ਨਵੀਂ ਦਿੱਲੀ, 22 ਜਨਵਰੀ 2023 – ਅਮਰੀਕੀ ਫੌਜ ਨੇ ਸ਼ੁੱਕਰਵਾਰ ਨੂੰ ਸੋਮਾਲੀਆ ‘ਤੇ ਹਵਾਈ ਹਮਲਾ ਕੀਤਾ। ਹਮਲੇ ‘ਚ ਕਰੀਬ 30 ਇਸਲਾਮਿਕ ਅਲ-ਸ਼ਬਾਬ ਲੜਾਕੇ ਮਾਰੇ ਗਏ ਹਨ। ਯੂਐਸਏ ਅਫਰੀਕਾ ਕਮਾਂਡ ਨੇ ਇਸ ਦੀ ਜਾਣਕਾਰੀ ਦਿੱਤੀ। ਇਹ ਹਮਲਾ ਸੋਮਾਲੀਆ ਦੀ ਰਾਜਧਾਨੀ ਮੋਗਾਦਿਸ਼ੂ ਤੋਂ 260 ਕਿਲੋਮੀਟਰ ਉੱਤਰ-ਪੂਰਬ ਵਿਚ ਗਲਕਾਡ ਨੇੜੇ ਹੋਇਆ। ਇਸ ਹਮਲੇ ‘ਚ ਕੋਈ ਵੀ ਨਾਗਰਿਕ ਜ਼ਖਮੀ ਜਾਂ ਮਾਰਿਆ ਨਹੀਂ ਗਿਆ।
ਅਮਰੀਕੀ ਬਲਾਂ ਨੇ ਸੋਮਾਲੀਆ ਨੈਸ਼ਨਲ ਆਰਮੀ ਦੇ ਸਮਰਥਨ ਵਿੱਚ ਇੱਕ ਸਮੂਹਿਕ ਸਵੈ-ਰੱਖਿਆ ਹਮਲਾ ਸ਼ੁਰੂ ਕੀਤਾ, ਜੋ 100 ਤੋਂ ਵੱਧ ਅਲ-ਸ਼ਬਾਬ ਲੜਾਕਿਆਂ ਨਾਲ ਭਿਆਨਕ ਲੜਾਈ ਵਿੱਚ ਰੁੱਝਿਆ ਹੋਇਆ ਸੀ। ਪਤਾ ਲੱਗਾ ਹੈ ਕਿ ਅਲ ਸ਼ਬਾਬ ਅੱਤਵਾਦੀ ਸੰਗਠਨ ਅਲ ਕਾਇਦਾ ਨਾਲ ਜੁੜਿਆ ਹੋਇਆ ਹੈ।
