- 49 ਸਾਲ ਦੀ ਉਮਰ ਵਿੱਚ ਲਾਏ ਆਖਰੀ ਸਾਹ
ਨਵੀਂ ਦਿੱਲੀ, 23 ਅਗਸਤ 2023 – ਜ਼ਿੰਬਾਬਵੇ ਦੇ ਮਹਾਨ ਕ੍ਰਿਕਟਰ ਹੀਥ ਸਟ੍ਰੀਕ ਦਾ ਕੈਂਸਰ ਕਾਰਨ 49 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਜ਼ਿੰਬਾਬਵੇ ਦੇ ਦਿੱਗਜ ਆਲਰਾਊਂਡਰ ਹੀਥ ਸਟ੍ਰੀਕ ਲੰਬੇ ਸਮੇਂ ਤੋਂ ਕੈਂਸਰ ਤੋਂ ਪੀੜਤ ਸਨ ਪਰ ਮੰਗਲਵਾਰ ਨੂੰ ਉਹ ਇਸ ਗੰਭੀਰ ਬੀਮਾਰੀ ਨਾਲ ਜ਼ਿੰਦਗੀ ਅਤੇ ਮੌਤ ਦੀ ਲੜਾਈ ਹਾਰ ਗਏ। ਸਟ੍ਰੀਕ ਨੇ ਜ਼ਿੰਬਾਬਵੇ ਲਈ ਕੁੱਲ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ 65 ਟੈਸਟ ਮੈਚਾਂ ਤੋਂ ਇਲਾਵਾ 189 ਵਨਡੇ ਖੇਡੇ। ਹੀਥ ਜ਼ਿੰਬਾਬਵੇ ਦੀ ਕਪਤਾਨੀ ਵੀ ਕਰ ਚੁੱਕੇ ਹਨ। ਹੀਟ ਸਟ੍ਰੀਕ ਆਪਣੀ ਜਵਾਨੀ ਦੇ ਸਭ ਤੋਂ ਵਧੀਆ ਗੇਂਦਬਾਜ਼ਾਂ ਵਿੱਚੋਂ ਇੱਕ ਸੀ।
ਸਟ੍ਰੀਕ ਆਪਣੇ ਦੇਸ਼ ਲਈ 100 ਟੈਸਟ ਵਿਕਟਾਂ ਲੈਣ ਵਾਲੇ ਇਕਲੌਤੇ ਗੇਂਦਬਾਜ਼ ਹਨ। ਹੀਥ ਨੇ ਟੈਸਟ ਕ੍ਰਿਕਟ ਵਿੱਚ 28.14 ਦੀ ਔਸਤ ਨਾਲ 216 ਵਿਕਟਾਂ ਲਈਆਂ, ਜਿਸ ਵਿੱਚ ਉਨ੍ਹਾਂ ਨੇ 16 ਚਾਰ ਵਿਕਟਾਂ ਅਤੇ ਸੱਤ ਪੰਜ ਵਿਕਟਾਂ ਲਈਆਂ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਜੇਕਰ ਵਨਡੇ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ 29.82 ਦੀ ਔਸਤ ਨਾਲ 239 ਵਿਕਟਾਂ ਲਈਆਂ ਸਨ।
ਹੀਥ ਇੱਕ ਸ਼ਾਨਦਾਰ ਆਲਰਾਊਂਡਰ ਖਿਡਾਰੀ ਵੀ ਸੀ। ਗੇਂਦਬਾਜ਼ੀ ‘ਚ ਟੀਮ ਦਾ ਸਾਥ ਦੇਣ ਦੇ ਨਾਲ-ਨਾਲ ਉਹ ਬੱਲੇਬਾਜ਼ੀ ‘ਚ ਵੀ ਮਾਹਿਰ ਸੀ। ਉਸਨੇ ਇੱਕ ਰੋਜ਼ਾ ਕਰੀਅਰ ਵਿੱਚ ਲਗਭਗ 2943 ਦੌੜਾਂ ਬਣਾਈਆਂ, ਜਦੋਂ ਕਿ ਟੈਸਟ ਕ੍ਰਿਕਟ ਵਿੱਚ ਉਸਦੇ ਖਾਤੇ ‘ਚ 1990 ਦੌੜਾਂ ਹਨ। ਆਪਣੇ ਟੈਸਟ ਕਰੀਅਰ ਦੌਰਾਨ ਸਟ੍ਰੀਕ ਨੇ ਇੱਕ ਸੈਂਕੜਾ ਅਤੇ 11 ਅਰਧ ਸੈਂਕੜੇ ਲਗਾਏ, ਜਦੋਂ ਕਿ ਇੱਕ ਰੋਜ਼ਾ ਅੰਤਰਰਾਸ਼ਟਰੀ ਵਿੱਚ ਉਸਨੇ 13 ਅਰਧ ਸੈਂਕੜੇ ਲਗਾਏ ਸਨ।
