ਨਵੀਂ ਦਿੱਲੀ, 16 ਨਵੰਬਰ 2024 – ਭਾਰਤ ਨੇ ਚੌਥੇ ਟੀ-20 ਵਿੱਚ ਦੱਖਣੀ ਅਫਰੀਕਾ ਨੂੰ 135 ਦੌੜਾਂ ਦੇ ਵੱਡੇ ਫਰਕ ਨਾਲ ਹਰਾ ਦਿੱਤਾ ਹੈ। ਟੀ-20 ‘ਚ ਦੱਖਣੀ ਅਫਰੀਕਾ ਦੀ ਇਹ ਸਭ ਤੋਂ ਵੱਡੀ ਹਾਰ ਹੈ। ਭਾਰਤ ਨੇ ਜੋਹਾਨਸਬਰਗ ਦੇ ਵਾਂਡਰਰਜ਼ ਸਟੇਡੀਅਮ ਵਿੱਚ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਟੀਮ ਵੱਲੋਂ ਤਿਲਕ ਵਰਮਾ ਅਤੇ ਸੰਜੂ ਸੈਮਸਨ ਨੇ ਸੈਂਕੜੇ ਜੜੇ ਅਤੇ ਸਕੋਰ ਨੂੰ 283 ਦੌੜਾਂ ਤੱਕ ਪਹੁੰਚਾਇਆ। ਇਹ ਦੱਖਣੀ ਅਫਰੀਕਾ ਖਿਲਾਫ ਟੀ-20 ਦਾ ਸਭ ਤੋਂ ਵੱਡਾ ਸਕੋਰ ਵੀ ਹੈ।
ਵੱਡੇ ਟੀਚੇ ਦੇ ਸਾਹਮਣੇ ਮੇਜ਼ਬਾਨ ਟੀਮ 18.2 ਓਵਰਾਂ ਵਿੱਚ 148 ਦੌੜਾਂ ਬਣਾ ਕੇ ਆਲ ਆਊਟ ਹੋ ਗਈ। ਟ੍ਰਿਸਟਨ ਸਟੱਬਸ ਨੇ 43 ਦੌੜਾਂ, ਡੇਵਿਡ ਮਿਲਰ ਨੇ 36 ਦੌੜਾਂ ਅਤੇ ਮਾਰਕੋ ਯੈਨਸਨ ਨੇ 29 ਦੌੜਾਂ ਬਣਾਈਆਂ। ਭਾਰਤ ਵੱਲੋਂ ਅਰਸ਼ਦੀਪ ਸਿੰਘ ਨੇ 3 ਅਤੇ ਵਰੁਣ ਚੱਕਰਵਰਤੀ ਨੇ 2 ਵਿਕਟਾਂ ਲਈਆਂ। ਚੌਥਾ ਟੀ-20 ਜਿੱਤ ਕੇ ਭਾਰਤ ਨੇ ਸੀਰੀਜ਼ ਵੀ 3-1 ਨਾਲ ਜਿੱਤ ਲਈ ਹੈ।
ਭਾਰਤ ਨੇ ਚੌਥੇ ਮੈਚ ਵਿੱਚ ਦੱਖਣੀ ਅਫਰੀਕਾ ਨੂੰ 135 ਦੌੜਾਂ ਨਾਲ ਹਰਾਇਆ, ਇਹ ਟੀਮ ਦੀ ਟੀ-20 ਇਤਿਹਾਸ ਵਿੱਚ ਸਭ ਤੋਂ ਵੱਡੀ ਹਾਰ ਹੈ। ਪਹਿਲੀ ਵਾਰ ਭਾਰਤ ਦੇ ਦੋ ਬੱਲੇਬਾਜ਼ਾਂ ਨੇ ਟੀ-20 ਵਿੱਚ ਸੈਂਕੜੇ ਲਗਾਏ ਹਨ। ਤਿਲਕ ਵਰਮਾ ਅਤੇ ਸੰਜੂ ਸੈਮਸਨ ਦੋਵਾਂ ਨੇ ਸੈਂਕੜੇ ਜੜ ਕੇ ਸਕੋਰ ਨੂੰ 283 ਦੌੜਾਂ ਤੱਕ ਪਹੁੰਚਾਇਆ। ਇਹ ਦੱਖਣੀ ਅਫਰੀਕਾ ਖਿਲਾਫ ਟੀ-20 ਦਾ ਸਭ ਤੋਂ ਵੱਡਾ ਸਕੋਰ ਵੀ ਸੀ।
ਜਵਾਬ ‘ਚ ਦੱਖਣੀ ਅਫਰੀਕਾ ਦੀ ਟੀਮ 148 ਦੌੜਾਂ ‘ਤੇ ਸਿਮਟ ਗਈ। ਇਸ ਮੈਚ ‘ਚ ਕਈ ਰਿਕਾਰਡ ਬਣੇ… ਸੰਜੂ ਟੀ-20 ਇੰਟਰਨੈਸ਼ਨਲ ‘ਚ ਇਕ ਸਾਲ ‘ਚ 3 ਸੈਂਕੜੇ ਲਗਾਉਣ ਵਾਲੇ ਦੁਨੀਆ ਦੇ ਪਹਿਲੇ ਬੱਲੇਬਾਜ਼ ਬਣੇ, ਵਿਕਟਕੀਪਰ ਦੇ ਤੌਰ ‘ਤੇ ਸੰਜੂ ਇਕ ਸਾਲ ‘ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਵੀ ਬਣ ਗਏ। ਸੈਮਸਨ ਅਤੇ ਤਿਲਕ ਨੇ ਵੀ ਭਾਰਤ ਲਈ ਸਭ ਤੋਂ ਵੱਡੀ ਸਾਂਝੇਦਾਰੀ ਕੀਤੀ।
