ਨਵੀਂ ਦਿੱਲੀ, 20 ਨਵੰਬਰ 2024 – ਦੁਨੀਆ ਦੇ ਸਭ ਤੋਂ ਸ਼ਕਤੀਸ਼ਾਲੀ ਰਾਕੇਟ ਸਟਾਰਸ਼ਿਪ ਨੂੰ ਬੁੱਧਵਾਰ ਨੂੰ ਭਾਰਤੀ ਸਮੇਂ ਅਨੁਸਾਰ ਸਵੇਰੇ 3:30 ਵਜੇ ਬੋਕਾ ਚਿਕਾ, ਟੈਕਸਾਸ ਤੋਂ ਲਾਂਚ ਕੀਤਾ ਗਿਆ। ਸਟਾਰਸ਼ਿਪ ਦਾ ਇਹ ਛੇਵਾਂ ਟੈਸਟ ਸੀ। ਟੈਸਟ ਦੇਖਣ ਲਈ ਅਮਰੀਕਾ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੀ ਸਟਾਰਬੇਸ ਪਹੁੰਚੇ।
ਸਟਾਰਸ਼ਿਪ ਪੁਲਾੜ ਯਾਨ ਅਤੇ ਸੁਪਰ ਹੈਵੀ ਰਾਕੇਟ ਨੂੰ ਸਮੂਹਿਕ ਤੌਰ ‘ਤੇ ‘ਸਟਾਰਸ਼ਿਪ’ ਕਿਹਾ ਜਾਂਦਾ ਹੈ। ਇਸ ਟੈਸਟ ਵਿੱਚ, ਬੂਸਟਰ ਨੂੰ ਲਾਂਚ ਕਰਨ ਤੋਂ ਬਾਅਦ ਲਾਂਚਪੈਡ ‘ਤੇ ਵਾਪਸ ਲੈਂਡ ਕਰਵਾਇਆ ਜਾਣਾ ਸੀ, ਪਰ ਸਾਰੇ ਮਾਪਦੰਡ ਸਹੀ ਨਾ ਹੋਣ ਕਾਰਨ ਇਸ ਨੂੰ ਪਾਣੀ ਵਿੱਚ ਉਤਾਰਨ ਦਾ ਫੈਸਲਾ ਕੀਤਾ ਗਿਆ।
ਸਟਾਰਸ਼ਿਪ ਦੇ ਇੰਜਣ ਨੂੰ ਪੁਲਾੜ ਵਿੱਚ ਮੁੜ ਚਾਲੂ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਹਿੰਦ ਮਹਾਸਾਗਰ ਵਿੱਚ ਉਤਾਰਿਆ ਗਿਆ। ਏਲੋਨ ਮਸਕ ਦੀ ਕੰਪਨੀ ਸਪੇਸਐਕਸ ਲਈ ਪੁਲਾੜ ਵਿੱਚ ਇੰਜਣ ਚਾਲੂ ਕਰਨ ਦੀ ਸਮਰੱਥਾ ਬਹੁਤ ਮਹੱਤਵਪੂਰਨ ਹੈ। ਇਸਦੀ ਵਰਤੋਂ ਆਉਣ ਵਾਲੇ ਮਿਸ਼ਨਾਂ ਵਿੱਚ ਡੀਓਰਬਿਟ ਬਰਨ ਵਿੱਚ ਕੀਤੀ ਜਾਵੇਗੀ।
ਸਟਾਰਸ਼ਿਪ ਨੂੰ ਧਰਤੀ ‘ਤੇ ਵਾਪਸੀ ਦੇ ਦੌਰਾਨ ‘ਹਾਇਰ ਐਂਗਲ ਆਫ਼ ਅਟੈਕ’ ‘ਤੇ ਉਡਾਇਆ ਗਿਆ ਸੀ। ਇਹ ਫਲੈਪ ਨਿਯੰਤਰਣ ਅਤੇ ਥਰਮਲ ਸੁਰੱਖਿਆ ਪ੍ਰਣਾਲੀਆਂ ‘ਤੇ ਕੀਮਤੀ ਡੇਟਾ ਪ੍ਰਦਾਨ ਕਰਦਾ ਹੈ। ਇਸ ਡਾਟਾ ਦੀ ਮਦਦ ਨਾਲ ਭਵਿੱਖ ‘ਚ ਸਟਾਰਸ਼ਿਪ ਦੇ ਡਿਜ਼ਾਈਨ ਅਤੇ ਸਿਸਟਮ ‘ਚ ਬਦਲਾਅ ਕਰਨਾ ਆਸਾਨ ਹੋ ਜਾਵੇਗਾ।
