਵਾਲਾ ਦੀ 29 ਮਈ ਨੂੰ ਮਾਨਸਾ ਦੇ ਜਵਾਹਰਕੇ ਵਿਖੇ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਹੁਣ ਤੱਕ ਮਾਨਸਾ ਦੇ 4 ਵਪਾਰੀ ਸ਼ਿਕਾਇਤ ਲੈ ਕੇ ਪੁਲਿਸ ਕੋਲ ਪਹੁੰਚ ਚੁੱਕੇ ਹਨ।
ਧਮਕੀ ਦੇਣ ਵਾਲੇ ਦਾ ਕਹਿਣਾ ਹੈ ਕਿ ਜੇਕਰ ਹੁਣ ਮੇਰਾ ਫ਼ੋਨ ਕੱਟਿਆ ਤਾਂ ਫਿਰ ਪੁਲਿਸ ਨੂੰ ਫ਼ੋਨ ਕਰੋ। ਉਨ੍ਹਾਂ ਨੂੰ ਦੱਸੋ ਕਿ ਤੁਹਾਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲੀਆਂ ਹਨ। ਜਿੰਨੀ ਜਲਦੀ ਹੋ ਸਕੇ ਸੁਰੱਖਿਆ ਲਓ। ਮੈਂ ਆਪਣੇ ਬੰਦਿਆਂ ਨੂੰ ਕਿਹਾ ਹੈ ਕਿ ਉਹ ਤੁਹਾਡਾ ਪਿੱਛਾ ਕਰਨ ਤੋਂ ਬਾਅਦ ਜਿੱਥੇ ਵੀ ਮਿਲਣ, ਉੱਥੇ ਹੀ ਠੋਕ ਦੇਣ। ਤੈਨੂੰ ਕੁੱਤੇ ਦੀ ਮੌਤ ਮਾਰ ਦੇਵਾਂਗੇ।
ਜੋ ਮੈਗਜ਼ੀਨ ਲੋਡ ਕੀਤੀ ਜਾ ਰਹੀ ਹੈ, ਉਹ ਤੇਰੇ ਦਿਮਾਗ ‘ਚ ਖਾਲੀ ਹੋਵੇਗੀ। ਹੁਣ ਦੇਖਦੇ ਹਾਂ ਕਿ ਤੇਰੇ ਨਾਲ ਕੀ ਹੁੰਦਾ ਹੈ। ਜੇ ਤੁਸੀਂ ਬਚ ਸਕਦੇ ਹੋ, ਤਾਂ ਤੁਸੀਂ ਬਚ ਜਾਓ। ਦੁਕਾਨ ਬੰਦ ਕਰਕੇ ਭੱਜ ਸਕਦੇ ਹੋ ਤਾਂ ਭੱਜ ਜਾਓ। ਤੁਹਾਡੇ ‘ਤੇ ਕਿਸੇ ਵੀ ਸਮੇਂ ਹਮਲਾ ਹੋ ਸਕਦਾ ਹੈ। ਨੰਬਰ ਬੰਦ ਕਰਨ ਜਾਂ ਫ਼ੋਨ ਨੂੰ ਡਿਸਕਨੈਕਟ ਕਰਨ ਨਾਲ ਕੁਝ ਨਹੀਂ ਹੋਵੇਗਾ। ਸਾਨੂੰ ਨਾ ਥਾਣੇ ਦਾ ਡਰ ਹੈ ਤੇ ਨਾ ਹੀ ਪੁਲਿਸ ਦਾ। ਹੁਣ ਸਾਡੇ ਕੋਲੋਂ ਬਚ ਕੇ ਦਿਖਾਓ।
ਮਾਨਸਾ ਦੇ ਵਪਾਰੀ ਨੇ ਦੱਸਿਆ ਕਿ ਮੈਨੂੰ 1.15 ਵਜੇ ਫੋਨ ਆਇਆ। ਮੈਨੂੰ ਦੱਸਿਆ ਗਿਆ ਕਿ ਅਸੀਂ ਗੈਂਗਸਟਰ ਲਾਰੈਂਸ ਦੇ ਗੈਂਗ ਤੋਂ ਬੋਲ ਰਹੇ ਹਾਂ। ਜੇ ਜਾਨ ਪਿਆਰੀ ਹੈ, ਤਾਂ ਸਾਨੂੰ 2 ਲੱਖ ਰੁਪਏ ਦੇ ਦਿਓ। ਨਹੀਂ ਤਾਂ ਜਿਵੇਂ ਸਿੱਧੂ ਨੇ ਮੂਸੇਵਾਲਾ ਨੂੰ ਮਾਰਿਆ ਹੈ, ਉਹ ਮੈਨੂੰ ਵੀ ਮਾਰ ਦੇਵੇਗਾ। ਮੈਨੂੰ ਇੱਕ ਵੀਡੀਓ ਵੀ ਭੇਜਿਆ ਗਿਆ ਹੈ। ਜਿਸ ਵਿੱਚ ਉਹ ਪਿਸਤੌਲ ਲੋਡ ਕਰ ਰਿਹਾ ਹੈ। ਕਿਹਾ ਕੇ, ਜੋ ਮੈਗਜ਼ੀਨ ਲੋਡ ਕੀਤੀ ਜਾ ਰਹੀ ਹੈ, ਉਹ ਤੇਰੇ ਦਿਮਾਗ ‘ਚ ਖਾਲੀ ਹੋਵੇਗੀ। ਇਸ ਸਬੰਧੀ ਸਾਡੀ ਐਸਐਸਪੀ ਨਾਲ ਮੀਟਿੰਗ ਹੋ ਚੁੱਕੀ ਹੈ।
ਮਾਨਸਾ ਦੇ ਐਸਐਸਪੀ ਗੌਰਵ ਤੂਰਾ ਨੇ ਦੱਸਿਆ ਕਿ ਜਿਸ ਬੈਂਕ ਖਾਤੇ ਵਿੱਚ ਪੈਸੇ ਜਮ੍ਹਾਂ ਕਰਵਾਉਣ ਲਈ ਕਿਹਾ ਜਾ ਰਿਹਾ ਹੈ। ਇਹ ਸਿਰਫ਼ 3 ਦਿਨ ਪਹਿਲਾਂ ਖੋਲ੍ਹਿਆ ਗਿਆ ਹੈ। ਧਮਕੀ ਦੇਣ ਵਾਲੇ ਦਾ ਟਿਕਾਣਾ ਵੀ ਬਿਹਾਰ ਤੋਂ ਆ ਰਿਹਾ ਹੈ। ਇਸ ਸਬੰਧੀ ਪੂਰਾ ਮਾਮਲਾ ਸਾਈਬਰ ਸੈੱਲ ਨੂੰ ਭੇਜ ਦਿੱਤਾ ਗਿਆ ਹੈ। ਧਮਕੀਆਂ ਦੇਣ ਵਾਲੇ ਜਲਦੀ ਹੀ ਫੜੇ ਜਾਣਗੇ।
