ਮੁੰਬਈ, 20 ਮਈ 2021 – ਕਈ ਸੂਬਿਆਂ ਵੱਲੋਂ ਕੋਵਿਡ-19 ਮਹਾਮਾਰੀ ਦੀ ਦੂਜੀ ਲਹਿਰ ਨੂੰ ਰੋਕਣ ਲਈ ਸਥਾਨਕ ਪੱਧਰ ‘ਤੇ ਲਾਗੂ ਕੀਤੇ ਗਏ ਲਾਕਡਾਊਨ ਕਾਰਨ ਬਜਾਜ ਆਟੋ ਨੇ ਕੰਪਨੀ ਨੇ ਸਾਰੇ ਮਾਡਲਾਂ ਦੀ ਮੁਫ਼ਤ ਸਰਵਿਸ ਵਧਾ ਦਿੱਤੀ ਹੈ। ਬਜਾਜ ਆਟੋ ਵੱਲੋਂ ਆਪਣੇ ਸਾਰੇ ਮਾਡਲਾਂ ਦੀ ਮੁਫ਼ਤ ਸਰਵਿਸ 31 ਜੁਲਾਈ ਤੱਕ ਲਈ ਵਧਾ ਦਿੱਤੀ ਹੈ।
ਕੰਪਨੀ ਨੇ ਇਕ ਬਿਆਨ ਵਿਚ ਕਿਹਾ ਕਿ 1 ਅਪ੍ਰੈਲ ਤੋਂ 31 ਮਈ ਵਿਚਕਾਰ ਖ਼ਤਮ ਹੋਣ ਵਾਲੀ ਵਾਹਨਾਂ ਦੀ ਮੁਫ਼ਤ ਸਰਵਿਸ ਹੁਣ 31 ਜੁਲਾਈ ਤੱਕ ਵਧਾ ਦਿੱਤੀ ਗਈ ਹੈ। ਬਜਾਜ ਆਟੋ ਨੇ ਕਿਹਾ ਕਿ ਇਹ ਵਧਾਈ ਗਈ ਮਿਆਦ ਸਾਰੇ ਦੋਪਹੀਆ ਤੇ ਵਪਾਰਕ ਵਾਹਨਾਂ ‘ਤੇ ਲਾਗੂ ਹੋਵੇਗੀ। ਕੰਪਨੀ ਦੇ ਕਾਰਜਕਾਰੀ ਨਿਰਦੇਸ਼ਕ ਰਾਕੇਸ਼ ਸ਼ਰਮਾ ਨੇ ਕਿਹਾ, ”ਪਿਛਲੇ ਸਾਲ ਦੀ ਤਰ੍ਹਾਂ ਅਸੀਂ ਆਪਣੇ ਸਾਰੇ ਗਾਹਕਾਂ ਲਈ ਇਕ ਵਾਰ ਫਿਰ ਸਰਵਿਸ ਮਿਆਦ ਨੂੰ ਦੋ ਮਹੀਨੇ ਲਈ ਵਧਾ ਦਿੱਤਾ ਹੈ।”
