ਨਵੀਂ ਦਿੱਲੀ, 4 ਜਨਵਰੀ 2025 – ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਸਿਡਨੀ ‘ਚ ਖੇਡੇ ਜਾ ਰਹੇ ਪੰਜਵੇਂ ਟੈਸਟ ‘ਚ ਰੋਹਿਤ ਸ਼ਰਮਾ ਨਹੀਂ ਖੇਡ ਰਹੇ ਹਨ। ਰੋਹਿਤ ਦੇ ਪਲੇਇੰਗ ਇਲੈਵਨ ‘ਚ ਨਾ ਹੋਣ ‘ਤੇ ਕਈ ਸਵਾਲ ਖੜ੍ਹੇ ਹੋ ਗਏ ਸਨ। ਰੋਹਿਤ ਨੇ ਸ਼ਨੀਵਾਰ ਨੂੰ ਬ੍ਰਾਡਕਾਸਟਰ ਸਟਾਰ ਸਪੋਰਟਸ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ, ਮੈਂ ਸੰਨਿਆਸ ਨਹੀਂ ਲਿਆ ਹੈ।
ਰੋਹਿਤ ਨੇ ਕਿਹਾ, ਸਿਡਨੀ ਟੈਸਟ ‘ਚ ਖਰਾਬ ਫਾਰਮ ਕਾਰਨ ਉਸ ਨੇ ਖੁਦ ਨੂੰ ਬਾਹਰ ਕਰ ਲਿਆ ਹੈ। ਇਹ ਫੈਸਲਾ ਲੈਣਾ ਔਖਾ ਸੀ ਪਰ ਟੀਮ ਦੇ ਹਿੱਤ ਵਿੱਚ ਲਿਆ ਗਿਆ ਹੈ। ਇਹ ਸਾਡਾ ਫੈਸਲਾ ਹੈ ਕਿ ਟੀਮ ਵਿੱਚ ਕਿਸ ਨੂੰ ਰਹਿਣਾ ਚਾਹੀਦਾ ਹੈ ਜਾਂ ਨਹੀਂ। ਕੋਈ ਹੋਰ ਫੈਸਲਾ ਨਹੀਂ ਕਰ ਸਕਦਾ।
ਰੋਹਿਤ ਨੇ ਅੱਗੇ ਕਿਹਾ, ਚਾਰ-ਪੰਜ ਮਹੀਨੇ ਪਹਿਲਾਂ ਮੇਰੀ ਕਪਤਾਨੀ ਅਤੇ ਮੇਰੇ ਵਿਚਾਰ ਬਹੁਤ ਉਪਯੋਗੀ ਸਨ। ਅਚਾਨਕ ਇਨ੍ਹਾਂ ਗੱਲਾਂ ਨੂੰ ਬੁਰਾ ਸਮਝਿਆ ਜਾਣ ਲੱਗਾ। ਅੱਜ ਦੌੜਾਂ ਨਹੀਂ ਬਣ ਰਹੀਆਂ, ਪਰ ਇਸ ਗੱਲ ਦੀ ਕੋਈ ਗਾਰੰਟੀ ਨਹੀਂ ਹੈ ਕਿ ਤੁਸੀਂ ਭਵਿੱਖ ਵਿੱਚ ਦੌੜਾਂ ਨਹੀਂ ਬਣਾ ਸਕੋਗੇ।
ਉਨ੍ਹਾਂ ਅੱਗੇ ਕਿਹਾ, ਮਾਈਕ, ਪੈੱਨ ਜਾਂ ਲੈਪਟਾਪ ਨਾਲ ਲੋਕਾਂ ਦੇ ਬੋਲਣ ਨਾਲ ਜ਼ਿੰਦਗੀ ਨਹੀਂ ਬਦਲਦੀ। ਉਹ ਇਹ ਤੈਅ ਨਹੀਂ ਕਰ ਸਕਦੇ ਕਿ ਮੈਨੂੰ ਕਦੋਂ ਸੰਨਿਆਸ ਲੈਣਾ ਚਾਹੀਦਾ ਹੈ, ਕਦੋਂ ਬਾਹਰ ਬੈਠਣਾ ਚਾਹੀਦਾ ਹੈ, ਕਦੋਂ ਮੈਨੂੰ ਕਪਤਾਨੀ ਸੰਭਾਲਣੀ ਚਾਹੀਦੀ ਹੈ। ਮੈਂ ਇੱਕ ਸਮਝਦਾਰ ਆਦਮੀ ਹਾਂ, ਦੋ ਬੱਚਿਆਂ ਦਾ ਪਿਤਾ ਹਾਂ। ਇਸ ਲਈ ਮੈਨੂੰ ਪਤਾ ਹੈ ਕਿ ਕਦੋਂ ਕੀ ਕਰਨਾ ਹੈ।
ਜਸਪ੍ਰੀਤ ਬੁਮਰਾਹ ਸਿਡਨੀ ਟੈਸਟ ‘ਚ ਭਾਰਤ ਦੀ ਕਪਤਾਨੀ ਕਰ ਰਹੇ ਹਨ। ਟੈਸਟ ਦੇ ਪਹਿਲੇ ਦਿਨ ਬੁਮਰਾਹ ਬਲੇਜ਼ਰ ਪਹਿਨ ਕੇ ਭਾਰਤ ਦੇ ਟਾਸ ਲਈ ਪਹੁੰਚੇ। ਕਪਤਾਨ ਰੋਹਿਤ ਸ਼ਰਮਾ ਨੇ ਖੁਦ ਮੈਚ ਨੂੰ ਛੱਡ ਦਿੱਤਾ, ਉਹ ਪੰਜਵਾਂ ਟੈਸਟ ਨਹੀਂ ਖੇਡ ਰਹੇ ਹਨ। ਉਨ੍ਹਾਂ ਦੀ ਜਗ੍ਹਾ ਸ਼ੁਭਮਨ ਗਿੱਲ ਨੂੰ ਮੌਕਾ ਮਿਲਿਆ ਹੈ।
