ਗੁਰਦਾਸਪੁਰ 21 ਅਕਤੂਬਰ 2024 – ਹਰਦੋ ਛੰਨੀ ਰੋਡ ਤੇ ਪਿੰਡ ਹਆਤ ਨਗਰ ਦੇ ਨੇੜੇ ਇੱਕ ਸਕੂਲੀ ਵੈਨ ਨਾਲ ‘ਟਾਟਾ ਏਸ’ ਗੱਡੀ ਟਕਰਾਉਣ ਕਾਰਨ ਟਾਟਾ ਏਸ ਪਲਟ ਗਈ ਜਿਸ ਕਾਰਨ ਗੱਡੀ ਵਿੱਚ ਬੈਠੇ ਚਾਰ ਵਿਅਕਤੀਆਂ ਦੇ ਜ਼ਖਮੀ ਹੋਣ ਦੀ ਖਬਰ ਹੈ ਜਦਕਿ ਵੈਨ ਵਿੱਚ ਬੈਠੇ ਸਕੂਲੀ ਬੱਚੇ ਬਾਲ ਬਾਲ ਬਚ ਗਏ । ਜਾਣਕਾਰੀ ਅਨੁਸਾਰ ਸੁਖਜਿੰਦਰ ਮੈਮੋਰੀਅਲ ਸਕੂਲ ਦੀ ਵੈਨ ਸਵੇਰੇ ਸਕੂਲ ਦੇ ਛੋਟੇ ਬੱਚਿਆਂ ਨੂੰ ਲੈ ਕੇ ਸਕੂਲ ਵੱਲ ਨੂੰ ਆ ਰਹੀ ਸੀ।
ਟਾਟਾ ਏਸ ਦੇ ਡਰਾਈਵਰ ਰਕੇਸ਼ ਕੁਮਾਰ ਨੇ ਦੱਸਿਆ ਕਿ ਉਹ ਨਬੀਪੁਰ ਟੈਂਟ ਦਾ ਸਮਾਨ ਲੈਨ ਜਾ ਰਹੇ ਸਨ ਕਿ ਰਸਤੇ ਵਿੱਚ ਦੂਜੇ ਪਾਸਿਓਂ ਆ ਰਹੀ ਇੱਕ ਸਕੂਲੀ ਵੈਨ ਨਾਲ ਟੱਕਰ ਹੋਣ ਤੋਂ ਬਚਾਉਣ ਲਈ ਉਸਨੇ ਕੱਟ ਮਾਰਿਆ ਤਾਂ ਉਸ ਦੀ ਗੱਡੀ ਪਲਟ ਰਹੀ ਅਤੇ ਗੱਡੀ ਵਿੱਚ ਬੈਠੇ ਚਾਰੋਂ ਵਿਅਕਤੀ ਜਖਮੀ ਹੋਏ ਹਨ ਜਿਨਾਂ ਵਿੱਚੋਂ ਤਿੰਨ ਨੂੰ ਹਸਪਤਾਲ ਲਿਜਾਇਆ ਗਿਆ ਹੈ ਜਦਕਿ ਉਸ ਦੇ ਮਾਮੂਲੀ ਸੱਟਾ ਲੱਗਿਆ ਹਨ। ਉਸਨੇ ਦੱਸਿਆ ਕਿ ਸਕੂਲ ਤੇ ਬੱਚਿਆਂ ਨੂੰ ਵਿੱਚੋਂ ਕਿਸੇ ਦੇ ਵੀ ਸੱਟ ਨਹੀਂ ਲੱਗੀ ਹੈ।
