ਚੰਡੀਗੜ੍ਹ, 31 ਦਸੰਬਰ 2022 – ਪੰਚਕੂਲਾ ਵਿੱਚ ਸੜਕ ਹਾਦਸੇ ਵਿੱਚ ਦੋ ਭਰਾਵਾਂ ਦੀ ਮੌਤ ਹੋ ਗਈ ਹੈ। ਇਹ ਸੜਕ ਹਾਦਸਾ ਪੰਚਕੂਲਾ ਦੇ ਪਿੰਜੌਰ ਰੋਡ ਸਥਿਤ ਪਿੰਡ ਚੰਡੀਕੋਟਲਾ ਨੇੜੇ ਵਾਪਰਿਆ। ਮੋਟਰਸਾਈਕਲ ਸਵਾਰ ਦੋਵੇਂ ਭਰਾਵਾਂ ਦੀ ਪਹਿਛਾਣ ਗੁਰਪ੍ਰੀਤ ਸਿੰਘ ਉਰਫ ਮਨੀ ਉਮਰ 22 ਸਾਲ ਅਤੇ ਹਰਿੰਦਰ ਸਿੰਘ ਉਰਫ ਹਨੀ ਉਮਰ 19 ਸਾਲ ਵੱਜੋਂ ਹੋਈ ਹੈ। ਦੋਵਾਂ ਭਰਾਵਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਮ੍ਰਿਤਕਾਂ ਦੇ ਭਰਾ ਗੁਰਬਚਨ ਨੇ ਦੱਸਿਆ ਕਿ ਅਸੀਂ ਪਿੰਜੌਰ ਦੇ ਪਿੰਡ ਧਮਾਲਾ ਦੇ ਵਾਸੀ ਹਾਂ। ਰਾਤ 9 ਵਜੇ ਇਹ ਕਹਿ ਕੇ ਘਰੋਂ ਨਿਕਲਿਆ ਸੀ। ਕਿ ਅਸੀਂ ਦੋਵੇਂ ਭਰਾ ਪੰਚਕੂਲਾ ਦੇ ਗੁਰਦੁਆਰਾ ਨਾਡਾ ਸਾਹਿਬ ਵਿਖੇ ਮੱਥਾ ਟੇਕਣ ਜਾ ਰਹੇ ਹਾਂ।
ਜਿਵੇਂ ਹੀ ਦੋਵੇਂ ਭਰਾ ਕਰੀਬ 10 ਵਜੇ ਚੜੀਕੋਟਲਾ ਨੇੜੇ ਪਹੁੰਚੇ। ਉਦੋਂ ਇੱਕ ਕੈਂਟਰ ਨੇ ਉਸ ਨੂੰ ਪਿੱਛੇ ਤੋਂ ਟੱਕਰ ਮਾਰ ਦਿੱਤੀ ਅਤੇ ਟਾਇਰ ਦੋਹਾਂ ਭਰਾਵਾਂ ਦੇ ਉਪਰ ਚੜ੍ਹ ਗਏ ਅਤੇ ਕੈਂਟਰ ਦੋਵਾਂ ਨੂੰ ਕਾਫੀ ਦੂਰ ਤੱਕ ਘਸੀਟਦਾ ਲੈ ਗਿਆ। ਮ੍ਰਿਤਕਾਂ ਦੇ ਮਾਮੇ ਨੇ ਦੱਸਿਆ ਕਿ ਦੋਵੇਂ ਭਰਾਵਾਂ ਦੀ ਮੌਤ ‘ਤੇ ਪੂਰੇ ਪਿੰਡ ‘ਚ ਸੋਗ ਹੈ।
ਐਸਐਚਓ ਚੰਡੀਮੰਦਰ ਲਲਿਤ ਕੁਮਾਰ ਨੇ ਦੱਸਿਆ ਕਿ ਅਸੀਂ ਲਾਸ਼ਾਂ ਨੂੰ ਸੈਕਟਰ 6 ਦੇ ਮੁਰਦਾਘਰ ਵਿੱਚ ਰਾਤ ਨੂੰ ਰਖਵਾ ਦਿੱਤਾ ਸੀ ਅਤੇ ਅੱਜ ਪੋਸਟਮਾਰਟਮ ਤੋਂ ਬਾਅਦ ਲਾਸ਼ਾਂ ਪਰਿਵਾਰ ਨੂੰ ਸੌਂਪ ਦਿੱਤੀਆਂ ਜਾਣਗੀਆਂ। ਕੈਂਟਰ ਚਾਲਕ ਖਿਲਾਫ ਮਾਮਲਾ ਦਰਜ ਕਰਕੇ ਕੈਂਟਰ ਚਾਲਕ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
